DLAŊ LEVIRA 16:4 - Boy Lonana

⁴ Nam cuk kalsoŋga umu, cuk baraw ma teteɗna, ni njun gandina, njun gadamulla lay, tle asina halaŋ cilini u baraw dlemba. Halaŋ ca ni barawi suu teteɗna. Nam a cukusi tamba ni mbus tam ay ki halaŋ tu wa.

DLAŊ LEVIRA 16:4 ပူးပေါင်းရင်းမြစ်များ

KALKIRA 28:2

Aŋ ɗee baraw ma teteɗna ta wayaŋŋa Aaron. Ni baraw ma tak ki kay bibiŋilla u ŋgollana.

KALKIRA 29:4

Aŋ ɦuɗ Aaron u goryom ha fun mbutluɓma na tok, aŋ mbususi ki u mbona.

KALKIRA 30:20

Hu li ma asi a cuk hu zira tokkara ni asi mbus tasi ki halaŋ kay a asi miɗ kiɗi, ɗowba hu li ma asi ɦuɗ tasi tok eg givin ma togolla a li sunda, a ŋgal ɓivun ma his jivina maŋ Yawera.

KALKIRA 40:12

Aŋ tak Aaron u goryom ki fun mbutluɓ ma suuna tok huna. Aŋ mbususi ki u yona.

EZAYI 53:2

Sa sunda wul fok Bu Suuna ni ko gu ma saariyam kal hu li ma bay yona na. Nam ka gol jiviɗi lay, va ma bibiŋil ka egembi lay. Suuna golom na ni taɗ yasi kiyo, va ma ii sa jivi ka egembi lay.

EZEKIYEL 44:19

Hu li ma asi a cuk ay ki hu vunna kiɗikka ni asi fok baraw ma asi li sunda u namma ha kiyo. Cukum ha hu zira kurufu hu Ziŋ Lonara. Asi cuk baraw ma daŋŋa ay egesiya, ni asi ka paɗ vunusi kay suuna oloɗi.

EZEKIYEL 9:2

Gola ni suuna cuk ay ki u tasi na karkiya, ay fun vun ma ŋgolna ii mbayaw na ɗow, gegelay ni u vaam ma ci suuna kina komu. Sa maa dukusi dew ni u baraw dlemba cili cuki tamu. Va ma ɓii u namma kali eg gandi ma njuni hurumma. Asi mbay mba col eg givin ma togolla ma yoori u kawi ma tlawnana.

DLAŊ LEVIRA 16:23

Aaron kal kalafi hu Mbutluɓ ma Tokka. Barawi suu nam cukusi tam a tuɗ hu Li ma ki Saɓaki Teteɗna, nam fokosi kiyo, hinisi hu Mbutluɓ ma Tokka tu wa.

DLAŊ LEVIRA 16:24

Nam mbus tam ki u yona hu li ma teteɗna, hin cuk barawi mamsina tamu, nam kal ay ki hin mba li ɓivun ma ŋgalam kina kay tamba u suuna halaŋ, nam li ɓivun ma bulum cora kina kay tamba, kay suuna may.

DLAŊ LEVIRA 16:32

«Mul ŋgol ma li ɓivunna sa asi fuurum u mbulna a varak balam bumma hin cuk baraw dlemba teteɗna tamu. Nam hin li ɓivun ma bulum cora kina.

DLAŊ LEVIRA 6:10

Asi ka zal fuɗ ndaɗta u kuffaɗi, kay ni ɓorow masi ma an ɦasina duk tlesuu teteɗ suu asi mbaarasi a lan ɓivunnana, asi ki teteɗ ko tlesuu ay a li ɓivun ma bulum cora u taɓ duk ɦoŋgana na lay.

DLAŊ LEVIRA 6:3

Mul ma li ɓivunna cuk kalasoŋga umu, cuk baraw ma cili u baraw dlemba ŋgolna egem may, nam tok but ma ka hu givin ma togolla ɓali ga u mbulnana kiyo, cukum ki keŋ givin ma togolla.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

FILIPINA 2:7

Nam noy dlaamba nam ay gin u ndaɗta kini noy na ɗaw hin mbuɗ tam ki sa sunda. Nam mbuɗ tam ko sa warna na, tak tam ki ko sa warna na.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.