DLAŊ LEVIRA 10:3 - Boy Lonana

³ Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

DLAŊ LEVIRA 10:3 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

JOB 2:10

Job hoŋoɗ dira ana, «Ndak ɓakŋi ko suu puluɗina na. Ay vi jivira a ɦalla vi Lonara, ay ka ndak a vay cora a ɦalla vi Lonara mayɗi ni kay mege?» Hu dla ndaɗta halaŋŋi, dlara co ka kali fun Jobbi.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

SOOLLA 148:14

Nam ɦal saɓak ma duuna maŋ suu mamsina, suu mam suu ɗegeena halaŋ suuna ŋgaasiya, goryoŋ Israelna, ni suu ka egem tokŋa. Halleluya!

SOOLLA 39:10

An dug vunun wa, an ka malam ki oloɗi, kay an hin dlara halaŋŋi koŋu.

SOOLLA 39:9

Buɗun ki ko dla coonda halaŋ, hinin a suu puluɗina ŋgulunɗi.

SOOLLA 46:10

Nam doo duuna ki kay yam mbassa halaŋ, nam kus mbuurura u saɓpa kiyo, nam ŋgal pus pus ma duuna ki lay.

SOOLLA 89:7

Sa ma ka kolo ko Yawe nana ni gege? Duk loogi suu ɦawana ma tli tam u Yawena ni gege?

SOOLLA 93:5

Gaɗ maŋga, ndaɗ ni gasi ka tew tew, va ma ka hu ziiŋŋa na ni teteɗta, Yawe ni li ma hin ha fokŋa lay.

KALKIRA 14:17

An may ni hin so huu suu Egiptena a asi cuk ha u suu Israelna dagan may, an hin ŋga tan kay Faraw u kulumi suu duu mamsina u suu mam suu duuna halaŋ, suu kulumina lay.

KALKIRA 14:4

An hin so huu Faraw, nam hin dikisi usiya. An hin ŋga tan kay Faraw u suu duu mamsina, suu Egiptena hin wi ki ana anni Yawe.» Asi hin li ni na may.

KALKIRA 19:22

Muli suu li ɓivunna lay lini asi a ɦuɗ tasi ay eg Yawe ni li tasi ay ki teteɗ, li ka naɗi ni Yawe casi kiyo.»

KALKIRA 19:24

Yawe dam ana, «Hoŋ ha ki gaa, kay aŋ hin ɗiŋ ay kolo ni ko taŋ u Aaron. Muli suu li ɓivunna u suu halaŋŋa ka asi ɦuɗ tasi ay ɗi.»

KALKIRA 30:30

Aaron u goryom aŋ fuurusi ki may. Aŋ tinisi a asi li sunda lan ɓivunna.

EZAYI 39:8

Ezekiyas hoŋ di Ezayi ana, «Boy ma vi Yawe ma aŋ dam wanna ni jiviya.» Nam hin di ana, «Na may hu li ma an ka iiri tuna ni heɓpa ka duk ɦoŋomiya.»

EZAYI 49:3

Nam dan ana, «Aŋ Israel saan ma sunda, an hin tak bibiŋil manda ki ni u aŋu.»

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

EZEKIYEL 20:41

Hu li namma ni an hin vagi ɓivun magi ma lam u mbul ma his jivina. Hu li ma an taaragi ay ki hu mbassa daŋga zeɗ zeɗ ta agi ay ki njay hura mba tokogi ki kel tagina, an hin tak teteɗ manda ki maŋ njaf suu daŋŋa ni u agiya.

EZEKIYEL 28:22

Aŋ dasi ana, Bu Suuna, Yawe, ɓak ay ana, Ҥoŋzi ma Sidonna an hin mbay kaŋu. Suuna hin ŋgaan huruŋu, asi hin wi ki ana anni Yawe. Ni kay ɓak ma an hin kaaŋŋa kaŋŋa, an hin tak teteɗ manda ki huruŋu.

EZEKIYEL 38:16

Aŋ hin tuɗ duu u suu man suu Israelna. Aŋ hin kuluɓ mbas ndaɗta ki u suu maŋsina ni ko ndal ɗugulla kuluɓ lina kira na. Dla ndaɗta hin li ni hu li ma lina hin tokŋa. An hin mbaaraŋ ay a duu u mbas manda kay a njaf suu ɦawana wan ki u irisi ana an tak teteɗ manda ki eg Gog.»

EZEKIYEL 40:46

Zi mayra vunuɗ ii mbayaw nara ni maŋ muli suu li ɓivunna suu ka li sunda hu givin ma togollana may. Nam hin di hu ana duk njaf suu vi Levina halaŋŋi, goryoŋ Sadokŋa hin cuk kalafi hu Ziŋ Lonara a sununda ni asi doy hol.

EZEKIYEL 42:13

Sana hin dan ana, «Zigini suu ii mbayawna u suu ii dalina asina ni zigini suu teteɗna. Muli suu li ɓivunna suu li sunda hu Ziŋ Lonara hin ti tlesuu teteɗna ni hu zigini asina. Asi ni zigini suu ki teteɗna, cuk tlesuu teteɗ suu li ɓivunna ni hurusiya. Ni tlesuu ɦasi ayna u tlesuu ŋgaɗasi a li ɓivun ma bulum cora kina halaŋ cukusi ni huwa.

DLAŊ LEVIRA 21:15

Kay ana nam ka vuɗ njaf ma daŋŋa vo varam a mbuɗ njafam ki njenjeɗi kay mbuɗum ki teteɗ ni an, Yawe.»

DLAŊ LEVIRA 21:17

«Aŋ di Aaron ana, Basara u basara ni lini sa ma hu njafaŋ ki dakiya ni, nam ka tuɗ ha tok a ɦal tina maŋ Loommaɗi.

DLAŊ LEVIRA 21:21

Gegelay ma hu njaf Aaron ma dak ndaɗta egemma ka kal a li ɓivun ma ɦal tina maŋ Yaweɗi, kay ana nam ki ni dakiya. Nam ka ndak a tuɗ ɦal tina maŋ Loommaɗi.

DLAŊ LEVIRA 21:6

Asi ɦal tasi ni maŋ Loosina, asi ka pan sem Loosinaɗi. Kay asi ni suu tak tina fok Yawena ti ma vi Loosinana, asi hin laki tew tew ni teteɗ.

DLAŊ LEVIRA 21:8

Suu Israelna gegelay ni mba hum u teteɗta vi muli suu li ɓivunna, kay asi ni suu tuɗun fu ma agi ɦannana ha hu Li ma teteɗna man an, Looginana. A asi li ki ni teteɗ, kay an tanda ki ni teteɗ may. An, Yawe, ni sa ma mbuɗugi ki teteɗna.

DLAŊ LEVIRA 22:9

«Muli suu li ɓivunna hum u gaɗ manda, asi mbuɗ tasi co u ti ma asi tammaɗi, lini asi li wa na ni asi hin miɗa. Kay mbuɗusi ki teteɗ ni an Yawe.

DLAŊ LEVIRA 8:35

«Agi lak fun Mbutluɓ ma Tokka faali lay, njeŋge lay ta ta buuna kiɗisiya. Ni agi hin li sunda sun Yawe ni ka miɗ oloɗi, ni boy ma danna ayna.»

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

NDUMBA 20:12

Yawe di gi Moiz u Aaron ana, «Agi vangi vunun kaɗi, takangi teteɗ manda ka ki fok suu Israelnaɗi, kay ndaɗta agi ka ndak a cuk suu Israelna hu mbassa an vi vunun kaɗ a ɦasiraraɗi.»

MATIYE 10:37

«Sa min bum u sum suunna ka ndaki kanɗi. Sa ma min gorom u goromba suunna ka ndaki kanɗi.

Boy Ma Ayra Ma JAŊ Ɓiirimma 12:28

Bunu, ɦal geleɗta maŋ seŋu.» Della hum ay kolo huulona ɓak ana, «An ɦam geleɗta ki wa da, an hin ɦamba wili olo.»

Boy Ma Ayra Ma JAŊ Ɓiirimma 14:13

Tlege suu agi joɓom kasi u senna halaŋŋi, an lasiya a Goona a tak ki ni geleɗta vi Bumba.

GA 8ATAMBARA 32:51

Kay ana agi lagi dlara ka u voɗtaɗɗira egen fok suu Israelna ay fun mbo ma Meribana u Kades ŋgoo bagi hu fulla Sinda, hu li ma agi wan teteɗ manda ka fok suu Israel naɗina.

2 TESALONIKŊA 1:10

Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.

1 SAMUEL 3:18

Na ɗaŋŋi Samuel dam dlara ki halaŋ halaŋ ŋgay boy maa ka ki dewɗi lay. Nam Heli di ana, «Nammi Yawe, ko nam li dlara hurum miniɗta.»

1 SAMUEL 6:20

Suu Bet-Semesna di ana, «Sa hin ndak a col fok Yawe Lo ma teteɗna ni gege?» ɗaŋŋi, «Nam hin tli voɗommi kay ge a hiniygira ni ge?»