DLAŊ LEVIRA 14:7 - Boy Lonana

⁷ Nam yam mbo namma eg sa ma tuguɗi busuna lamma sem kiɗisiya. Nam di ki kay sa namma ana nam mbuɗ ki ni teteɗ. Lay ma hin kom iirina nam hinim nam pii tin irim ŋgoro.

DLAŊ LEVIRA 14:7 ပူးပေါင်းရင်းမြစ်များ

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZAYI 52:15

Ko ndaɗta na njaf suu daŋŋa mbuɗ lagira na jim kay dlaamba. Mulina ka wi dlara asi daɗtaɗi lay. Kay dlara asi waɗta su ki kay dlara asi cuɗusira jewra. Asi gol dlara asi humuɗ ka jew ɗira.

2 MULINA 5:14

Naaman tuɗ kaŋga hu lum ma Yurdanna, tluɓ kaŋga duk mbona yam kiɗisiya ko sa ma vi Lonna damba na may, tam mbuɗ ki ni ko ndal ta goo zoŋŋa na. Nam mbuɗ ki teteɗ.

2 MULINA 5:10

Elize sun sana ay egem dew dam ana, «Tuɗ tluɓ taŋ kaŋga duk mbo lum ma Yurdanna aŋ aa kiɗisiya, taŋ hin mbuɗ ki jiviya. Aŋ hin mbuɗ ki teteɗ.»

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

HEBRENA 9:19

Jew Moiz di gaɗta ki fok suuna halaŋ ko ay ɓiiri hu magarara na. Ŋgoo dagan nam tli busu mbutlna u yona komu yamam ki kay magaara gaɗta, kay suuna lay halaŋ u hum gu ma yam ana hisop u baraw tlaw ma cili u tlimiɗ timigiinana.

HEBRENA 9:13

Busuna vi ɦugunina u mbutlugina u busu mbutl ma ŋgaɗam kina, asi yamammi kay suu ki mbuɗi njenjena a mbususi ki jivi teteɗ kay njenje masira kiɗikka.

1 JAŊ 5:6

Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

HEBRENA 9:21

Moiz yam busuna ki kay mbutluɓma lay, u tlesuu li sunda u asi hu tokkana halaŋ.

Boy Ma Ayra Ma JAŊ Ɓiirimma 19:34

Sa asgaa maa dew kusum payam u saɓpa. Busuna u yona ɓaɗ ay ki ni na gaw.

MISE 7:19

Nam hin laygi jivi mamba egeygi hu olo, nam hin tayaygi co maygira ki kaŋga u semu. Aŋ hin cukusi coosira halaŋ ha ki duk mbo lum ma ŋgolna.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

SOOLLA 51:7

An vuɗ ni hu dla cora, sun van wiirinni hu dla cora lay.

SOOLLA 51:2

Hu li ma sa jok vun Lona, Natan, tuɗ egem ŋgoo li ma nam taɓ u Batsebana.

DLAŊ LEVIRA 16:22

Ŋgekŋa yow cora vi suu Israelna ha ki kam halaŋ tuɗuɗ ki hu mbassa sa ka huɗira. «Ni hu li ma asi gi ŋgek namma ha ki bagina gaw,

DLAŊ LEVIRA 16:19

Nam yam busuna kay givin ma togolla sem kiɗisiya u komu. Nam mbuɗum ki teteɗ ko njenjera vi suu Israelnara. Nam mbuɗum ki ni teteɗ.

DLAŊ LEVIRA 16:14

Nam vo busu mbutlna, nam yam busuna u kom keŋ Yam Zandukka u maɗiina na, hin yamam fok Yam Zandukka may. Nam yam busuna u cifiɗ kom sem kiɗisiya.

DLAŊ LEVIRA 14:51

Nam hin yow gu sedrena, cono ma mbus zozoɗta, baraw ma tlawna u lay ma hin iirina, Nam curuɓusi duk busu lay ma ŋgaɗamma u mbo ma ɓaɗna ma ka hu doynana, nam yam busu namma sem kiɗisiya eg zi ndaɗta.

DLAŊ LEVIRA 13:17

Lini mbilim sal ki wa ni nam mbuɗ teteɗ, mul ma li ɓivunna ndak di ki kam ana nam teteɗ.

DLAŊ LEVIRA 13:13

sa namma ndak golom olo, kay ana busuna cuki egemmi halaŋ, mul ma li ɓivunna di ki kay sa namma ana nam ki ni teteɗ, kay tam mbuɗ ki halaŋ halaŋŋi teteɗ.

DLAŊ LEVIRA 8:11

Nam yam mbulna sem kiɗisiya hu givin ma togolla. Ŋgoo dagan nam fuu givin ma togolla u tlesuu hurumma halaŋ. Nam fuu tassa ŋgol ma vo yona huna u va ma nam tini kamma halaŋ, a mbuɗusi ki teteɗta.

DLAŊ LEVIRA 4:17

Mul ŋgol ma li ɓivunna kal cifiɗ kom duk busuna, nam yam busuna sem kiɗisiya fok Yawe, ii li ma kiɗikŋa eg gojoli ma caki ii li ma teteɗna na.

DLAŊ LEVIRA 4:6

Mul ma li ɓivunna kal cifiɗ kom duk busuna, nam yam busuna sem kiɗisiya kalafi fok Yawe eg ii li ma kiɗikŋa eg gojoli ma caki ii li ma teteɗna.

NDUMBA 19:12

Nam li tam ki teteɗ u yo ma mbus dla cora kina, ni hu buu ma hindina, hu buu ma kiɗisiyana ni nam mbuɗ ki teteɗ, na may lini nam li tam ay ka ki teteɗ hu buu ma hindina gawɗi ni hu buu ma kiɗisiyana ni nam ka teteɗ tuɗi.