DLAŊ LEVIRA 19:17 - Boy Lonana

¹⁷ «Ŋgay honira huruŋ eg wayaŋaɗi, na may li ndaa kay gaɗta aŋ a gaɗ wayaŋŋaraɗi kay ana ka agi taɓagi ki hu dla cora nam laɗta jakgi.

DLAŊ LEVIRA 19:17 ပူးပေါင်းရင်းမြစ်များ

1 JAŊ 2:9

Sa di ki kay tam ana nam ka hu kiɗikkana, li ka li babali u wayamma ni, nammi hu ndufunda tuwa.

Boy Ma Ayra Ma LUK Ɓiirimma 17:3

Lagi tagi jiviya. «Lini wayaŋŋa laŋ dla cora egeŋ wa ni, aŋ tuɗ egem ɓakam na lam lam, lini nam jok dlaamba lira wani, aŋ daɓam coomba kiyo.

1 JAŊ 2:11

Sa ka li babalira u wayammana nam tuɗ ni hu ndufunda nam ka wi li nam ka tuɗ hunaɗi, kay ndufunda dugum irim kiyo.

GALATENA 6:1

Gorsenna lini wayaygi maa kal hu cora wa ni, agi suu ka hu Musuk Lonara mbaaram ay hu voɗta ɗegeera, ni gol taŋ jivi egemu, an di hu olo ana gol taŋ jivi kay aŋ kay taŋga mba kal hu dla ndaɗtaɗi.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

VUN ŊGOLNA 9:8

Di sa ma ŋga tamma kay coombaɗi nam tiniŋ iriŋ kiyo. May gaɗ sa ma wi dlara nam hin miniŋŋi min ii na ɗow.

TITTA 2:15

Gola ni va ma aŋ haɗamma, col kam u saɓakŋa a haɗ suu ka humuŋ boy maŋŋana yalasiya. Hin sa dukusi a panaŋgi.

TITTA 1:13

Va ma nam damma ni gasi. Ni kay ndaɗta yalasi eŋe kay asi mba kak u tin huu ma ɗegeena.

2 TIMOTE 4:2

Di Boy Lonana col kam eŋe, lini lina ka jivi ɗowba jiviɗi lay, mal huu suuna, yalasiya, gaɗasiya, haɗasi u lalamba jivira.

1 TIMOTE 5:22

Tin koŋ kay sana zak a ɦam sunda duk suu vi Kristunaɗi, kal taŋ duk cora vi suu hiŋŋaɗi, gol taŋ jivi pasiyak.

1 TIMOTE 5:20

Yal suu li cora ki duk suuna halaŋ, kay suu hiŋŋa hin mbuɗ ndaana may.

1 KORINTNA 5:2

Agi tagira may ni hin ŋga tagi ni ŋgaay na ɗow. Agi a yoo ginni yoori na ɗow, sa ma li dla ndaɗta a dikim ki ginni dukugiya.

SOOLLA 141:5

An minni gaɗta vi suu ɗegeena lini asi gaɗanu, ka mbul ma vi suu cona vo kanɗi ko cen manda col saɓak fokosiya.

URA TIN AYRA 27:41

Ezaw vi Yakob ki hurum gonokka kay paɗta bum paɗ vunum ki kamba. Ezaw ɓak tam hurum ana, «Buu ma bun miɗna ni an hin ci wayanna Yakob kiyo.»

2 SAMUEL 13:22

Absalom ka di va maŋ wayamma Amnonɗi kay ana Absalom mbuɗ Amnon ki a saam ma babalira kay ɓeŋga nam ɓeŋem wayamba Tamar kira.

NEHEMI 13:17

An yal suu ŋgolo suu vi Yudana hin dasi ana, «Agi lagi dla cora a panagi buu ma Sabatna na ni kay mege?