DLAŊ LEVIRA 13:20 - Boy Lonana

²⁰ Mul ma li ɓivunna golom olo, lini huɗukka ha ga zuzulla, tlimiɗta hura ki haɓ may ni, nam ndak di ki kam ana sa namma ki ni njenjee, kay tuguɗi busuna gi taɗ hu ni ndaɗu.

DLAŊ LEVIRA 13:20 ပူးပေါင်းရင်းမြစ်များ

2 PIYER 2:20

Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.

Boy Ma Ayra Ma JAŊ Ɓiirimma 5:14

Buu dagan ca ni, Yesu ŋgaf u nam hu Ziŋ Lonara, dam ana, «Huma, wandara ni aŋ garaɗ ki wa, li co a dlara daŋ faŋ su ndaɗta oloɗi.»

MATIYE 12:45

Ful ma cona hoŋ hal gorsemma ay um kiɗisiya, suu asina dlasi co suumu. Hoŋ ay ko tasi, cuk hu zi ndaɗta. Kay ndaɗta sa namma mbuɗ ki co su jewra. Dla ndaɗta hin li kagi agi suu co wanna.»

DLAŊ LEVIRA 13:3

Mul ma li ɓivunna golom tuguɗira eg bakam ndaɗta, lini li ma mbilna huna tlimiɗta dukka mbuɗ ay ki haɓpa, mbilna mbuɗ ha ga zuzulla may ni, tak ki ana ni tuguɗi busuna. Mul ma li ɓivunna gol sa namma ndak di ana nam ki ni njenjee.

DLAŊ LEVIRA 13:2

«Lini sana tam ndali duk ɗowba mbilna kaay egemu, ɗowba huɗukka mbuɗ egem tuguɗira wa ko busuna na ni asi tuɗum eg mul ma li ɓivunna, Aaron, ɗowba eg gorom maari.

DLAŊ LEVIRA 13:19

may balam huɗuk ndaɗta ki haɓpa, li namma gol ki na zeɗe ni, nam tuɗ eg mul ma li ɓivunna, nam golomu.

DLAŊ LEVIRA 13:21

Hu li ma mul ma li ɓivunna golom wa lini tlimiɗta hu li nammara mbuɗ ka haɓbi lay, huɗukka ha ka ga zuzulɗi lay ni, nam ɓorowom dukum ki u suuna ii buu kiɗisiya.