DLAŊ LEVIRA 1:9 - Boy Lonana

⁹ Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.

DLAŊ LEVIRA 1:9 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

1 DLAŊ MULINARA 6:34

Aaron u goryom ŋgal ɓivunna kay givin ma togolla lay. Asi ŋgal tlena kay givin ma togolla ma ŋgal mbul ma his jivina lay, li sunda hu Li ma Saɓaki Teteɗna, li ɓivun ma taɓ dukka kay suu Israelna, ko dlara Moiz sa sunda vi Lona dira na.

2 DLAŊ MULINARA 4:6

Nam yoo tassa kawi ma daŋŋa doogo olo, cuk ma vadl bik njuf may, vadl bik gulu may fun Ziŋ Lonara mbus semma. Asi mbus tlesuu li sunda hu li ma ŋgal ɓivunna ni huwa. May ni muli suu li ɓivunna mbus tasi ay ki ni hu tassa ma ŋgolna, yoori u kawi ma tlawna.

SOOLLA 51:6

An li co ndaɗta ni egeŋ aŋ na dew, an li dlara ka iriŋ jiviɗira. Kay ndaɗta aŋ ɓakŋi u voɗoɗu, ɓak maŋŋa, ŋgul ka huɗi.

SOOLLA 66:15

An laŋ ɓivunna ni u va ma ɗoori cocona, an ŋgaɗaŋ timigiina u tlesuu his jivina, an ŋgaɗaŋ bolo mbutlna u ɦu ŋgekŋa.

KALKIRA 12:9

Komom iiriɗi lay, zalam zaliɗi lay, may cufum mi cufi duk kura, ki u yamba lay keweɗta lay u huuna lay.

KALKIRA 29:18

Aŋ ŋgal timii namma ki halaŋ hu givin ma togolla. Ni ɓivun ma ŋgalam ki maŋ Yawena. Ni fu ma ŋgalam kina ma his ma jivina maŋ Yawena.

KALKIRA 29:25

Ŋgoo dagan aŋ vasi tle asina kosiya, aŋ tuɗ ŋgalasi ki hu givin ma togolla a ɓivun ma his jivina fok Yawe, ni fu ma ŋgalam ki maŋ Yawena.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 20:41

Hu li namma ni an hin vagi ɓivun magi ma lam u mbul ma his jivina. Hu li ma an taaragi ay ki hu mbassa daŋga zeɗ zeɗ ta agi ay ki njay hura mba tokogi ki kel tagina, an hin tak teteɗ manda ki maŋ njaf suu daŋŋa ni u agiya.

EZEKIYEL 40:38

Zira hiniŋga ka mini eg vun ma ii mbayawna na. Asi mbus ta yoori suu ŋgaɗasi a li ɓivun ma ŋgalam kina ni hu zi ndaɗta.

DLAŊ LEVIRA 1:13

Sa ma mba dan ɓivunnana mbus yorotna u kewetta ki halaŋ, ɦasi maŋ mul ma li ɓivunna nam ŋgalasi ki lay. Kay ana ni ɓivun ma ŋgalam kina, ni ndoos ma his jivi maŋ Yawena.

DLAŊ LEVIRA 1:17

Wak lay namma ki duk kay garaŋam na, ka ɓorowom irim ki dukgi kama. Mul ma li ɓivunna hin ŋgalam kay kura hu givin ma togolla. Ni ɓivun ma ŋgalam kina, his ma jivina fok Yawe.»

DLAŊ LEVIRA 2:16

Ŋgoo dagan, mul ma li ɓivunna hin ŋgal tle asina kay gi humba, yow wa ma hawina nde may, mbulna nde may u mbitla his jivira may. Ni puura ŋgalaɗ ki ŋgali maŋ Yawera.»

DLAŊ LEVIRA 2:2

Mbaa tle asina ay maŋ muli suu li ɓivunna, goryoŋ Aaronna. Yow fuɗ ndaɗta ni oy duk koŋ dew. Fuɗta may, mbulna may, u mbitla his jivira may. Mul ma li ɓivunna ŋgal tle asina kay givin ma togolla, ni ɓivun ma gi humba. Ni tlesuu ɦasi maŋ Lona a ŋgalasi kina, his ma jivi ii Yawena.

DLAŊ LEVIRA 2:9

Duk tle asina mul ma li ɓivunna yow ɦiw ni ŋgal kay givin ma togolla a gi humba. Ni puura ŋgalaɗ ki ŋgalira, his ma jivi ii Yawena.

DLAŊ LEVIRA 3:11

Ŋgoo dagan mul ma li ɓivunna ŋgal tle asina hu givin ma togolla. Ni ɓivun ma ŋgalam ki maŋ Yawena.

DLAŊ LEVIRA 3:5

Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 6:14

Fuɗ ndaɗta yarasaɗ iriɗ ki u mbulna kay gu ma beɗina, tuɗuɗ ha ni iriɗ ki tlumi jiviya, li puura u njaf wanara yarasi ndaɗta ni ɓivun ma his jivina maŋ Yawe.

DLAŊ LEVIRA 8:21

Moiz mbus yorotna ki jivi u gi kewetta lay. Nam ŋgal timiina ki ni u ŋgolom halaŋ, ni ɓivun ma ŋgalam kina, ma his jivi fok Lonana. Ni ti ma ŋgalam ki maŋ Yawena ko nam di ay maŋ Moizza na.

DLAŊ LEVIRA 8:28

Ŋgoo dagan Moiz vasisina kosi kemmi tuɗ ŋgalasi ki hu givin ma togolla, ni ɓivun ma ɦal sunda maŋ sana, ɓivun ma his jivina, ni ti ma ŋgalam ki ŋgali maŋ Yawena.

DLAŊ LEVIRA 9:14

Nam mbus yorotna u kewetta ki halaŋ, ŋgalasi ki u suu hiŋŋa lay.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

NDUMBA 15:3

Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

NDUMBA 28:7

Goo timii ma ŋgaɗam maɗiina lam u sum veŋŋa litir dew u nus tuɗum ha fok Yawe hu Mbutluɓ ma Teteɗna.

NDUMBA 28:8

Goo timii ma ŋgaɗam fiɗigi goona gige na li tlena dukum ni ko ma maɗiina na lay. Ti namma maŋ Yawe ni a ɓivun ma his jivina.

2 KORINTNA 2:15

Ami ni ko his ma jivi ma Kristu ɦam maŋ Lonna na, ami ni maŋ suu ka hu voɗta suɗta, u suu ba kina lay.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

GA 8ATAMBARA 12:27

Agi li ɓivun ma ŋgalam ki ŋgalina, tliwna u busuna, kay givin ma togolla vi Yawe Looŋŋa. Agi vo busuna vi ɓivunna kay givin ma togolla, na may tliw ma hinna aŋ komomu.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.