DLAŊ LEVIRA 14:10 - Boy Lonana

¹⁰ «Hu buu ma kalavandina ni nam yow gor timigii suu njufiina mba' suu bay ŋgulla egesina u goo timiira basaɗaɗ ki dewra dew may ni ta ŋgul ka egeɗɗira, ɦal fuɗta u kelewna dleeŋe a li puura njaf wana ni ta yarasi u mbulnara, ɦal mbulna u nus litirna may.

DLAŊ LEVIRA 14:10 ပူးပေါင်းရင်းမြစ်များ

KALKIRA 29:40

Olo u goo timii ma jewna ni aŋ yow fuɗta kelew dew, vo mbul conona duk litir dew u nus may, vo sum veŋŋa duk litir dew u nus may, ni ɓivun ma cira, zuɓulusiya, asina dlaɓi u ɓivun ma jewna.

DLAŊ LEVIRA 1:10

«Lini a mbaa ɓivun ma ŋgalam ki ŋgali namma ni u yoo ma gooro, timii ɗowba ɦura, ɦal ni ma njufna ma bay ŋgulla egemma.

DLAŊ LEVIRA 1:3

«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

DLAŊ LEVIRA 14:11

Mul ma li ɓivun nammana tak sa ma a li tam ki teteɗna u tlegeyem suu nam mba u asina fok Yawe fun Mbutluɓ ma Tokka.

DLAŊ LEVIRA 14:12

Mul ma li ɓivunna vi timii ma jewna tuɗum a li ɓivun ma min duk ɦoŋga u mbul ma nus litirna may. Nam ɦasi fok Bu Suuna u geŋeɗa geŋeɗ tam fok Yawera.

DLAŊ LEVIRA 14:15

Mul ma li ɓivunna vo mbul ma hu nus litirnana hu duk kom ma gulna.

DLAŊ LEVIRA 14:21

«Lini sa ma min a li ɓivunna hawi, tle asina ka a fi kom belɗi ni, nam vi goo timiina ni dew a li ɓivun ma min duk ɦoŋga u geŋeɗa geŋeɗ tam a mbaaramba kay a asi lam ɓivun ma bulum cora kina, yow fuɗta ay kelewna dew may, kay puura njaf wana, yarasaɗ ay ki u mbulna, ɦal mbulna ay nus litirna dew may.

DLAŊ LEVIRA 2:1

«Hu li ma sana min a li puura maŋ Yawe u njaf wana ni, nam yow fuɗta nde, vooɗ mbulna kaɗu, cuk mbitla his jivira duk may.

DLAŊ LEVIRA 2:11

«Puura u njaf wa ma agi tinim fok Yawena halaŋ ka lasi u kuf dukgi, lini nanagelay agi ka ŋgal ɓivun u kuffa ɗowba mbul yummaɗi lay, puura laɗ maŋ Yawera ka li u tle asinaɗi.

DLAŊ LEVIRA 2:13

«Kay puura u njaf wa ma aŋ mbaaramma ni aŋ cuk vuvuna kayami, tlesuu li puura halaŋ ka hin bay vuvu dukgi, ni galamba aŋ vaɗ u Looŋŋara kay tlegeyeŋ suu puura halaŋ megelay ni aŋ cuk vuvuna dukumu.

DLAŊ LEVIRA 23:13

mbaa fuɗta yarasi u mbul ma his jivina a li ɓivunna u njaf wana ay hu ii kelew karkiya may. Ҥal sum veŋŋa ay hu litir dew u nus may. Ni an hin vagi ɓivun magina jiviya.

DLAŊ LEVIRA 4:32

«Lini nam a ɦal ay a li ɓivunna kay coomba ni timiira ni, ɦal ni timiira tamara, ta bay ŋgulla egeɗta.

DLAŊ LEVIRA 9:1

Hu buu ma kalavandina ɗaŋŋi Moiz yi Aaron u goryomu, yi suu ŋgolo suu Israelna may.

NDUMBA 28:20

Yoona dew ni u puura u njaf wana mamba u fuɗ mamba fuɗ mamba yarasi u mbulnara ay kamu. Bolo mbutlna dew ni fuɗta kelew dleeŋe, gamlana fuɗta kelew karkiya.

NDUMBA 6:14

Nam yow tlesuu nam a ɦasi maŋ Yawena ay um may, vi timii ma ŋgul ka egembi ma basaɗam dewna ay a li ɓivun ma ŋgalam kina, vi timii tamara basaɗaɗ dew ta ŋgul ka egeɗɗira a li ɓivun ma bulum cora kina, vi gamla ma bay ŋgulla egemma a li ɓivun ma heɓpa may.

NDUMBA 7:43

Ҥalla nam ɦaɗta ni tassa doonora nekem ii sikle 130, u ŋgal doonora nekem ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li porra,

MATIYE 8:4

Yesu dam ana, «Li taŋ jiviya. Di boy namma ki maŋ saɗi. Tuɗ tak taŋ ki maŋ sa li ɓivunna. Aŋ ɦal va ma li ɓivunna ko Moiz dira na may. Dla ndaɗta tak ki maŋ suuna ana taŋ hiniŋ ki wa.»

MARK 1:44

dam ana, «Li taŋ jiviya. Aŋ di boy namma ki maŋ saɗi. Tuɗ tak taŋ ki maŋ sa li ɓivunna. Aŋ ɦal va li ɓivunna ko Moiz di kay mbuɗta jivira na may. Dla ndaɗta tak ki maŋ asi ana taŋ hiniŋ ki wa.»

Boy Ma Ayra Ma LUK Ɓiirimma 5:14

Yesu gaɗam ana, «Aŋ di boy namma ki maŋ saɗi. Tuɗ tak taŋ ii sa ma li ɓivunna. Li ɓivunna u gaɗta Moiz dira kay mbuɗta jivira na may. Dla ndaɗta tak ki maŋ asi ana taŋ hiniŋ ki wa.»

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 6:33

Fu ma Lona ɦagina col ay ni kolo huulona ɦal iirira maŋ suuna ni namu.»

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.