DLAŊ LEVIRA 2:2 - Boy Lonana

² Mbaa tle asina ay maŋ muli suu li ɓivunna, goryoŋ Aaronna. Yow fuɗ ndaɗta ni oy duk koŋ dew. Fuɗta may, mbulna may, u mbitla his jivira may. Mul ma li ɓivunna ŋgal tle asina kay givin ma togolla, ni ɓivun ma gi humba. Ni tlesuu ɦasi maŋ Lona a ŋgalasi kina, his ma jivi ii Yawena.

DLAŊ LEVIRA 2:2 ပူးပေါင်းရင်းမြစ်များ

NEHEMI 13:14

Humuŋ gaŋ ay kanu, Loonna, kay dla ndaɗta, aŋ bulum ɗegeera an laɗ kay zira vi Loonna, kay sundara kiɗi.

NEHEMI 13:22

An di suu Levina olo ana asi mbuɗ tasi ki teteɗ a mbay gol vun grekŋa a li u buu ma Sabatna may. Kay dla ndaɗta may ni humuŋ gaŋ kanu, Loonna, wan hahawan u ɗegee maŋga ŋgolla.

KALKIRA 30:16

Aŋ vi gursu namma ko suu Israelna halaŋ, cukum hu zi mayra tokka hu mbutluɓma, ni kay a li sunda hu mbutluɓma u namba. Gursu namma hin fok Yawe ni a gi humba kay va ma agi ɦam a va ma mbuɗ iiri magirana.»

EZAYI 66:3

Suu ka li ɓivunna hu mbutlnana hin ci sa warna tok may, suu li ɓivunna u timigiina hin ŋgaɗ del dina lay. Sa ma ŋgalan mbul ma hisna, hin goɓ fulina lay. Asi manni voɗ masira hurusi ka furi kay sun masira co ndaɗta.

DLAŊ LEVIRA 1:13

Sa ma mba dan ɓivunnana mbus yorotna u kewetta ki halaŋ, ɦasi maŋ mul ma li ɓivunna nam ŋgalasi ki lay. Kay ana ni ɓivun ma ŋgalam kina, ni ndoos ma his jivi maŋ Yawena.

DLAŊ LEVIRA 1:17

Wak lay namma ki duk kay garaŋam na, ka ɓorowom irim ki dukgi kama. Mul ma li ɓivunna hin ŋgalam kay kura hu givin ma togolla. Ni ɓivun ma ŋgalam kina, his ma jivina fok Yawe.»

DLAŊ LEVIRA 1:9

Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.

DLAŊ LEVIRA 2:16

Ŋgoo dagan, mul ma li ɓivunna hin ŋgal tle asina kay gi humba, yow wa ma hawina nde may, mbulna nde may u mbitla his jivira may. Ni puura ŋgalaɗ ki ŋgali maŋ Yawera.»

DLAŊ LEVIRA 2:9

Duk tle asina mul ma li ɓivunna yow ɦiw ni ŋgal kay givin ma togolla a gi humba. Ni puura ŋgalaɗ ki ŋgalira, his ma jivi ii Yawena.

DLAŊ LEVIRA 24:7

Aŋ tol mbul ma his jivina kay komnjoɗiina dew dew bel u mbul namma hin ŋgalam hu li ma ŋgal mbul ma his jivina a gi humba ni nam tok.

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 5:11

«Lini sana saɓakam ka a fi gugukka mbaraɗi lay ni, nam ndak ɦal fuɗta ay u tassa ma kelewna fiɗi, ni a ɓivun ma bulum cora kina. Nam ka vo mbul kay fuɗtaɗi, ka cuk mbitla his jivira dukgi lay, kay ni ɓivun ma bulum cora kina.

DLAŊ LEVIRA 5:12

Nam ɦal fuɗ ndaɗta ay maŋ mul ma li ɓivunna, mul ma li ɓivunna yow hu duk kom dew a li ɓivun ma gi humba maŋ Lona, ŋgal tle asina hu givin ma togolla maŋ Yawena, ni ɓivun ma bulum cora kina.

DLAŊ LEVIRA 6:15

Gegelay ma hu njaf Aaron ma hin a mbuɗ mul ma li ɓivunna li ni ko ndaɗta na lay. Gaɗ ndaɗta hin ha ni a fafaɗta, ŋgalaɗ ki ni ŋgali hu givin ma togolla maŋ Yawe.

NDUMBA 5:18

Mul ma li ɓivunna tuɗ cara ha fok Yawe fokoɗ tlesuu baari kay yaɗna kiyo, nam gaɗ tlesuu li ɓivunna hu duk koɗu, ni ana ɓivun ma kay huu ma ki ɓeŋina, mul ma li ɓivunna vi yo ma galakŋa kom may, ni yo ma gaɗ vunna u namma.

NDUMBA 5:26

Mul ma li ɓivunna yow fuɗta duk kom dew tuɗ ŋgalaɗ hu givin ma togolla, ŋgoo dagan nam ɦal yo ma galaana maŋ cara.

SUNDA 10:4

Nam wi sa sunda huulona na ni tam mbuɗ ndaana, nam joɓom ana, «Nanage Bu Suuna?» Sa sunda huulona hoŋom dira ana, «Lona vaŋ cen maŋga wa, u njunda aŋ ka njun u suu hawra ni nam humum gam ay kaŋ wa.