DLAŊ LEVIRA 19:12 - Boy Lonana

¹² Aŋ suu taŋ kay dossa u senɗi, ni aŋ ɓalak ki ni sem Looŋŋa. Ni an, Yawe.

DLAŊ LEVIRA 19:12 ပူးပေါင်းရင်းမြစ်များ

SOOLLA 15:4

Nam ka li bana u sa ma Lona hinim kinaɗi, nam saa ni kay suu ɗegee suu li ndaa Yawena. Nam vi vunum kay dla wa ni nam laɗ ki mbee, lini dla ndaɗta a tam tam lay.

KALKIRA 20:7

«Aŋ yi sem Yawe, Lo maŋŋa, ɦawa na gorɗi kay Yawe kaɓakŋa kay suu yam sem gor gorna.

EZAYI 48:1

Humugi haa, agi suu vi Yakobma, agi suu yi tagi ana suu Israelna na. Agi suu njaf ma vi Yudana. Agi suu suu tagi u sem Yawena. Humugi gagi a suwa kay sem Lo ma vi suu Israelnana. Na may agi ka laɗ u gasiraɗi, ka u ɗegeeraɗi lay.

JEREMI 34:16

Na may agi hoŋogi irigi dagani, ɓeŋengi sen kiyo. Dukugi ni gegelay hoŋ mborɓogina yowra, njufiina u boyogina suu asi cukusi ki gin layna. Agi hoŋosi lassa cecemmi ni ko mborɓogi magisina na olo njufiina u boyogina.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

DLAŊ LEVIRA 20:3

An may ni hin ɦal ŋgoron maŋ sa namma, paɗam ki duk suu mamsina, kay nam ɦal gorom ki maŋ Molek, mbuɗun Zira Tokka manda ki njenjee, ɓalakan sen ma teteɗna kiyo.

DLAŊ LEVIRA 24:11

Nam ma goŋ goora Israellana ŋgul sem Lona, asi vam ay mbaaram maŋ Moiz, sem sum ana Selomit. Ndaɗ ni goŋ Dibrira hu njaf suu vi Danna.

DLAŊ LEVIRA 6:3

Mul ma li ɓivunna cuk kalasoŋga umu, cuk baraw ma cili u baraw dlemba ŋgolna egem may, nam tok but ma ka hu givin ma togolla ɓali ga u mbulnana kiyo, cukum ki keŋ givin ma togolla.

ZAKARI 5:3

Nam hin dan ɗaŋŋi ana, «Dla cora cuk ay ki kay yam mbassa halaŋ halaŋŋi ndaɗu. Olo, hu ii koɗ maa dew di ana, suu kulla halaŋ hin casi kiyo, hu ii koɗ ma hiŋŋa di ana, suu suu tasi bay gasira hin casi ki may.»

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

GA 8ATAMBARA 5:11

«Aŋ yi sem Yawe Lo maŋŋa ɦawa na gorɗi, kay Yawe kaɓakŋa kay suu yam sem gor gorna.

Magaara JAK Ɓiiriɗta 5:12

Gorsenna suurugi tagiɗi, suu tagi u huulonaɗi lay, u ndaŋgaraɗi lay, suu u va ma daŋgi lay. Di ɦawa ana ni na. Ni na daŋ may. Li kaɗi ni, kaɗi may. Kay a ɓakŋa vi Lona vagiɗi.