DLAŊ LEVIRA 18:24 - Boy Lonana

²⁴ «Agi may ni mbuɗugi tagi ki njenje u dlara ca ndaɗtaɗi, kay ndaɗta an dik suu ɦawana ki fokogi halaŋŋi kay dlara asi laɗ co ndaɗta.

DLAŊ LEVIRA 18:24 ပူးပေါင်းရင်းမြစ်များ

GA 8ATAMBARA 18:12

Suu li dla ndaɗta halaŋ ii Yawe Loogina ni asi ki ni baaya. Kay dlara co ndaɗta Yawe Loogina dikigi njaf suu daŋŋa ha ki fokogi ni na.

DLAŊ LEVIRA 18:30

«Lagi u gaɗ manda, ka lagi u dla cora suuna laɗ ka ki fokogi jewraɗi, mbuɗugi tagi ki njenje u dlara co ndaɗtaɗi. Ni an, Yawe, Loogina.»

1 KORINTNA 3:17

Lini sana ɓeŋ Ziŋ Lonana kiyo Lona hin ɓeŋ sa namma ki may. Ziŋ Lonana co ka egembi, a Ziŋ Lonana ni agiya.

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

GA 8ATAMBARA 12:31

Kay Yawe Loogina ni agi ka ndak a li ko asi naɗi, kay tlesuu ka ii Yawe jiviɗina, tlesuu nam ka minisiɗina halaŋ asi lasi maŋ loogi masisina. Goryosi suu njufiina u gorɓiina lay asi ŋgalasi ki maŋ loogi masisina.

DLAŊ LEVIRA 18:3

Lagi dlara agi laɗ ay hu mbassa Egiptera oloɗi. Lagi dlara li hu mbassa Kanaandaɗi lay. Mbassa an min a cukugi hura, lagi u gaɗ masiraɗi.

URA TIN AYRA 15:16

Gor ŋgologi maŋ suu fiɗina hin hoŋ ay tani ni asiya, kay cora vi suu Amorna bay ndak tuwa.»

NDUMBA 35:34

Aŋ ka mbuɗ mbassa an cuki hura ki njenjeɗi, ni mbassa an ka dukugi hura, kay anni Yawe, an ka kaki duk suu Israelna.»

GA 8ATAMBARA 9:4

Lini Yawe Loogina dikigisina ki fokogi wa ni, agi di ana, «Yawe hinimi a cuk hu mbas ndaɗta tlaɗ ki ni kay ami ni suu ɗegeenara dagi naɗi.» Ni kay ana suu asina li coo Yawe dikigisina ki fokogi ni na.

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

EZDRAS 9:1

Dla ndaɗta daɓ ki daɓmi, mulina ɦuɗ tasi ay egen dan ana, «Suu Israelna, muli suu li ɓivunna u suu Levina ɓorow dukusi ka ki u suu hu mbassanaɗi. Asi taɓ tasi ki u dla cora vi suu asinara. Dla cora vi suu Kanaanna vi suu Hetna, suu Perizna, suu Jebusna, suu Amonna, suu Moabma, suu Egiptena, suu Amorna.

SOOLLA 106:39

Asi mbuɗ tasi ki nje njera u dlara asi laɗta, asi mbaɗ Lona u fuli suu asi goɓosina.

GA 8ATAMBARA 9:5

Ni ka ana agi ni suu ɗegeena, ni suu hurugi jivina agi cuk hu mbas ndaɗta ni na ka naɗi. A gasira ni suu asina li coo, kay ndaɗta Yawe Loogina dikisi ki ni na. Nam li na ni a li ki ni u vi vun ma vi Yawe ma nam vam u somoyogina, u Abraham u Isaak u Yakob.

SUU KAƁAKŊA 20:5

Suu maliyaŋ zi ma Gibeana mba ndugun njeŋgee, ŋguy yam zi ma ami buuri huna ki na cutl. Asi min a can kiyo, hin van caanda buu u ndaɗu ta ta jakaɗ ki maɗna.

SUU KAƁAKŊA 20:6

An tli caanda ay mba ŋgaɗaɗ iriɗ ki duk ɓorowoɗ ha ki maŋ dee suu Israelna halaŋŋi na kay asi li ni dla cora duk suu Israelna, dlara ka u voɗto ɗira.

SUU KAƁAKŊA 20:10

Hu dee suu Israelna halaŋŋi, suuna kis ni ay yow ay usi doogo doogo, suuna buɓmi ay yow ay usi kis, suuna buɓ buɓ doogo ni ay yow ay usi buɓ dew may. Suu asina ni suu hin ɦal tlesuu tira ha maŋ suu tuɗ duu Gibeana may. A li njaf suu vi Benjaminna ko ndal dla coosira asi laɗta na may. Asi laɗ ni eg suu Israelna halaŋ.»

2 DLAŊ MULINARA 33:2

Nam li dlara ka ii Yawe jiviɗira. Lini ko ndal njaf suu Yawe dikisi ki fok suu Israelnana na.

EZEKIYEL 36:17

«Goŋ sanna, aŋ hum haa, suu Israel suu ka cuki kay ndaŋga masirana mbuɗuɗ ki njenjera u poy masira cora u dlara asi laɗta. Poy masira ki irin njenjera ni ko ndal cara tew hu tiliɗ ma tuguɗira mbuɗ ki njenjera na.