An hin ɦaŋ mbassa aŋ kagi kaɗ ŋgayra wanda maŋu, maŋ njafaŋ ma ka ŋgoroŋ daganna lay. Ndaŋgara Kanaanda halaŋŋi maŋ a fafaɗta. An hin li ni a Loosina.»
Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»
Ni ko an dagira na, Agi hin tlasi mbas masira ki ni agiya, an ɦagira ki ni an daŋ may. Ni mbas mayra mbiira u mbul yumma huruɗ cocora. «Ni an Yawe magina, mbuɗugi ki zeɗ duk njaf suu daŋŋa halaŋ.
«Aŋ tuɗ di suu Israelna ana, Hu li ma agi tew hu mbassa an min a ɦagirara wa ni, agi mbuɗ a feɗ wana vora wa ni, yam wa ma ne ki jewna agi ɦam ay ki maŋ mul ma li ɓivunna, yam waagina halaŋ.
«Aŋ tuɗ di suu Israelna ana, hu li ma agi tew hu mbassa an ɦagirara wa ni, ndaŋgara may ni hin fi koɗ tara kay buu ma vi Lonna may ni kay a ŋga Yawera.
Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.
lini agi hin hoŋ dagan ta ta mbassa halaŋ tlaɗ ki maŋ Yawe ni, va hin ka lagi fok Yawe oloɗi, fok suu Israelnaɗi lay. Mbas ndaɗta wanda hin ki ni a mbas magira fok Yawe may.
Gola ni gaɗta u nera agi saa kasi jiviya, a tuɗ li uɗ hu mbassa agi hin lak huruɗ wandara, ni mbassa Yawe Lona vi somoyogi ɦagira magi hu buu ma agi ka iiri kay ndaŋgara tuna halaŋ.
Agi ɓii boy ma gaɗ namma kay ɦini ndaɗta, ni hu li ma agi calaɗ mbo lum ma Yurdanna ha kina. Ni agi hin cuk hu mbassa Yawe Loogina ɦagirara, mbas mayra law mbiira u mbul yumma ko ndal Yawe Lo ma vi somoyogina dira na.
Yawe hin dikigi tuguɗira ha ki egegi na day, ko tuguɗii bora ta ndi ay kay suu Egiptena. Agi waɗ ay u irigi lay, nam ka hinigira mbay kagiɗi. Nam dikiɗ ha ki ni kay suu babali magisina na ɗow.
Hu li ma Josuwe mbuɗ ki maa cocona, Yawe dam ana, «Cemi ni aŋ mbuɗ ki ni maari, basaɗaŋ ki bolow cocoo, doli u mbassa daŋ hin kaa ta agi bay tlaɗ ki tura. Ni mbassa dlaɗ ŋgol cocora lay.