DLAŊ LEVIRA 21:6 - Boy Lonana

⁶ Asi ɦal tasi ni maŋ Loosina, asi ka pan sem Loosinaɗi. Kay asi ni suu tak tina fok Yawena ti ma vi Loosinana, asi hin laki tew tew ni teteɗ.

DLAŊ LEVIRA 21:6 ပူးပေါင်းရင်းမြစ်များ

EZDRAS 8:28

An hin dasi olo ana, «Agi ki ni hini maŋ Yawe, tlesuu yoori u doonora, u lorrana ki ni hini maŋ Yawe. Asi ni ɦalla ɦawara maŋ Yawe, Lo ma vi Somoyogina.

KALKIRA 19:22

Muli suu li ɓivunna lay lini asi a ɦuɗ tasi ay eg Yawe ni li tasi ay ki teteɗ, li ka naɗi ni Yawe casi kiyo.»

KALKIRA 28:36

Aŋ yoo lorra ko ɓo tlena na, aŋ ɓii kaɗ ko ndal tampoŋŋa na, «TETE ƊTA MAŊ YAWE».

KALKIRA 29:44

An mbuɗ mbutluɓma u givin ma togolla ki teteɗ, Aaron u goryom an mbuɗusi ki teteɗ may, kay a asi li sunda lan ɓivunna.

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

DLAŊ LEVIRA 19:12

Aŋ suu taŋ kay dossa u senɗi, ni aŋ ɓalak ki ni sem Looŋŋa. Ni an, Yawe.

DLAŊ LEVIRA 20:3

An may ni hin ɦal ŋgoron maŋ sa namma, paɗam ki duk suu mamsina, kay nam ɦal gorom ki maŋ Molek, mbuɗun Zira Tokka manda ki njenjee, ɓalakan sen ma teteɗna kiyo.

DLAŊ LEVIRA 21:17

«Aŋ di Aaron ana, Basara u basara ni lini sa ma hu njafaŋ ki dakiya ni, nam ka tuɗ ha tok a ɦal tina maŋ Loommaɗi.

DLAŊ LEVIRA 21:21

Gegelay ma hu njaf Aaron ma dak ndaɗta egemma ka kal a li ɓivun ma ɦal tina maŋ Yaweɗi, kay ana nam ki ni dakiya. Nam ka ndak a tuɗ ɦal tina maŋ Loommaɗi.

DLAŊ LEVIRA 21:23

Na may nam ka tuɗ ha ta ta hu li ma gojolina ha caki hunaɗi, ka tuɗ hu givin ma togollaɗi lay, kay ana nam ki ni dakiya, ka a nam mbuɗun Zira Tokka manda ki njenjeɗi, mbuɗ tlesuu hurumma ki njenjeɗi lay. Kay mbuɗ li namma ki teteɗ ni an, Yawe.»

DLAŊ LEVIRA 21:8

Suu Israelna gegelay ni mba hum u teteɗta vi muli suu li ɓivunna, kay asi ni suu tuɗun fu ma agi ɦannana ha hu Li ma teteɗna man an, Looginana. A asi li ki ni teteɗ, kay an tanda ki ni teteɗ may. An, Yawe, ni sa ma mbuɗugi ki teteɗna.

DLAŊ LEVIRA 3:11

Ŋgoo dagan mul ma li ɓivunna ŋgal tle asina hu givin ma togolla. Ni ɓivun ma ŋgalam ki maŋ Yawena.

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

NDUMBA 28:2

«An di dlara ha maŋ suu Israelna ko wanda na. Hu buuna halaŋ, asi mbaaran ɓivun masina ay hu li ma ŋgaam na ŋgana ni tiinna lan ɓivun ma his jivina.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.