DLAŊ LEVIRA 10:11 - Boy Lonana

¹¹ Haɗ suu Israelna ki halaŋ kay dla mayra Yawe daɗ ka maŋ Moizza.»

DLAŊ LEVIRA 10:11 ပူးပေါင်းရင်းမြစ်များ

2 DLAŊ MULINARA 15:3

Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

2 DLAŊ MULINARA 17:9

Asi haɗ suu hu ɦoŋzi ma Yudana tli magaara gaɗta vi Yawera ha kosi hu gaw may. Asi ŋguy ki hu ɦoŋzi ŋgolo ma Yudana bel bel asi haɗ suu Israelna.

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

NEHEMI 8:2

Mul ma li ɓivunna Ezdra tli magaara gaɗta ay ki fok njufiina, hu li ma suuna ka huna, boyogina u suu ki ndaki a wi dlara humuɗ layna. Ni hu buu ma jewna hu til ma kiɗisiyana.

NEHEMI 8:8

Asi ndum ay hu magaara gaɗta vi Lonara ki na vala vala a suuna hum ki jivira, buɗ u tlesuu ndumusina ki maŋ suuna jivi may.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

SUNDA 20:27

An dagi dlara Lona ŋgaaɗta ki wa, ŋgay va ka huna ewɗi.

GA 8ATAMBARA 17:10

Agi mba li ni u boy ma asi dagina ay hu li ma Yawe manam namma. Agi mba li u dlara asi haɗagira ayra halaŋ.

GA 8ATAMBARA 17:11

Agi mba li ni u gaɗta asi haɗagira ayra na ɗegee, u ɓak ma asi kaam ayna na ɗegee may, li dla mayra nda bik njuf may gulu mayraɗi.

GA 8ATAMBARA 24:8

Lagi tagi jivi kay dla tuguɗi busuna, agi mba saaram ki jivi cocoo, hin lagi u dlara muli suu li ɓivun suu vi Levina haɗagira ay kayamba jivi may, agi mba li jivi u dlara an dasira ayra.

GA 8ATAMBARA 33:10

Asi haɗaŋ dlaaŋga maŋ njaf suu vi Yakobma, takaŋ gaɗ maŋga maŋ suu Israelna, asi ka tiniŋ mbul ma his jivina ciniŋu, laŋ ɓivunna halaŋ kay givin ma togolla maŋŋa.

1 TESALONIKŊA 4:2

Agi wi haɗta vi Bu Suuna Yesu ta ami haɗagirara.