DLAŊ LEVIRA 16:15 - Boy Lonana

¹⁵ Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:15 ပူးပေါင်းရင်းမြစ်များ

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 9:3

Ha ŋgoo dagan baraw ma cak ii lina yam ana Li ma Saɓaki Teteɗna.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 6:19

Juɓ maygira ndaɗta ni ko zew kawi ma njun lumba njun musuk maygira na may. Ndaɗ gasi coli eŋga, ndaɗ kal hana ni jak duk baraw ma ɓorow ii Ziŋ Lonara kolora, tew hu li ma teteɗna ha hu kurufuwa.

HEBRENA 5:3

Kay nammi sa maŋina nam ka li ɓivunna ni kay cora vi suuna holɗi, kay mam namba lay.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

HEBRENA 9:13

Busuna vi ɦugunina u mbutlugina u busu mbutl ma ŋgaɗam kina, asi yamammi kay suu ki mbuɗi njenjena a mbususi ki jivi teteɗ kay njenje masira kiɗikka.

DLAŊ LEVIRA 4:21

Ŋgoo dagan asi yow mbala mbutlna ha ki doŋ kaana tuɗ ŋgalam kiyo, ko nam li u mbutl ma bulum cora kinara na may. Ɓivun ma kay suuna halaŋŋa li ni na.»

DLAŊ LEVIRA 4:5

Mul ŋgol ma li ɓivunna ma ki fuuri u mbulnana vo busuna kom vo ni tuɗum ha kalafi hu Mbutluɓ ma Tokka.

NDUMBA 17:11

Moiz di Aaron ana, «Tli ŋgal maŋ ma ɗus mbitla cuk kura hu givin ma togolla hurum zak, tuɗ eg suu tokkina lasi ɓivun ma mbus cora kina kasiya, kay Yawe hurum ɓeŋ ki cocoo, tuguɗii bora gijaŋŋa wa ɗow.»

NDUMBA 28:15

Agi hin ŋgaɗ ɦu ŋgekŋa maŋ Yawe hu olo a li ɓivun ma bulum cora kina. Hin li ɓivun ma ŋgalam ki ma lam hu buuna tew tewna ha hu olo u sum veŋŋa hu may.