DLAŊ LEVIRA 2:14 - Boy Lonana

¹⁴ «Lini agi li puura u njaf wa ma ne ki jewna maŋ Yawe, agi gijaŋŋa ni haw yam wana, hin luɗ fuɗ wa namma ay ki jew a aŋ mbaaram fok Yawera.

DLAŊ LEVIRA 2:14 ပူးပေါင်းရင်းမြစ်များ

DLAŊ LEVIRA 23:10

«Aŋ tuɗ di suu Israelna ana, Hu li ma agi tew hu mbassa an min a ɦagirara wa ni, agi mbuɗ a feɗ wana vora wa ni, yam wa ma ne ki jewna agi ɦam ay ki maŋ mul ma li ɓivunna, yam waagina halaŋ.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.

1 KORINTNA 15:20

A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

NDUMBA 28:2

«An di dlara ha maŋ suu Israelna ko wanda na. Hu buuna halaŋ, asi mbaaran ɓivun masina ay hu li ma ŋgaam na ŋgana ni tiinna lan ɓivun ma his jivina.

2 MULINA 4:42

Hu coki ndaɗta sana dew col ay hu Baal-Salisa mbaa funa ay maŋ sa vi Lonana na dok-mba', kus yam wa ma neeyna ay kam hu mbumbuna may. Elize di ana, «Ɓorowom ha ki maŋ suuna, asi tamu.»

GA 8ATAMBARA 26:2

agi yow yam tlegeyegi suu ne ki fok jewna halaŋ suu fuɗugi hu mbassa Yawe Loogina ɦagirara, cuk tle asina hu kaalamba, tuɗusi hu li ma Yawe Loogina ŋgaɓam kina.

DLAŊ LEVIRA 23:20

Mul ma li ɓivunna tuɗusi fok Yawe u geŋeɗta geŋeɗ tamba, gor timigii suu mbana u fu ma vun wa ma ne ki jewna halaŋ ko tasi dew. Ni tlesuu teteɗ suu maŋ Yawena hin hinisi ni maŋ mul ma li ɓivunna.

DLAŊ LEVIRA 22:29

«Lini agi min a li ɓivun ma gi deɓpa maŋ Yawe ni lagi ni ko gaɗta dira na, ni ɓivun namma hin li kagi jivi may.

URA TIN AYRA 4:3

Fali taa dew ni Kain yow yam tlesuu jivi kay ndaŋgarana komu li ɓivunna maŋ Yawe.

DLAŊ LEVIRA 2:15

Aŋ vo mbulna duku cuk mbitla his jivira duk may, ni tlesuu puura njaf wana.

DLAŊ LEVIRA 2:16

Ŋgoo dagan, mul ma li ɓivunna hin ŋgal tle asina kay gi humba, yow wa ma hawina nde may, mbulna nde may u mbitla his jivira may. Ni puura ŋgalaɗ ki ŋgali maŋ Yawera.»

DLAŊ LEVIRA 23:13

mbaa fuɗta yarasi u mbul ma his jivina a li ɓivunna u njaf wana ay hu ii kelew karkiya may. Ҥal sum veŋŋa ay hu litir dew u nus may. Ni an hin vagi ɓivun magina jiviya.