DLAŊ LEVIRA 10:2 - Boy Lonana

² Kura col ay fok Yawe mba ŋgalasi kiyo. Asi jak miɗ ki hu li namma fok Yawe gaw.

DLAŊ LEVIRA 10:2 ပူးပေါင်းရင်းမြစ်များ

2 SAMUEL 6:7

Yawe mbuɗ ki yara eg Uza ŋgolo. Lona hin waɗam hu li namma kay dla cora li komba ni na gaw. Nam miɗ hu li namma eg Zanduk Lonara ni na tok.

1 MULINA 13:28

Nam tuɗ ni fam maɗam gi kaŋga hu voɗta. Korra u dlona coli keŋem ca may. Dlona kom maɗ sana kaɗi, ci korra ka kiɗi lay.

1 MULINA 18:38

Kura vi Yawera ndi ay kaŋgaa, ŋgal li ma ŋgal ɓivunna ki u tlesuu ɓivun suu gi kolo kamma halaŋ, guna u ɦinira, gugumma u yo ma vooy kaŋga hu zulla ndaɗ soom ki halaŋ.

2 MULINA 1:10

Eli hoŋ dira maŋ sa ma suuna um dok-vadlna ana, «Lini anni sa ma vi Lonna ni ko kura col ay kolo huulona ŋgalaŋ ki u suu maŋ suu dok-vadl asina.» Kura col ay kolo huulona, ŋgalam ki u suu mam suu dok-vadlna halaŋ.

2 MULINA 1:12

Eli hoŋosi dira ana, «Lini anni sa ma vi Lonna ni ko kura col ay kolo huulona ŋgalaŋ ki u suu maŋ suu dok-vadl asina halaŋ.» Kura vi Lona col ay kolo huulona, ŋgalam ki u suu mam suu dok-vadlna halaŋ.

1 DLAŊ MULINARA 13:10

Yawe mbuɗ ki yara u Uza, camu, kay ana nam maɗ kom kay Zandukka. Nam miɗ hu li namma fok Lona.

1 DLAŊ MULINARA 15:13

Gasi daŋ may kay ana dlara li ki jewra ni agi kaɗi, Yawe, Looygina, camiya, kay ana ami halam ka u gaɗtaɗi.»

1 DLAŊ MULINARA 24:2

Ndab u Abihu miɗ ki jew busi bay vuɗ goora. Sun mayra li ɓivunna hin ɦaɗ ni maŋ Elazar u Itamar.

JOB 1:16

Vunum bay ndi ga tu may ni, sa ma hiniŋŋa cowni dam ana, «Kura vi Lonara col ay kolo huulona ŋgal timigiina u suu taarasina ki halaŋ. An suɗ ay ki ni an na dew a mba jokoŋ boy nammara.»

SOOLLA 50:3

Looygina ka mbaya, nam ka seŋ tambi. Kura ŋgolla ay ka fokomu, babaa ma ŋgolna ŋguyum yamu.

KALKIRA 24:1

Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ.

EZAYI 30:33

Zulla kura hura ki vegi ni day day. Ndaɗ vegi ni kay mulna lay. Ay kaŋga hu day mba ki kolo funu, ni asi nja guna hu a gam kura. Musuk ma cuk ay ki fun Yawena hin gi kura hu zul ndaɗta ni namu.

DLAŊ LEVIRA 10:5

Asi huɗ tasi aya, mba ɗuɗusi hu baraw masi ma tasina, tuɗusi ha ki doŋ kaana ko Moiz dira na.

DLAŊ LEVIRA 16:1

Yawe ɓak Moiz dagan miɗ ma vi goryoŋ Aaron suu mba', suu kal kura daŋga ay kalafi hu givin ma togolla ma ɓivunnana.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

NDUMBA 14:37

suu asina hin miɗ ni miɗ ma dlam cona fok Yawe.

NDUMBA 16:35

Kura col ay eg Yawe mba ŋgal suu 250 suu ŋgal mbitla his jivira ay kosina ki halaŋ.

NDUMBA 26:61

Nadab u Abihu, ni asi miɗ ki kay asi kal kura daŋga ay hu givin ma togolla fok Yawena.

SUNDA 5:10

Vunum ndi kaŋga may ni ndaɗ ndi kaŋga fokom na ni miɗ gaw. Gorzoŋina cuk ay may ni mba faɗ miɗi gaw, asi tlaɗ tuɗ paɗ eg njufuɗu.

SUNDA 5:5

Ana nias hum boy namma na ni ndi kaŋga miɗ gaw. Suu hum dla ndaɗta na mbuɗ ki ndaana na halaŋ halaŋ.

1 KORINTNA 10:11

Yoo mayra ndaɗta mbay kasi ni kay a takasi ki maŋ suu hiŋŋa, boy namma ɓiirim ay ni kay a neeygi aygiya, kay aygi cecemi fun daɓpa hin tok.

1 SAMUEL 6:19

Yawe ci suu hu Bet-Semesna kiyo, kay ana asi gol huu Zanduk Yawera. Nam ci njufiina dukusi dok-kiɗisiya. Suuna mbuɗ ki hahawra kay ana Yawe casi ki cocoo.