DLAŊ LEVIRA 17:7 - Boy Lonana

⁷ Ka suu Israelna ŋgaɗ yoorina ha ki ŋgoo bagi a li ɓivunna maŋ loogi suu ɦawanaɗi. Gaɗ ndaɗta hin ha dukugi ni na din din a fafaɗta.

DLAŊ LEVIRA 17:7 ပူးပေါင်းရင်းမြစ်များ

1 KORINTNA 10:20

Ҥawaa an di na ni kay suu bay vina li ɓivunna ni maŋ fulina, ka maŋ Lonaɗi. An ka min ana agi taɓ u fulinaɗi.

KALKIRA 34:15

Gol taŋ jiviya, vi galam u suu hu mbas ndaɗtanaɗi, hu li ma asi goɓ loogi suu ɦawana, li ɓivunna maŋ loogi masisina asi yaŋ ha aŋ tasi ɓivun masi namma ay wa.

2 DLAŊ MULINARA 11:15

May Jeroboam yow muli mam suu li ɓivunna kay tam a li ɓivunna kay li ma mbuy kolona. Ŋgegina u gor mbutli suu nam yoorosina.

GA 8ATAMBARA 32:17

Asi li ɓivunna maŋ fuli suu ka Lonɗina, asi cen loogi suu asi ka wasiɗina, asi goɓ tlesuu cuk ay ki wilina, suu somoyosi wasi ay kaɗi layna.

SOOLLA 106:37

Asi li ɓivunna ki u goryosiya. Ҥal gorɓii masisina ki maŋ fulina.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

EZEKIYEL 23:8

Ndaɗ hin zoŋ maɗta ndaɗ ha laɗ hu Egipte jewra ka kiɗi. Hu li ma asi lumuɗuɗ pooɗ may na hu li ma ndaɗ ay go tamara tuna, suu daŋŋa buu u ndaɗu, mbuɗuɗ ki cara dalamba.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

DLAŊ LEVIRA 20:5

an u tanda hin mbay u tanda kam u suu hu njafamma halaŋ, an hin daɓasi ki duk suu Israelna. Sa namma u suu tuɗ ay um hu givin ma togolla maŋ Molekŋa halaŋ.

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

KALKIRA 22:20

Agi ka las ŋgay ma kaki varaginaɗi, kay agi ay ŋgayra hu Egipte ni na may.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

Boy Ma Ayra Ma JAŊ Ɓiirimma 14:30

Cecemmi, an hin ka ɓak u agi ŋgol oloɗi. Mul ma hu duliyarana mba wa. Saɓak mamma ka tew egenɗi.

Boy Ma Ayra Ma JAŊ Ɓiirimma 12:31

Cecemmi, suu hu duliyara wanda ii ɓak masina hin ka kiyo. Cecemmi mul ma hu duliyara hin a dik ki lay.

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

DLAŊ LEVIRA 3:17

Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»

DLAŊ LEVIRA 17:8

«Aŋ dasi ki hu olo ana, lini sana ni hu njaf suu Israelna, ɗowba ni ŋgay ma ka cuki dukusina, li ɓivun ma ŋgalam ki ŋgalina ɗowba ɓivun ma ɦawana,

SOOLLA 106:39

Asi mbuɗ tasi ki nje njera u dlara asi laɗta, asi mbaɗ Lona u fuli suu asi goɓosina.

EZEKIYEL 23:3

Asi ay gawlaŋiina hu mbassa Egiptera. Asi gijaŋ dlara gawlaŋŋa ni u way tasiya. Asi hin gorzoŋiina lumuɗusi poosiya, gijaŋ zoŋga ay ni u gori tasiya.

KALKIRA 22:19

Mul ma li ɓivunna maŋ loogi suu ɦawana ka maŋ Bu Suunaɗina, cam kiyo.

KALKIRA 27:21

Kalafi hu mbutluɓma hu li ma suuna ŋgaf tasi huna ni Aaron tin kura hu fiɗigiya ta ta fo lina fok Yawe na. Gaɗ ndaɗta ni ka gaɗta mbuɗɗi ta ta ha kay njaf suu Israelna na gak gak.