DLAŊ LEVIRA 18:21 - Boy Lonana

²¹ «Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

DLAŊ LEVIRA 18:21 ပူးပေါင်းရင်းမြစ်များ

GA 8ATAMBARA 12:31

Kay Yawe Loogina ni agi ka ndak a li ko asi naɗi, kay tlesuu ka ii Yawe jiviɗina, tlesuu nam ka minisiɗina halaŋ asi lasi maŋ loogi masisina. Goryosi suu njufiina u gorɓiina lay asi ŋgalasi ki maŋ loogi masisina.

DLAŊ LEVIRA 19:12

Aŋ suu taŋ kay dossa u senɗi, ni aŋ ɓalak ki ni sem Looŋŋa. Ni an, Yawe.

GA 8ATAMBARA 18:10

Ka sa maa dukugi ɦal gorom ma njuf ɗowba ta tamara ŋgalaɗ ki a li ɓivunɗi, ka sa maa ɦal tam kay dlara kumuna, joɓ loogi suu ɦawana li dlara dawra li dukugiɗi.

DLAŊ LEVIRA 22:32

Agi ka mbuɗun sen ma teteɗna ki njenjeɗi, kay a an li ki ni teteɗ duk suu Israelna. Ni an Yawe, ma mbuɗugi ki teteɗna.

SUNDA 7:43

Ҥawaa ka manɗi agi ziirigi gu mbutluɓma vi loogina Molokŋa, u va ma tli tam ko ciciwra nana vi loogina Refanna, Ca ni tlesuu agi lasi a goɓ kaŋga fokosina. Ni kay ndaɗta an hin tuɗugi ha na day su Babilon.

MALASI 1:12

Agi may ɗaŋŋi ɓeŋengi sen ki dagi ana, «Tabulla vi Yawera ki coo. Dlaɓ maɗta u tlesuu tira ki ni njenjee.»

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 11:7

Hu coki ndaɗta ni Salomon min li ma li ɓivunna kolo kay ɦinira vok taɗ u Yerusalem maŋ Kemos lo ma vi suu Moabma. Nam hin min li ma daŋŋa maŋ Milkin lo ma vi suu Amonna may.

DLAŊ LEVIRA 22:2

«Di Aaron u goryomu, asi ti tlesuu teteɗ suu may suu suu Israelna mbaaransina ay a li ɓivunnanaɗi, ka asi mbuɗun sen ma teteɗna ki njenjeɗi. Ni an Yawe.

AMOS 5:26

Na may agi tlagi Sakut a mul magina, Kewan foto lo ciciw magira ma agi minimma.

EZEKIYEL 23:37

Kay asi li dlara zoŋga, huu duk kosi ki oyra u busuna. Asi li dlara zoŋga u fuli masisina ta ta asi ɦasi gor suu asi vuɗunsina manna ki lay.

EZEKIYEL 20:31

Hu li ma agi mbaa tlegeyegi ayna, hu li ma agi ŋgal goryogi kina, agi mbuɗ tagi ki njenjera u fuli magi asina ta ta cemi. An may ni hin hin tan a agi mbay joɓon gasi may su agi suu Israelna? An suu tan u iiri manda di ni Bu Suuna, Yawe, an ka ndak a hin tan a agi joɓonɗi.

JEREMI 7:31

Asi min otel ma li ɓivunna ha hu ɦuɗugumba Ben-Hinnomba kay a ŋgal goryosi suu njufiina u gorɓiina ki u kura. An joɓ dla ndaɗta kaɗi. An saa ka kay dla ndaɗtaɗi lay.

2 MULINA 23:10

Nam mbuɗ li ma yam ana Tofetna ki njenjera. Li namma ay ni hu ɦuɗugumba vi goryoŋ Hinnommara kay ana kaa sa ŋgal gorom ma njuf ɗowba gorom ta tama ki duk kura a tokol fuli ma yam ana Molekŋa oloɗi.

2 MULINA 21:6

Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

DLAŊ LEVIRA 21:6

Asi ɦal tasi ni maŋ Loosina, asi ka pan sem Loosinaɗi. Kay asi ni suu tak tina fok Yawena ti ma vi Loosinana, asi hin laki tew tew ni teteɗ.

ROMMA 2:24

Kay ndaɗta ɓiira diya, «Agi suu Juifna njaf suu daŋŋa ŋgul Lona ni ugiya.»

ROMMA 1:23

Hu li ma a geleɗ saɓakŋa vi Lona ma ka miɗɗina asi hoŋ geleɗ ni va ma tli tam ko sana ma miɗ kina na. Layagina, mburina, u tlesuu ɦaram kaŋgana, asi geleɗesi ni asiya.

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

EZEKIYEL 20:26

An hinisi asi mbuɗ tasi ki njenjera u ɓivun masina. Asi ŋgaɗ goryosi suu njufiina suu vuɗ fok jewna ki maŋ fulina, ŋgalasi kiyo. An li na ni a hin kaasi ɓakŋa kasira. Asi hin wi ki ana anni Yawe.

MISE 6:7

Yawe hin min gamalagi suu bolow cocona su? Nam hin min mbul ma tini na fayaɗ ka daɓbina su? An hin ɦammi goron ma vuɗ jewna a bulumun coonda kira su? Goron ma hurunna kay co man an tandara su?

DLAŊ LEVIRA 24:15

«Aŋ hin ɓak suu Israelna ana, lini sana ŋgul Loommawa ni nam hin zii nek coom ndaɗta ni u tamba.

2 MULINA 17:31

Suu Avana loosina ni Nibaz u Tartak. Suu Safarvaimma tuɗ fok u ŋgalla ŋgal goryosi ki maŋ loosina Adramelek u Anamelek may.

AMOS 2:7

Kay ana asi min a ko gugumma kay suu maŋŋina, asi li ii suu lalamma kay bege masira, ko ndaɗta na goona u bum tuɗ ha ni vi goora dewra a ɓeŋen sen ma teteɗna kira.