DLAŊ LEVIRA 13:45 - Boy Lonana

⁴⁵ «Sa namma cuk baraw ma harina egemu, hin yam ki ɦawaa, baa jeɓerem kiyo, nam tuɗ kolo sawalla ha ana, Njenjera! Njenjera!

DLAŊ LEVIRA 13:45 ပူးပေါင်းရင်းမြစ်များ

MISE 3:7

Zolona kay suu wi u dlara, suu joɓpa hin viɗ ki lay. Asi hin kuluɓ irisi ki kaŋgaa kay ana Lona ka hoŋosi diraɗi.»

DLAŊ LEVIRA 10:6

Moiz hin di Aaron u goryom suu daŋŋa, Eleazar u Itamar, ana, «Agi ka wel yagi kiɗi, haa barawi magisina kiɗi lay, kay ka a agi miɗ kiɗi, mbaa yara kay suu halaŋŋaɗi lay. Kay suu Israelna halaŋŋi gorsegina, asi hin tii ni asiya, kay va ma Yawe ɓalakam ki u kurana.

EZEKIYEL 24:17

«Aŋ tii ni u huruŋ ɦawaa. Aŋ ka li dlara tok suuna a tii maɗnaɗi lay. Njun gaɗamul maŋga kaŋu. Ka fok tuɓuru maŋ ma seŋŋa kiɗi lay. Baa baraw ki kay njeɓereŋgi lay. Vi fu ma saaŋ ma vok zina ɦaŋŋa ay koŋŋaɗi lay.»

YOORA 4:15

Gol taŋ jiviya, sa cona suuna yasi ay kolo na. Gologi tagi jiviya, gologi tagi jiviya, tinigi kogi egesiɗi. Asi liŋa, asi talalla, na may njaf suuna jok tasi ana, Aygi ka ndak a vasi varaygi a koyogina oloɗi.

Boy Ma Ayra Ma LUK Ɓiirimma 17:12

Nam kal hu ɦoŋzi ma dew, ŋgaf u suu busuna doogo. Asi col ha ki egem day.

EZEKIYEL 24:22

Agi hin li ni ko an li wanda na may, ka baa baraw ki kay njeɓeregiɗi. Agi ka min vi fu ma ndaryagi suu vok zina ɦagina aynaɗi lay.

DLAŊ LEVIRA 21:10

«Mul ŋgol ma li ɓivunna ni sa ma fok gorsemmana, nammi sa ma asi fuurum ki u mbulnana, kay ndaɗta nam ka kaa yam ki kay maɗɗi, ka haa baraw mam ki a tii maɗɗi lay, nammi sa ma ka cuk baraw ma teteɗna tamma.

Boy Ma Ayra Ma LUK Ɓiirimma 5:8

Hu li namma Simon Piyer wi na ni, goɓ kaŋga fok yesu, dam ana, «Bu Suuna, ɦuɗ taŋ ha ki egen day an ni sa cona.»

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

SOOLLA 51:3

Wan hahawan u jivi maŋga, Loonna, u oo maŋga ŋgolla bulumun coonda kiyo.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

JEREMI 36:24

Asi mbuɗ ka ndaaɗi, asi haa barawi masisina ka kiɗi, mulna u tamba lay, suu mam suu ŋgolo suu sunda sa na dew lay ni li ndaa kaɗi hu li ma asi hum boy namma ki na halaŋ halaŋŋa.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

SOOLLA 51:5

Kay an wi coonda wa, an ka waɗ fokon hu buuna tew tew.

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

JOB 1:20

Job col kolo haa baraw mamma kiyo, kaa yam ki may. Nam gi tam kaŋga duk ndaŋgara, goɓ Lona

2 SAMUEL 13:19

Tamar yow buɗna, cukum kay yaɗu, haa baraw maɗ mayra fiyek ta bikŋa kiyo, hew koɗ kay yaɗ, tuɗ u tiina.

URA TIN AYRA 37:29

Ruben hoŋ ay mba gol hu goloŋga na ni, fi Yosef ka huɗi, nam haa baraw mamma tamma kiyo.

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

DLAŊ LEVIRA 13:44

nam ki ni njenjee, lammi busuna. Mul ma li ɓivunna ndak di ki kam ana busuna cuki kammi namu.

2 MULINA 7:3

Suu may suu tuguɗii busuna na fiɗi ha ki cuki doŋ kaana tok eg vun grek ma ŋgol ma kal vo Samarina. Asi njaɗ duk tasi ana, «Aygi lakaygi tani ɦawa na ca a juɓ miɗna ni kay mege?

NDUMBA 5:2

«Di suu Israelna asi dik suu tuguɗii busuna lasina u suu tuguɗiira njenjera busuna ɓaɗ egesina u suu tin kosi ay eg suu miɗinana ki dukugiya.