DLAŊ LEVIRA 16:29 - Boy Lonana

²⁹ «Gola ni gaɗta hin ha dukugi na dindinda, hu buu ma doogona hu til ma kiɗisiyana, ni sa ti vaɗi, li sunɗi lay, lini agi suu vona ɗowba ŋgay ma cuki dukugina lay.

DLAŊ LEVIRA 16:29 ပူးပေါင်းရင်းမြစ်များ

EZAYI 58:3

Asi dan ana, ami li laara aŋ ka wamiɗi ni, jivira ni arage? Lini ami hoŋ yami gaa, aŋ ka wamiɗi lay ni, nanage? An hoŋosi dira ana, hu li ma agi li laara ni agi ka li paa magira may, agi ka las suu li sunda fokogina lay.

NDUMBA 29:7

«Buu ma doogona hu til ma kiɗisiyana ni agi li tokka teteɗta, lagi laara may, hu buu namma ni agi ka li sunda nekgi.

DANYEL 10:12

Nam dan ana, «Li ndaanaɗi, Danyel, kay ay hu buu ma jewna hu li ma aŋ fi yal ma hum u tlena a gi yaŋ kaŋga u Looŋara, a boy maŋŋa halaŋ Lona humumu, ni kay boy maŋŋa an mba ni na.

EZAYI 58:5

Laa mayra an miniɗta li ni na su? Buu ma sana a hoŋ yam gana li ni ko ndaɗta na su? Ka ni ko ndal sana gi yam ga ko nekka camba ɦawa naɗi. Agi buu kay baraw bolna may, ga duk buɗna may ni laara gaw su? Ni a buu ma ii Yawe jivina gaw su?

SOOLLA 35:13

Hu lima asi ka tuguɗiiyo ni an cuk tanni baraw bolna, an hoŋ yan gaa, li laara, an cen kasi may.

DLAŊ LEVIRA 23:36

Buu ma kiɗisiya namma ni hu buuna dew dew halaŋŋi agi mbaa ɓivun ma ŋgalam ki ŋgalina maŋ Yawe. Ni hu buu ma kalavandina ni agi li tokka teteɗta maŋ Yawe. Ni luu ma daɓ daganna agi ka li sunda loɓ coco hu buu nammaɗi.

DLAŊ LEVIRA 23:21

Hu buu ma dew namma ni agi yi suuna ni halaŋ a li tokka teteɗta, agi ka li sunda loɓ coco hu buu nammaɗi. Gaɗ ndaɗta ni ka mbuɗɗi, ha kagi ni na gak gak basara u basara hu li ma agi cuki huna halaŋ.

KALKIRA 20:10

Hu buu ma kiɗisiyana ni buu ma vi Yawe, Looŋŋana. Aŋ li sun hu buu nammaɗi, taŋga lay, goroŋ lay, goroŋga tamara lay, saaŋ ma li sunda varaŋŋa lay, goora sunda lay, yoori maŋsina lay u koy ma mbay varaŋŋa lay,

HEBRENA 4:10

Sa ma kal hu li ma koɗ tara eg Lona koɗ tam kay sun mamba ko Lona koɗ tam kay sun mambara na may.

1 KORINTNA 11:31

Lini aygi gol taygi jivi u taygira gawi ni, ɓakŋa vi Lona ka mba kaygiɗi may.

DANYEL 10:3

An ka ti va ma jiviɗi lay, tliw lay, veŋ lay ka kal fununɗi, an ka li mbul ma his egenɗi lay ta ta daɓpa vi damas ta hindira.

EZAYI 58:13

Yawe di ana, Lini agi saa kay buu ma vi Lonna jiviya, lini agi ka li paara hu buu nammaɗi, lini agi li buu namma ki teteɗ, furi kamu, ŋgaamu, ka goɓ fuli magisina oloɗi lay, ka li paa oloɗi lay, ɓak boy ma hawanaɗi lay ni,

SOOLLA 69:10

An miniŋ ziiŋŋa cocoo, minda kay ziiŋga ŋgalan hurun ko kura na, asi ŋguluŋu, ŋgul ndaɗta hoŋŋi kanu.

EZDRAS 3:1

Til ma kiɗisiyana ndak ndakŋi, ni hu li ma suu Israelna ay ki hu ɦoŋziisinana ɗaŋŋi, suuna tok tasi taɓ ki dew hu Yerusalem.

1 MULINA 8:2

Njufii suu Israelna halaŋ tok ay eg mulna Salomonni hu til ma yam ana Etanimma, nammi til ma kiɗisiyana, ni til ma luuna.

DLAŊ LEVIRA 23:3

«Hu buuna karkiya ni sana li sun mamba kay tamba. Na may buu ma kiɗisiyana ni buu ma vi Lonna, ni buu ma koɗ tara u tokka teteɗta. Buu namma ni buu ma agi ka li sun huɗina. Ni buu ma vi Yawena, li ni agi ha ki cuki ni aragelay.

KALKIRA 30:10

Hu basa dew ni Aaron li ɓivun ma bulum cora kina yam dew, kay a mbuɗ li namma ki teteɗta. Ni ɓivun ŋgol ma bulum cora kina, nam li ɓivun namma yam dew hu basara tew tew, givin ma togolla namma li ki tew tew ni teteɗ fok Yawe.

KALKIRA 12:16

Hu buu ma jewna agi lini tokka li tagi ki teteɗta. Hu buu ma kiɗisiyana agi lini ko ndaɗta na lay. Hu buu namma ni sa ka li sunɗi, may yini fu ma ti funugina doy hol.

SUNDA 27:9

Lina kalami ay ki cocoo mbuɗ kami loɓ ŋgolo a lus fok u lum kawina na gak gakka. Kay buu ma li laara hu til semeɗna jak ki wa. Ni kay ndaɗta Pol dasi yasi ki ana,

KALKIRA 31:14

Agi saa kay buu ma vi Lonna, kay nam kagi ni a buu ma teteɗna. Sa ma ka li u buu namma ɗina cam ki ciiya. Na daŋ may sa ma li sunda hu buu namma lina ka duk suu mamsina oloɗi.

KALKIRA 31:15

Agi li sunda hu buuna karkiya, buu ma kiɗisiyana ni buu ma koɗ tara, ki ni a buu ma vi Yawena. Sa ma li sunda hu buu namma lina, cam kiyo.

DLAŊ LEVIRA 3:17

Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»

1 SAMUEL 7:6

Asi tok tasi ki hu Mispa. Asi go yona ay voom kaŋga fok Yawe. Asi li laara hu buu namma hin di hu li namma ana, «Ami li sulukŋa eg Yawe.» Samuel kaɓakŋa kay goryoŋ Israelna hu Mispa.

EZDRAS 8:21

An ɓak suuna fun lum ma Ahawana ana lami laara a mbuɗumi tami hahawra fok Looygina a hal heɓpa tuɗ bay loɓmara, aygi u goryoygiya u tlegeyeygi lay.

DLAŊ LEVIRA 25:9

Buu ma doogona hu til ma kiɗisiyana ni buu ma bulum cora kina, buu namma ni agi ɦal voɗta a bu tokolomma ki kay yam mbas magira na halaŋ halaŋ.