DLAŊ LEVIRA 20:24 - Boy Lonana

²⁴ Ni ko an dagira na, Agi hin tlasi mbas masira ki ni agiya, an ɦagira ki ni an daŋ may. Ni mbas mayra mbiira u mbul yumma huruɗ cocora. «Ni an Yawe magina, mbuɗugi ki zeɗ duk njaf suu daŋŋa halaŋ.

DLAŊ LEVIRA 20:24 ပူးပေါင်းရင်းမြစ်များ

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

KALKIRA 6:8

«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».

KALKIRA 3:17

An di ana, an min cukugi ay ki hu lassa Egiptera, tuɗugi ki hu mbassa Kanaanda, ta Hetta, ta Amoreenda, ta Perizira, ta Hivda u ta Jebusenda, ni hu mbas mayra law gi mbiira u mbul yumma.

KALKIRA 3:8

An cuk ay ga ni a buɗusi ki ko suu Egiptena, a tuɗusi ki hu mbassa ŋgolla jivi cocora, hu mbas mayra law gi mbiira u mbul yumma. Ni hu lina vi suu Kanaanna, suu Hetna, suu Amoreenna, suu Perizina, suu Hivna u suu Jebusenna.

DLAŊ LEVIRA 20:26

«Lagi tagi ki man teteɗ. Kay an tanda, Yawe, an ki ni teteɗ. An tinigi ndalagi ki duk suuna zeɗ kay ana agi li ki ni manu.

KALKIRA 33:16

Ni sana hin wi ni u me ana an u suu maŋsina fi jivira iriŋ wa nige? Lini aŋ ka dukumiya ni, an u suu maŋsina hin wi ki ana ami ki ni zeɗ u suu daŋŋa naɗi su?»

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 MULINA 8:53

Kay aŋŋi sa ma manasi ki duk suu kay ndaŋgarana halaŋ, hinisi ki maŋ kay taŋ a jooŋŋana. Ko ndal aŋ di ay ki jew fun Moiz saaŋ ma sundara na, hu li ma aŋ cukumi somoyomi ay ki hu mbassa Egiptera wanna, ɦi, Bu Suuna Yawe,»

NDUMBA 23:9

Ay kolo kay ɦinira day an golosi aya, kolo kay li mbuyna an saarasi ki jiviya, an wasi ni asi ni suu ki vay dasi zeɗna, ndumusi ka duk njaf suu halaŋŋaɗi.

KALKIRA 33:3

Tuɗ hu mbas mayra law ki mbiira u mbul yumma, An ka ndak a tuɗ dukugiɗi kay agi ni suu yagi kaɗina, lini an tuɗ dukugiya ni daɓagi ha ki voɗo.»

KALKIRA 13:5

«Hu li ma Yawe cukugi hu mbassa Kanaanda, vi suu Hetna, vi Amoreenda, vi Hivda u suu Jebusenna, ta nam vi vunum a ɦaɗ maŋ somoyogira, a ɦagi ni mbas mayra law mbiira u mbul yumma, ni agi tuɗ li ɓivun namma na gak gak.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

KALKIRA 33:1

Yawe di Moiz ana, «Aŋ u suuna halaŋ suu aŋ cukusi ay ki hu mbassa Egiptera hin li ma kogina, tuɗ hu ndaŋgara an vi vunun kaɗ a ɦaɗ maŋ Abraham, maŋ Isaak, maŋ Yakob dasi ana, An hin ɦaɗ ka ni maŋ goryogiya.

DLAŊ LEVIRA 14:34

«Hu li ma agi tew hu mbassa Kanaan ta an ɦagira ki magira wa ni, lini an tin zozoɗta ki pay zira vi sa wa ndaɗ gufuu ki wa ni,