DLAŊ LEVIRA 11:8 - Boy Lonana

⁸ Tle asina agi komosiɗi, ŋgen kogi eg maɗasiɗi lay kay asi halaŋ irigi ni njenjee.

DLAŊ LEVIRA 11:8 ပူးပေါင်းရင်းမြစ်များ

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

Magaara Vi Sa Jok Vun Lona OZE 9:3

Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

DLAŊ LEVIRA 11:7

Kosoŋŋa agi komombi. Sem garaki may nam ka hoɗ haɗɗi. Nam irigi ni njenjee.

DLAŊ LEVIRA 11:9

«Gola ni tlesuu duk mbona suu agi komosina, kuluf ma u jirim huna, ma ɓolokŋa egemma agi komomu.

DLAŊ LEVIRA 5:2

Ɗowba lini sana wi kaɗi, tin kom ay eg va ma njenje wa, eg ɦaa mbuu kala, eg ɦaa vabak kala, eg yoo ma miɗi kala, ɦaa tlesuu njenjena halaŋ, nam mbuɗ ki ni sa ma njenjena.

MATIYE 15:11

Va kal ha fun sana ka mbuɗum njenjeɗi. Va ma kal ay ki fun sanna mbuɗum njenjera ni namu.»

MATIYE 15:20

Ni dlara mbuɗ sana ki njenjera, lini ti funa bay mbus koŋ ki lay ni, ka mbuɗ sana ki njenjeɗi.»

MARK 7:15

Va ma col ay bunsu, mba hu sana, ka mbuɗum hurum njenjeɗi. Va ma col ay kurufu huu sana mbuɗum ki njenjena ni namma ɗow. [

MARK 7:18

Nam dasi ana, «Agi lay ni ndak ka a wi u boy namma kiɗi lay su? Agi ka wi kagi ana va ma col ay bunsu mba hu sanana, ka mbuɗum hurum ki njenjeɗi naɗi su?

MARK 7:2

Asi gol suu haɗi suu vi Yesu suu ɦiw ti funa kosi bay mbussa. Bay mbussa ko gaɗ masira na.

SUNDA 10:28

Nam dasi ana, «Agi wi ana suu Juifna hu viisira u Lona ni ka ŋgaf u njaf suu daŋŋaɗi, kal varasiɗi lay. Anu, Lona dan ana gol sa irin njenje ko ka ndaki a tuɗ varambi naɗi.

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

ROMMA 14:21

Va ma jivina ni aŋ kom tliwnaɗi, ci summaɗi noy tlesuu puk wayaŋŋa kaŋgana ki halaŋ.

1 KORINTNA 8:8

Doli ni ka ti ma mbaaray eg Lona tokgi lay. Lini aygi ka tiɗi ka ba va kiɗi lay, lini aygi ka ti lay ka fi va huɗi lay.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

EFESNA 5:7

Taɓagi u suu asinaɗi.

KOLOSNA 2:16

Hin sa kaagi ɓak kagi kay tlesuu agi tasina u suu agi casinaɗi, kay humba hum u buu ma luuna, u vun tilna, u buu ma vi Lonnaɗi.

HEBRENA 9:10

Tin ay ni gaɗta vi suuna kay tlesuu tira u tlesuu cira njaf tokka daŋga zeɗ zeɗ kay a mbus tara ki jivira. Ni kay gaɗta vi sana ɦawaa gak gak a tew hu li ma Lona hin min tlena wili gadlana.