DLAŊ LEVIRA 18:25 - Boy Lonana

²⁵ Mbassa halaŋ mbuɗ ki njenjera, an gaɗasi ni kay dla ndaɗta asi laɗ cora. Mbassa noy suu cuki huruɗna ki wa.

DLAŊ LEVIRA 18:25 ပူးပေါင်းရင်းမြစ်များ

DLAŊ LEVIRA 18:28

Na ni mbas ndaɗta ka noyogi ki oloɗi, kay ana agi mbuɗuɗ ki njenjeraɗi, ko ndaɗ noy suu ki fokogi jewna kira naɗi.

JEREMI 2:7

An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

JEREMI 9:9

Ay kolo kay ɦinira tii ma hahawra kaa. Ay hu li ma taa yoorina soolla yoo tara kaa. Kay ana asi ki ŋgaliya, sa dew lay ka jak huɗi, yoorina sa ka humusi delesiɗi lay. Yoorina, layagina halaŋ ŋgay kiyo, va hin ka oloɗi.

SOOLLA 106:38

Asi vo busu ma li co kaɗina ki gaa, busu gor njufii masisina u gorɓii masisina, asi li ɓivunna maŋ fuli suu Kanaanna, asi ɓalak mbassa ki u busuna wa.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

JEREMI 23:2

Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 5:9

Ni an ka ndak ɓak u asiɗi su? Yawe di na. An ka ndak sa sugulun u njaf suu ko asi nanaɗi su?

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

GA 8ATAMBARA 18:12

Suu li dla ndaɗta halaŋ ii Yawe Loogina ni asi ki ni baaya. Kay dlara co ndaɗta Yawe Loogina dikigi njaf suu daŋŋa ha ki fokogi ni na.

ROMMA 8:22

Cecemi tlesuu Lona lasina halaŋ las ko cara wiina las a vuɗa na.

Magaara Vi Sa Jok Vun Lona OZE 9:9

Asi tuɗ ha ki duk na day u ganyamba ko ndal hu buu ma vi Gibeana na. Lona humum hin gam kay ci maɗ masina nam hin joɓosi ki kay suluk masina.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

SOOLLA 89:32

lini asi ŋgelen vun gaɗ manda ka li u gaɗ manda jiviɗi,

GA 8ATAMBARA 9:5

Ni ka ana agi ni suu ɗegeena, ni suu hurugi jivina agi cuk hu mbas ndaɗta ni na ka naɗi. A gasira ni suu asina li coo, kay ndaɗta Yawe Loogina dikisi ki ni na. Nam li na ni a li ki ni u vi vun ma vi Yawe ma nam vam u somoyogina, u Abraham u Isaak u Yakob.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

DLAŊ LEVIRA 18:26

«Agi may ni lagi u gaɗ manda, u dlara an miniɗta, lagi dla cora asi laɗ wandaɗi, lini agi suu Israelna lay, lini ŋgayagi suu cuki dukugina lay, lagi naɗi.

GA 8ATAMBARA 21:23

Ka hinim maɗam a buu kolo hum gunaɗi, agi pam ki ni hu buu namma gak gak gaw. Kay sa ɓali ki kolona ni givun ma vi Lonna. Agi ka mbuɗ ndaŋga magira ki njenjeɗi, ndaŋga ndaɗta Yawe Loogina ɦagira ni magi a jona.

1 MULINA 21:26

Nam li dla cora, goɓ fulina ko suu Amorna lira na. Ni suu may suu Yawe dikisi ay ki fok suu Israelnana.

EZDRAS 9:11

Fun suu maŋ suu sunda suu jok vun Lona aŋ ɓii gaɗta ni ko wanda na, ndaŋgara agi hin kal huruɗ a tlaɗ wanda ki njenjee, njenje ko suu hu mbassana u dla coosira asi oyoɗ ki col ha ii ko wanna day tew ki ko hiŋŋa u dla coosira.