DLAŊ LEVIRA 11:13 - Boy Lonana

¹³ «Duk layagina gola ni suu agi ka komosiɗina, layagi asina ki doori ni a fafaɗta, bakŋa, ɓarawna, kokolona.

DLAŊ LEVIRA 11:13 ပူးပေါင်းရင်းမြစ်များ

JOB 28:7

Layagi suu kom tliwna ka wi voɗ ndaɗtaɗi. Ii kolo kolora ka waɗɗi lay.

JOB 38:41

Sa ma ɦal tina maŋ gagawna ni gege? Hu li ma goryom ka tii kolo a juɓ Lona. Asi ka mbuɗ maŋiya kay va ma asi tam kaɗi.

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 48:40

Na ɗaŋŋi Yawe ɓak anaba, Ni ko ndal kokolora ŋguy kolo huulonara na, maɗ garaŋaɗ ki kay Moab.

YOORA 4:19

Suu lasamina feɗta su ɓaraw ma pii kolo huulonana, kolo kay ɦinira asi ciɗimi umiya, ki hu fulla lay asi dleɓemiya.

Magaara Vi Sa Jok Vun Lona OZE 8:1

Bu tokolomma. Ko ndal ɓarawna na dla cora ka tuɗ ha kay zi ma vi Yawena, kay ana asi calaɗ ki kay vi vun manna wa, mbuɗ yara egen kay gaɗ manda.

DLAŊ LEVIRA 11:11

Asina ha ki doori ni a fafaɗta agi ka komosi tliwisiɗi, ŋgenesi ɦaarasi kogiɗi lay.

DLAŊ LEVIRA 11:12

Tlesuu duk mbona suu tasi keleɗna u suu ɓolok ka egesiɗina halaŋ agi tasiɗi.

DLAŊ LEVIRA 11:14

Lay ma ciw goloŋiina, njaf kokolora zeɗ zeɗ halaŋ,

HABAKUK 1:8

Kulumi masisina liŋ coco ko sindilna na, siisi ti coco ko sii ŋguu ma vi mbuurina fidigina na. Kulumi masisina liŋ ko ɓarawna pii kolo huulonara na. Suu kulumi asina col ay ni day, asi pi ni ko ndal ɓarawna duk piiraha kay mbuunara na.

ZAKARI 5:9

An hin tli irin kolo olo ɗaŋŋi wi tlena, boyogina u tasi mba' mbaya. Semeɗna sii ki u garaŋasiya, garaŋasi ko ndal zilimma na. Asi tli va ma tli nek tlena ki kolo duk ɦoŋ ndaŋgara u huulona.

MATIYE 24:28

Li ma ɦaana gi huna, kokolora lakŋi hu may.»

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.