DLAŊ LEVIRA 10:19 - Boy Lonana

¹⁹ Aaron di Moiz ana, «Aŋ hum haa, hu li ma suu Israelna mbaa ɓivunna ay fok Yawe ni kay a bulumusi coosira kira u ɓivun ma ŋgalam kina hu lay, aŋ wi dla cora mba fanda lay. Ni an ndak a kom ŋgek ma bulum cora kina ki hu buu ma dewna su? Dla ndaɗta ni ii Yawe jivi su?»

DLAŊ LEVIRA 10:19 ပူးပေါင်းရင်းမြစ်များ

DLAŊ LEVIRA 9:12

Aaron hin ŋgaɗ ɓivun ma ŋgalam ki ŋgalina, goryoŋ Aaronna ɦam busuna nam yamam ki kay givin ma togolla, ɓivunna ŋgufum ki na cutl.

DLAŊ LEVIRA 9:8

Aaron ɦuɗ tam eg givin ma togolla, ŋgaɗ goo mbutlna kay a li ɓivun ma bulum coom tambara kina.

MALASI 2:13

Gologi dlara agi laɗ a mbarara, ko simi ma irigina oy givin ma togolla vi Yawena, tirigiya, oyogiya kay ana nam ka caa yam kay tlesuu agi ɦamsinana oloɗi, ka vagisina kogi u furira oloɗi lay.

MALASI 1:13

Agi di ana, «Gologiya, ni loɓ me nage?» Agi zuɗugira ha ki noyoɗ ki lay, Yawe, ma Saɓakŋa Kom Belna, di na. Agi mbaagi ay u yoori suu ɦulla ɗowba dalira ɗowba tuguɗira agi mba ɦasi a li ɓivunna. Na ni an hin vagi ɓivun namma kogi su? Yawe, ma Saɓakŋa Kom Belna, di na.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

Magaara Vi Sa Jok Vun Lona OZE 9:4

Asi hin ka mba sum veŋŋa ay a li ɓivunna maŋ Yaweɗi, ɓivun masi ma asi lamma hurum hin ka furiyumbi. Nam hin li kasi ni ko ndal fu ma tam u hahawrana na, suu tamma halaŋ hin mbuɗ ki njenjee, kay ana fuusi na hin ɦuɗusi iiri masira fokŋi namu, nam hin ka kal hu zira vi Yaweraɗi.

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

HEBRENA 9:8

Musuk Lonara tak ki ana voɗta kay Li ma Saɓaki Teteɗna bay mal ki tuwa, ni ay hu li ma mbutluɓma jewna ka tuna.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

FILIPINA 4:4

Furiyugi hu Bu Suuna na gak gak an di olo furiyugiya.

EZAYI 1:11

Yawe di ana, An a li me u ɓivun magi ma agi lam coco wanna ni ge? Ɓivun ma agi ŋgal gamlagina, ŋgal mbul gor mbutlina na ndakan wa. Busu mbutlina, timigiina u ŋgegina, an ka minisi oloɗi.

GA 8ATAMBARA 26:14

Hu li ma an ay hu hahawra lay ni an ti va ka kiɗi, hu li ma an ay ki njenjena lay ni an tli va ka kiɗi, an ɦal va ka ki maŋ sa ma miɗiɗi lay. An hummi vun Yawe Loonna. An li ni u dlara aŋ dandara halaŋ.

GA 8ATAMBARA 12:7

Agi u suu magisina halaŋ tagi ti nam ma teteɗna ay fok Yawe u furira ko tagi dew. Agi hin furi kay sun magira li jivi ɦayra kay Yawe Loogina ka njunugiya, nam paɗ vunum ki kagiya.

DLAŊ LEVIRA 10:20

Moiz wi ki ana hoŋ di ndaɗta ni u voɗoɗu.