DLAŊ LEVIRA 19:10 - Boy Lonana

¹⁰ Lini aŋ ka em gugutlu maŋga ni, hoŋ a cil ɦele ma maa ha ki uŋŋaɗi, aŋ ka vaa vuɗ gugutlu ma yak ki koŋ kaŋganaɗi lay, hinim ha ki maŋ suu hahawra u koyogi suu tuɗ kolo voɗna. Ni an, Yawe, Loogina.

DLAŊ LEVIRA 19:10 ပူးပေါင်းရင်းမြစ်များ

EZAYI 17:6

Va ma hin kaŋga dew dewwna ni ɦelena ɦawaa. Ko hu li ma sana ci guɗira u kegemba hin ni kolo vun lewɗekka ni mba' kala, hindi kala ɦawaa. Koɗ ma hin vuɗna ni fiɗi kala, vadl kala ɦawa may. Yawe, Lo ma vi suu Israelna, di na.

EZAYI 24:13

Hu mbassa halaŋ, duk suuna lay va hin ka ŋgol oloɗi, ni ko ndal vuɗ gugutluna maa hu li ma asi a duɗumma ɦawa na. Ɗowba ko ndal vuɗ cono ma maa ko suuna hu li ma asi duɗum kina na.

JEREMI 49:9

Lini suu to wana mbay varak wa ni asi ka hin ii wa duk baara dewɗi. Lini suu kulla mbay njeŋge wa ni, asi ka hin vaɗi, yow tlena u saɓakasiya.

DLAŊ LEVIRA 11:44

Kay anni Yawe, Loogina, agi lagi tagi ki teteɗ a mbuɗ tagi ki teteɗta kay an tanda ki ni teteɗ. Agi mbuɗ tagi ki njenje u tlege suu asinaɗi.

DLAŊ LEVIRA 19:11

«Aŋ kulɗi, aŋ kaboyɗi, lagi ii tagi a tli vaŋ ndaraŋŋana ki u ganyambaɗi.

DLAŊ LEVIRA 19:25

Hu basara vadla ni agi tam vuɗum tuɗaŋ ŋgus magi namma hin vuɗ fok cocoo. Ni an, Yawe, Loogina.

DLAŊ LEVIRA 19:9

«Hu li ma aŋ a feɗ wana hu sene maŋŋa ni feɗem ki bel belɗi, aŋ ka hoŋ a cil ɦelena hu sene maŋŋa tokgi lay.

DLAŊ LEVIRA 23:22

«Hu li ma agi a feɗ wana hu sene magina ni, feɗem ha ki ta ta fun senena halaŋgi. Aŋ sana ka cil ɦele ma hu sene maŋŋana tokgi lay, aŋ hinim ha ki ni maŋ suu hahawra u suu poy kolona. Ni an Yawe, Loogina.»

DLAŊ LEVIRA 25:6

Agi hin ti ni tlesuu day kolo mogoona hu basa ndaɗtana, aŋu, saaŋ ma sunuŋŋa, goora sunuŋga, warak ma vi sa ma buu varaŋŋa, tlesuu vo varaŋŋa halaŋ.

ABDIYAS 1:5

Goloygiya, suu kulna ka mbay varaŋu, suu ɦurum tlena njegena, aŋ hin kak na en ɗaŋ. Na ni asi hin ka kul tlesuu asi ndak a yowosina halaŋgi su? Suu feɗ wana sene vi suuna mbay varaŋ wa ni asi hin varaŋ ha hu sene maŋŋa ni ɦelena ɦawaɗi su?

MISE 7:1

Hahawra ka kanu. Anni ko ndal suu cil ɦelena vun semeɗnana na, ko ndal suu dok barra siira balam suu to wana kina na. Na may ii wa ka na dew a tiraɗi, vuɗum mayra jewra an miniɗ cocora ka na dewɗi lay.

GA 8ATAMBARA 24:19

Hu li ma aŋ a feɗ wana hu sene maŋŋa ni, ma maa ha ki ga uŋŋa aŋ ka hoŋ kam a vaaram oloɗi, ma namma hin ha ni maŋ koyogina, gor suu kuyuna u boyogi suu donona. Ni kay ana Bu Suuna Looŋŋa hin paɗ vunum ki kaŋ hu dlara aŋ laɗta halaŋ.

GA 8ATAMBARA 24:20

Lini aŋ gasi cono maŋga ni ta hin kolo dew dewra aŋ ka duɗuɗ oloɗi, ndaɗta hinni maŋ suu poy kolona, kemba kuyura u boyogi suu donona.

GA 8ATAMBARA 24:21

Lini aŋ nduɗ vuɗ gugutluna ni ma hin ka huna aŋ ka hoŋ ay kam oloɗi, namma hinni maŋ suu poy kolona, kemba kuyura u boyogi suu donona.

SUU KAƁAKŊA 8:2

Gedeon hoŋosi dira ana, «Va ma an lam egegina ni mege? Sunda agi laɗ wanda vaɗ ew lay ni sura vi goryoŋ Abiyezerra kaɗi su?

RUT Magaara Njaɗ Dlara vi Rut 2:2

Rut, goora Moabba, di Noomi ana, «An min tuɗ ŋgoo hu senena tuɗ cil ɦelena, lini an fi sa ma wan hahawan kalage.» Ndaɗ hoŋoɗ dira ana, «Tuɗa, goonda.»