DLAŊ LEVIRA 17:15 - Boy Lonana

¹⁵ «Lini gegelay sa ma Israelna ɗowba ŋgay ma ki cuki dukusina kom ɦaana ɗowba tliw ma vabakŋa vamma ni mbus barawi mamsina kiyo, mbus tam ki may, nam ki ni njenje ta ta fiɗigiya, ni nam hin mbuɗ ki teteɗ.

DLAŊ LEVIRA 17:15 ပူးပေါင်းရင်းမြစ်များ

KALKIRA 22:30

Agi hin ki ni a suu man suu teteɗna. Agi ka kom ɦaanaɗi, agi fi ɦaana wa ni ɦam ki maŋ diginina.

EZEKIYEL 4:14

An hoŋ dira ana, «Ҥii, Bu Suuna, Yawe, an fuɗ dlara njenjera ki na halaŋ halaŋ. An kom va ma miɗi ka ɦoyɗi, kom va ma vabak vam vii ka ɦoyɗi lay, ay u goo tan day ta ta cemi, tliw ma njenje kal ka funun tuɗi.»

EZEKIYEL 44:31

Muli suu li ɓivunna ka kom va ma miɗɗina ni, kom ɦaa va ma vabak vam viiɗi lay, li ni lay ɗowba vabak lay asi kombi.

DLAŊ LEVIRA 11:24

«Kay ana tle asina mbuɗugi ki njenjee. Sa ma ŋgen kom ay eg ɦaa tle asinana mbuɗ ki njenje ta ta fiɗigiya.

DLAŊ LEVIRA 11:25

Sa ma vi maɗ tle asina komma mbus barawi mamsina kiyo, nam ki ni njenje ta ta fiɗigiya.

DLAŊ LEVIRA 11:27

May yoori suu tuɗ kolo kay sesi fiɗi fiɗi suu sesi ka wakiɗina halaŋ ki ni njenjee. Sa ma tin kom eg ɦaarasina ki njenje ta ta fiɗigiya.

DLAŊ LEVIRA 11:28

Sa ma tlasi maɗasi komma mbus barawi mamsina kiyo, nam ki ni njenje ta ta fiɗigiya kay asi irigi halaŋ ki ni njenjee.

DLAŊ LEVIRA 11:31

Tle asina halaŋŋi agi golosi ki njenjee. Sa ma ŋgen kom eg maɗasi ma gii gana, mbuɗ ki njenjera ta ta fiɗigiya.

DLAŊ LEVIRA 11:32

Lini tle asina maa miɗ hu va ma li sun wa ni va namma mbuɗ ki ni njenje lay, lini ŋgutta kala, baraw kala, bak ɗowba mbumbuwa, lini va ma li sunda ni megelay, va namma agi mbusum kiyo, nam mbuɗ ki njenjera ta ta fiɗigiya. Ŋgoo dagan nam mbuɗ ki balamam teteɗ.

DLAŊ LEVIRA 11:39

«Lini yoo maŋ ma vona miɗ wa ni, sa ma tin kom eg yoo ma miɗi namma ki ni njenje ta ta fiɗigiya.

DLAŊ LEVIRA 11:40

Sa ma kom tliw va nammana mba mbus barawi mamsina kiyo, nam mbuɗ ki ni njenje ta ta fiɗigiya. Sa ma tli maɗ va namma ha kina mba mbus barawi mamsina kiyo, nam ki ni njenje ta ta fiɗigiya.

DLAŊ LEVIRA 15:10

«Gegelay ma ŋgen kom eg va ma vi sa ma tuguɗi nammana ki ni njenje ta ta fiɗigiya. Sa ma tlam vaam namma ay kamma mbus barawi mamsina kiyo, mbus tam ki may, nam ki ni njenje ta ta fiɗigiya.

DLAŊ LEVIRA 15:21

«Sa ma ŋgen kom eg lay maɗnana mbus barawi mamsina kiyo, mbus tam ki lay, nam ki njenje ta ta fiɗigiya.

DLAŊ LEVIRA 15:5

«Sa ma ŋgen kom eg lay mammana mbuɗ ki ni njenjee, nam mba mbus barawi mamsina kiyo, mbus tam ki may, nam mbuɗ ki njenjera ta ta fiɗigiya.

DLAŊ LEVIRA 22:8

Nam ka kom yoo ma miɗ miɗi ɗowba vabakŋa vammaɗi, ni tlesuu mbuɗum ki njenjena. Ni an Yawe.

DLAŊ LEVIRA 7:24

Ҥu mayra miɗ va laɗ kala, ɗowba vabak vaɗ vii kala ni, agi ndak li sunda daŋga u mbuluɗu, may komoɗ tliwiɗɗi kama.

NDUMBA 19:19

Sa ma ki teteɗna yam yona eg sa ma ki njenjena ni hu buu ma hindina may, hu buu ma kiɗisiyana may, ni nam mbusum ki ko coomba wa, sa namma mbus barawi mamsina ki may mbus tam ki may, fiɗigi ndaɗta ni nam ki mbuɗi ni teteɗ.

NDUMBA 19:21

Gaɗ ndaɗta hin ka dukusi ni a fafaɗta. Sa ma yam mbo ma mbus cora kina eg suunana mbus barawi mamsina ki may, sa ma ŋgen yo nammana ki njenjee ta ta fiɗigiya.

NDUMBA 19:8

Sa ma ŋgal mbutlana mbus barawi mamsina ki may, mbus tam ki may, nam ki ni njenje ta ta fiɗigiya.

GA 8ATAMBARA 14:21

Va ma miɗ ki miɗina ni agi komombi, ɦagi va namma ki ni maŋ koyogi suu dukugina, ɗowba gususi va namma ki kosiya, kay agi ni suu ki ŋgaɓi maŋ Yawe Looginana. Agi ka zal goona duk mbii sum tokgi.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.