DLAŊ LEVIRA 19:5 - Boy Lonana

⁵ «Hu li ma agi ŋgaɗ yoona a lan ɓivun ma heɓpa ni, langina ko gaɗta dira na. Ni an, Yawe, hin vagi ɓivun magi namma jivi may.

DLAŊ LEVIRA 19:5 ပူးပေါင်းရင်းမြစ်များ

2 DLAŊ MULINARA 31:2

Ezekiyas ka ii muli suu li ɓivunna ki hu liisi na cuɓ cuɓ u dee suu vi Levina lay, gegelay ni u sun mamba kom hu ii liimma liimma, kurufu hu Ziŋ Lonara, muli suu li ɓivunna u dee suu vi Levina, sun masira ni kay a li ɓivunna bel, ɗowba a li ɓivun ma taɓ duk ɦoŋga, ɗowba li sun mayra gol tokka ni kay a geleɗ Yawe, ŋgaamu, ɦam ŋgolla may.

KALKIRA 24:5

Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa maŋ Yawe may.

EZEKIYEL 46:12

Hu li ma mulna a li ɓivunna maŋ Yawe ni, ɓivun ma ŋgalam ki ŋgalina u min mamba, ɗowba ɓivun ma taɓ duk ɦoŋga u min mamba ɦawana ni, asi malam vun ma ii u maɗiinana kiyo. Nam li ɓivun ma ŋgal kina ɗowba ma taɓ duk ɦoŋga, ni ko nam li ma hu buu ma vi Lonna na may. Ŋgoo dagan nam hin kal ay kiyo. Ŋgoo dagan asi dug vun namma ki gaw may.

EZEKIYEL 46:2

Mulna kal ha hu vun ma ii ŋgoona, ha fun zira ŋgolla hu li ma nam kak huna na. Nam col vun goŋga u semu, mul ma li ɓivunna lam ɓivun ma ŋgal kina u ɓivun ma taɓ duk ɦoŋga kamu. Nam goɓ ga fok Lona u hurum halaŋ fun zira ŋgolla, ŋgoo dagan nam hin hoŋ ay kiyo, na may vun namma sa ka dugum oloɗi ta ta fiɗigiya.

DLAŊ LEVIRA 1:3

«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

DLAŊ LEVIRA 19:4

«Hoŋogi irigi u loogi suu ɦawanaɗi, ka agi ceɗegi tlesuu gol ko ndal Lona nanaɗi lay. Ni an, Yawe, Loogina.

DLAŊ LEVIRA 19:6

Kom tliw namma ki ni hu buu ma ŋgaɗam huna gaw, ɗowba vin maɗiiya. Na may u ma hin hu buu ma hindina ŋgalam ki ŋgaliya.

DLAŊ LEVIRA 22:19

Lini agi min a ɓivunna li jiviya ni mbaa ay ni va ma njufna ma bay ŋgulla egemma, duk yoori magisina mbutl ɗowba timii ɗowba ɦu ɗowba.

DLAŊ LEVIRA 22:21

«Lini sana min a li ɓivunna kay dlara nam yi va kam yii ɗowba ɓivun ma u min mamba a hal heɓpa maŋ Yawe ni, nam hin li ɓivun ma heɓpa. Nam vi ay ni yoo ma ŋgol ɗowba ma gooro, ni nam ɦal ni ma bay ŋgulla egemma, ni ma huɗuk ka egembina.

DLAŊ LEVIRA 22:23

Lini mbutlna ɗowba timiina, sem ma dewna fiyek ɗowba ki geɗeŋe ni aŋ ndak a li ɓivun ma minda u namu. Ka li ɓivun ma sana yi va kam yii kala suu tam kala u nambi kama.

DLAŊ LEVIRA 22:29

«Lini agi min a li ɓivun ma gi deɓpa maŋ Yawe ni lagi ni ko gaɗta dira na, ni ɓivun namma hin li kagi jivi may.

DLAŊ LEVIRA 7:16

«Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may.

DLAŊ LEVIRA 7:18

Lini asi kom tliw ma li ɓivun ma heɓpa namma wa hu buu ma hindina ni Lona ka vi ɓivun namma oloɗi, nam ka ndumum oloɗi lay. Sa ma kom tliw nammana mbaa cora kam wa.