DLAŊ LEVIRA 10:1 - Boy Lonana

¹ Nadab u Abihu goryoŋ Aaronna yow ganun masina kosiya, yow kura daŋga ay kosi hu may, vo mbul ma his jivina kayam may. Asi tuɗ ɓivun ma ka u voɗombi namma fok Yawe, li ka ko gaɗta di kira naɗi.

DLAŊ LEVIRA 10:1 ပူးပေါင်းရင်းမြစ်များ

1 MULINA 18:38

Kura vi Yawera ndi ay kaŋgaa, ŋgal li ma ŋgal ɓivunna ki u tlesuu ɓivun suu gi kolo kamma halaŋ, guna u ɦinira, gugumma u yo ma vooy kaŋga hu zulla ndaɗ soom ki halaŋ.

SOOLLA 141:2

Ko cen danda li ha fokoŋ ko mbul ma his jivina na, kon yowi kolo fokoŋ u ɓivun man ma fiɗigina.

KALKIRA 24:1

Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ.

KALKIRA 24:9

Moiz ɗiŋ kolo kay ɦinira, asi ugi Aaron, Nadab, Abihu u suu ŋgolo suu Israel suu dok-kiɗisiyana may.

KALKIRA 27:3

Tlesuu li sunda hu givin ma togolla halaŋ aŋ yoorosi ni u kawi ma tlawna. Aŋ yoo zek ma too buɗna kina, yoo gi pelna may, yoo ŋgali suu yam busuna may, yoo cokkolina may, yoo va ma ŋgal mbidla may. Tle asina halaŋ yoorosi ni u kawi ma tlawna.

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

KALKIRA 31:11

mbul ma fuura, mbul ma his ma ŋgal mbidla hu Li ma Teteɗna. Asi lasi ni ko ndal an daŋga na may.»

KALKIRA 37:29

Nam yoo mbul ma teteɗ ma fuura u mbul ma ŋgalam hu givin ma togolla, ni sunda vi sa ma yoo mbul ma hisna.

KALKIRA 38:3

Nam yoo tlesuu li sunda huna halaŋ, va ma go yona, pelna, koɓ ma yam tlena, cokkolina, u doy kawina, tle asina halaŋ nam yoorosi ni u kawi ma tlawna.

KALKIRA 40:27

Nam ɗus mbul ma his jivina huwa ko Yawe di Moizza na.

KALKIRA 6:23

Aaron ɗum caamba ni Eliseba ta goŋ Aminadabba, ni wayaŋ Nakonda ndaɗ vuɗum fiɗi, Nadab, Abihu, Eleazar u Itamar.

KALKIRA 8:27

Yawe li ko Moiz dira na may, loloona tuɗ ki vi Faraw, hin suu sun mamsina u suu mamma halaŋ lay. Maa hin ka na ɗew ɗi.

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

JEREMI 44:15

Suu may suu wi ana boyogosi ŋgal ɓivunna maŋ loogi suu daŋŋana, boyogosi suu moli bolow hu li nammana, suu kaki hu mbassa Egiptera halaŋ, suu hu Patrosna hoŋ dira maŋ Jeremi ana,

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 7:31

Asi min otel ma li ɓivunna ha hu ɦuɗugumba Ben-Hinnomba kay a ŋgal goryosi suu njufiina u gorɓiina ki u kura. An joɓ dla ndaɗta kaɗi. An saa ka kay dla ndaɗtaɗi lay.

DLAŊ LEVIRA 16:1

Yawe ɓak Moiz dagan miɗ ma vi goryoŋ Aaron suu mba', suu kal kura daŋga ay kalafi hu givin ma togolla ma ɓivunnana.

DLAŊ LEVIRA 16:12

Nam yow murus kura hu ganun mamma ni kura ay hu givin ma togollara, yow fuɗ mbitla his jivira duk kom mba' may, tuɗusi hu li ma ki saɓaki teteɗna ŋgoo gojoli ma caki ii linna fok Yawe.

DLAŊ LEVIRA 22:9

«Muli suu li ɓivunna hum u gaɗ manda, asi mbuɗ tasi co u ti ma asi tammaɗi, lini asi li wa na ni asi hin miɗa. Kay mbuɗusi ki teteɗ ni an Yawe.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

NDUMBA 26:61

Nadab u Abihu, ni asi miɗ ki kay asi kal kura daŋga ay hu givin ma togolla fok Yawena.

NDUMBA 4:18

«Gol njaf suu vi Kehatna jiviya a asi li ha duk njaf Levi na gak gak.

GA 8ATAMBARA 17:3

tin irim a sun loogi suu ɦawana, goɓ ga fokosiya, fok gi faɗta, tilna u ciciwra u tlesuu kolo huulonna, tlesuu an ɦagi voɗta ka a agi lasiɗi layna,

GA 8ATAMBARA 4:2

Gaɗta an ɦaɗagira wanda agi cuk va ma daŋ dukuɗɗi, agi yow va ki uɗɗi lay, ni kay a li u gaɗta vi Yawe, Loogina, ta an ɦaɗagirara.

HEBRENA 9:4

Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.