DLAŊ LEVIRA 14:14 - Boy Lonana

¹⁴ Mul ma li ɓivunna vo busu ɦu ma ŋgaɗam a li ɓivun ma min duk ɦoŋgana. Nam tin busuna hum sa ma mba a li ɓivun nammana hu humumba njuffa, tinimma kay do komba njuffa may, kay do semba njuffa may.

DLAŊ LEVIRA 14:14 ပူးပေါင်းရင်းမြစ်များ

KALKIRA 29:20

Aŋ ŋgaɗ gamla namma, vo busuna voni tinim eg vun hum Aaron ta njuffa eg vun hum goryom halaŋ may. Tinim kay do kosi ta njuffa may, tin kay do sesi ta njuffa may. Ŋgoo dagan aŋ yorok busuna ŋguyum ki kay givin ma togolla halaŋ.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

DLAŊ LEVIRA 14:19

Mul ma li ɓivunna tuɗ fok u ɓivun ma bulum cora kina. Nam li ɓivunna kay sa ma mbay a li tam ki teteɗna. Ŋgoo dagan nam ŋgaɗ ɓivun ma ŋgalam ki ŋgalina.

DLAŊ LEVIRA 14:25

Nam ŋgaɗ timii ma min duk ɦoŋga. Nam vo busu timii namma. Nam tin busuna hum sa ma mba a li ɓivunna ta njuffa, tinimma kay do komba njuffa may, kay do semba njuffa may.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

1 KORINTNA 6:20

Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

GA 8ATAMBARA 24:8

Lagi tagi jivi kay dla tuguɗi busuna, agi mba saaram ki jivi cocoo, hin lagi u dlara muli suu li ɓivun suu vi Levina haɗagira ay kayamba jivi may, agi mba li jivi u dlara an dasira ayra.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.