DLAŊ LEVIRA 15:31 - Boy Lonana

³¹ «Agi Moiz u Aaron dagi suu Israelna hu li ma asi ki njenjena ni, asi ɦuɗ tasi ha ki na day mbay eg Mbutluɓ ma Tokkaɗi, kay asi miɗ kiɗi. Lini asi a mbuɗun li ma an kak huna ki njenjee ni asi miɗa.»

DLAŊ LEVIRA 15:31 ပူးပေါင်းရင်းမြစ်များ

NDUMBA 19:20

Na may sa ma mbuɗ ki njenje min ka a li tam ki teteɗɗina, sa namma tlam ki duk suu Israelna, kay nam hin mbuɗ Ziŋ Yawera ki njenjee, nam yam yo ma bulum cora kina ay ka egembi ni nam ki ni njenjee.

EZEKIYEL 5:11

«Kay ndaɗta, an Bu Suuna Yawe, Lo ma iirina, agi mbuɗun ziinda teteɗta ki njenjera u fuli magisina u sun magira cora halaŋ. Kay ndaɗta an hin dik zina ki halaŋ. An ka wagi hahawagiɗi, ka gol sa irin hahawɗi lay.

NDUMBA 19:13

Gegelay ma tin kom ay eg maɗ sa miɗina hin li tam ka ki teteɗɗina, ɓalak ki ni Ziŋ Yawera. Sa namma hin tlam ki duk suu Israelna kay ana nam mbus tam ay ka ki u yo ma mbus dla cora kinaɗi, nam ki ni njenjee, kaki ni u njenje mam ndaɗta gak gak.

EZEKIYEL 23:38

Asi lan dlara daŋga egen hu olo. Asi mbuɗun ziinda ki njenjera. Asi li buu ma vi Lonna ki lalassa may.

NDUMBA 5:3

Njufiina u boyogina halaŋ agi dikisi ki hu ɦoŋzi magina, ka asi mbuɗ ɦoŋzi ma vi suu Israelnana ki njenjeɗi, kay ni zi ma an ka kaki hurumma.»

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

1 KORINTNA 3:17

Lini sana ɓeŋ Ziŋ Lonana kiyo Lona hin ɓeŋ sa namma ki may. Ziŋ Lonana co ka egembi, a Ziŋ Lonana ni agiya.

EZEKIYEL 44:23

«Asi haɗan suu mansina kay tlesuu vi Lonna u suu ɦawana, haɗasi tlegesuu teteɗna u tlegesuu njenjena.

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

SOOLLA 66:18

Lini an saa ginni coo ni, Bu Suuna ka humunɗi.

GA 8ATAMBARA 24:8

Lagi tagi jivi kay dla tuguɗi busuna, agi mba saaram ki jivi cocoo, hin lagi u dlara muli suu li ɓivun suu vi Levina haɗagira ay kayamba jivi may, agi mba li jivi u dlara an dasira ayra.

DLAŊ LEVIRA 21:23

Na may nam ka tuɗ ha ta ta hu li ma gojolina ha caki hunaɗi, ka tuɗ hu givin ma togollaɗi lay, kay ana nam ki ni dakiya, ka a nam mbuɗun Zira Tokka manda ki njenjeɗi, mbuɗ tlesuu hurumma ki njenjeɗi lay. Kay mbuɗ li namma ki teteɗ ni an, Yawe.»

DLAŊ LEVIRA 20:3

An may ni hin ɦal ŋgoron maŋ sa namma, paɗam ki duk suu mamsina, kay nam ɦal gorom ki maŋ Molek, mbuɗun Zira Tokka manda ki njenjee, ɓalakan sen ma teteɗna kiyo.

DLAŊ LEVIRA 19:30

Agi lagi u buu ma vi Lonna jiviya, ŋgaagi Zira Tokka teteɗta, Ni an, Yawe.

DLAŊ LEVIRA 13:59

Gola ni gaɗta kay tuguɗi gufuura ta eg barawinana u tlesuu cili u tlimiɗ timigiinana u barawi suu cili u baraw dlembana halaŋ. Ni haɗta kay a wi ki ana va namma ni teteɗ ɗowba njenje sura may.

DLAŊ LEVIRA 11:47

Asi ni a ɓorow duk tlesuu njenjena ki u tlesuu teteɗna, yoori suu komba u yoori suu ka kombina.

DLAŊ LEVIRA 15:32

«Gola ni gaɗta kay sa ma busuna ɓaɗ egemma ɗowba sa ma doy buuna dam mbuɗum ki njenjena.

1 SAMUEL 3:14

Ni kay ndaɗta an suu tan ki kay ziŋ Helina, va hin a bulum cora ziŋ Helina laɗta ki na ɗow ni ka oloɗi, ɓivunna ɗowba ɦalla ɦawara lay.»

EZEKIYEL 36:17

«Goŋ sanna, aŋ hum haa, suu Israel suu ka cuki kay ndaŋga masirana mbuɗuɗ ki njenjera u poy masira cora u dlara asi laɗta. Poy masira ki irin njenjera ni ko ndal cara tew hu tiliɗ ma tuguɗira mbuɗ ki njenjera na.