DLAŊ LEVIRA 19:18 - Boy Lonana

¹⁸ Hal dlara sa sukuluŋgaɗi, aŋ ka ɗok yara huruŋ eg wayaŋŋa na gak gakgi, gegelay dukugi ni mba min ndaramma ko nam min tamba na. Ni an, Yawe.

DLAŊ LEVIRA 19:18 ပူးပေါင်းရင်းမြစ်များ

URA TIN AYRA 4:23

Lemek di boyogom ana, «Ada u Silla, humun ki vunun haa. Boyogi suu vi Lemekŋa, humugi jiviya. Lini sa waɗan wa ni an ci sa ki dew. Lini sa dagan wa ni an ci goozoŋ ki dew.

2 SAMUEL 13:22

Absalom ka di va maŋ wayamma Amnonɗi kay ana Absalom mbuɗ Amnon ki a saam ma babalira kay ɓeŋga nam ɓeŋem wayamba Tamar kira.

2 SAMUEL 13:28

Absalom ɦal voɗta maŋ mborɓogi mamsina ana, «Gologi jiviya. Hu li ma Amnon hurum oy ki u furira u sum veŋŋa wa, an hin dagi wa ana, waɗagi Amnonni agi hin cam kiyo. Lagi ndaaɗi. An ɦagi voɗta ka ni anɗi su? Soogi ugi takagi saɓak magina kiyo.»

SOOLLA 103:9

Nam ka tuɗ fok u gaɗta gaɗ sana na ta taɗi, ka vi ya hurumbi lay.

KALKIRA 20:16

«Aŋ di dlara co kay ndaraŋgi.

VUN ŊGOLNA 20:22

Di ana, «An min hoŋ cora sana landa egenda ki may naɗi.» Tin huruŋŋi kay Yawe nam hin suɗuŋ kiyo.

DLAŊ LEVIRA 19:34

Ŋgay ma ki kaki dukugi namma agi golommi ko wayagina na, agi minim ko agi min tagira na may, kay agi lay ni li ay ki ni ŋgayra hu mbassa Egiptera may. Ni an, Yawe, Loogina.

MATIYE 19:16

Sana ɦuɗ tam eg Yesu, joɓom ana, «Mala Haɗta, va ma an lam jivina a fi iirira ka daɓ kiɗira ni mege?»

MATIYE 19:19

Tli yam buŋ u suŋ koloo. Min ndaraŋŋa ko taŋga na.»

Boy Ma Ayra Ma JAŊ Ɓiirimma 13:34

An ɦagi gaɗta wilira ha ana, Minigi tagi duk tagiya. Minigi duk tagi ko an minigira na.

SUNDA 16:28

Pol sawalla u delem kolo eŋga ana, «Li va ma co eg taŋgi, ami ka tani halaŋ.»

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

ROMMA 13:4

Lona tin ŋgolla ni namu, kay a tuɗ sana eg jivira. Lini aŋ li va ma coo ni li ndaana ko ŋgolla, asi cuk suuna daŋgayna ni ka u saɓak masina ɦawaɗi, asi li ni sunda vi Lona kay a tak ki ni yara vi Lonara, hu li ma asi cuk suu li cora daŋgayna.

ROMMA 13:9

Kay ndaɗta gaɗta di ana, «Aŋ li zoŋgi, ci maɗɗi, kulɗi, ŋgiziɗ vaŋ saɗi,» gaɗ ndaɗta lay ura daŋga lay taɓ dew hu mayra ana, «Min ndaraŋŋa ko taŋga nara.»

GALATENA 5:14

Gaɗta halaŋ taɓi hu gaɗta dewra ana min ndaraŋŋa ko taŋga na.

GALATENA 5:20

Li ɓivunna lo ma ɦawana, u kumuna, suuna mbuɗ gonokka duk tasiya, asi yal tasiya tasiya, li honira duk tasiya, irsi ki ɓorowi cub cub.

EFESNA 4:31

Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.

GA 8ATAMBARA 32:25

Ha ki keŋŋi ŋgew valaŋga ka casi goryosi ay gak may, vo usi ni dlara lasi ndaana ka coco may. Goozoŋŋa u gootamara jeŋira ni na lay. Su gorra u sa ŋgol ma yam ɦussa miɗ ni na lay.

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

KOLOSNA 3:8

Cecemi agi noy dla ndaɗta ki halaŋ, yara u huu ma ɓeŋga u honira, ŋgulla, u boy ma zolona kal ki funugiɗi.

HEBRENA 10:30

Aygi waygi sa ma di anaba, «Sa ma sasugul suuna ni anu, an hin warakaŋŋi anu.» Di olo ana, «Bu Suuna hin kaɓakŋa kay suu mamma.»

Magaara JAK Ɓiiriɗta 2:8

Lini agi lagi u va ma gaɗta dam kay mulla huulonara u voɗom ko ɓiira dira na ni jiviya, «Min ndaraŋŋa ko taŋga na.»

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

1 JAŊ 4:21

Gola ni gaɗta Yesu ɦaygira ana sa min Lona, min wayamma may.