DLAŊ LEVIRA 19:14 - Boy Lonana

¹⁴ Aŋ ŋgul sa ma humum ŋgelinaɗi, gi va ki hu voɗta fok sa ma irim duginaɗi, ko ndaɗta na ni aŋ li ni ndaa Looŋŋa. Ni an, Yawe.

DLAŊ LEVIRA 19:14 ပူးပေါင်းရင်းမြစ်များ

URA TIN AYRA 42:18

Hu buu ma hindina Yosef dasi ana, «Anni sa ma li ndaa Lona may, lini agi min kak iriya ni lagi ko an dagira na.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

DLAŊ LEVIRA 19:32

«Col ki kolo fok suu yasi haɓma, hum u suu maarina, ni aŋ hin li ndaa Looŋŋa ni na may. Ni an, Yawe.

DLAŊ LEVIRA 25:17

Ni ana dukugi ni sa li ii ndarambi, na may agi halaŋ lagi ndaa Lona. Anni Yawe, Loogina.

ROMMA 12:14

Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi.

ROMMA 14:13

Hiniygi dlara kaɓakŋa kay taygira kiyo, saaraygi na ɗow ko di ana, li dla mayra daɓ sem wayaŋŋa ɗowba kalam hu coraɗi.

1 KORINTNA 10:32

Lagi dlara a ba sa kiɗi, ko suu Juifna suu hu njaf ma daŋŋa, u suu vi suu vi Lonna kiɗi.

GA 8ATAMBARA 27:18

«Sa may ma viɗ sa irim dugina ki, takam voɗta kaɗina, sa namma ba ki wa. Suu halaŋŋa hoŋ dira ana, Amin.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

1 PIYER 2:17

Humugi u suuna halaŋ, minigi gorsegi suu vina, lagi ndaa Lona, hum u mul ŋgolna may.

WIRA ŊGAYRA 2:14

Va ma hurun ɓeŋ egeŋ kamma kaa, kay suu tin hurusi kay haɗta vi Balaamma ka varaŋu. Balaam haɗ Balak dlara suu Israelna cuk kaŋga hu cora, asi kom tliw ma li ɓivunna maŋ fulina u namma, li dlara zoŋga lay.