DLAŊ LEVIRA 20:26 - Boy Lonana

²⁶ «Lagi tagi ki man teteɗ. Kay an tanda, Yawe, an ki ni teteɗ. An tinigi ndalagi ki duk suuna zeɗ kay ana agi li ki ni manu.

DLAŊ LEVIRA 20:26 ပူးပေါင်းရင်းမြစ်များ

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

SOOLLA 99:5

Ŋgaagi Yawe, Looygina, goɓogi yagi ga fok dlam mamba mulla, nammi teteɗ.

SOOLLA 99:9

Ŋgaagi Yawe Looygina, goɓogina kay yam ɦini mamba teteɗta, kay Yawe, Looygina, nam teteɗ.

KALKIRA 33:16

Ni sana hin wi ni u me ana an u suu maŋsina fi jivira iriŋ wa nige? Lini aŋ ka dukumiya ni, an u suu maŋsina hin wi ki ana ami ki ni zeɗ u suu daŋŋa naɗi su?»

EZAYI 30:11

Calaɗagi voɗta kiyo, ɦuɗugi ki day eg voɗta, dami boy ma Teteɗ ma vi suu Israelna naɗi.»

EZAYI 6:3

Asi sawalla kolo duk tasi ana, «Teteɗ, teteɗ, teteɗ, Yawe, ma Saɓakŋa Kom Belna. Bibiŋil mamba oy ki kay yam ndaŋgara halaŋ halaŋ.»

DLAŊ LEVIRA 11:44

Kay anni Yawe, Loogina, agi lagi tagi ki teteɗ a mbuɗ tagi ki teteɗta kay an tanda ki ni teteɗ. Agi mbuɗ tagi ki njenje u tlege suu asinaɗi.

DLAŊ LEVIRA 19:2

«Di suu toki suu Israelna halaŋ, aŋ dasi ana, Lagi tagi ki teteɗ, kay an ki ni teteɗ may. Ni an Yawe, Loogina.

DLAŊ LEVIRA 20:24

Ni ko an dagira na, Agi hin tlasi mbas masira ki ni agiya, an ɦagira ki ni an daŋ may. Ni mbas mayra mbiira u mbul yumma huruɗ cocora. «Ni an Yawe magina, mbuɗugi ki zeɗ duk njaf suu daŋŋa halaŋ.

DLAŊ LEVIRA 20:7

Ҥagi tagi ki maŋ Lona, a agi mbuɗ ki teteɗ kay anni Yawe, Loogina.»

DLAŊ LEVIRA 20:8

«Humugi u gaɗ manda, lagi uɗu. Anni Bu Suuna ma mbuɗugi ki teteɗna.

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

JOSUWE 24:19

Josuwe hin di suuna ana, «Agi ka ndak a sun Yaweɗi, kay nammi Lo ma teteɗna, ni Lo ma hurum ya cocona, nam ka ndak a siɓigi yaagira u dla coogiraɗi.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.

WIRA ŊGAYRA 4:8

Tlesuu iiri asina ma dewna garaŋam karkiya, karkiya. Asi u iira hurusi bari kurufu lay, egesi lay. Asi gi soolla ni na tew tew faali lay njeŋge lay, «Teteɗna, teteɗna, teteɗna Bu Suuna, Lona, ma Saɓakŋa Kom Belna. Ma ay jewna. Ma ka cecemina. Ma hin mbana.»