5 Nam ŋgaɗ mbutl namma fok Yawe, muli suu li ɓivunna, suu goryoŋ Aaronna, tuɗ u busuna, yamam ŋguyum ki kay givin ma togolla na cutl, li ma ka mini fun li ma kal ha kalafi hu Mbutluɓ ma Tokkana.
Suuna gijaŋŋa a ŋgaɗ gor timigii suu Pakŋa u gor ɦugunina gaw may. Asi ɦal busu gor timigiina ay maŋ muli suu li ɓivunna muli suu li ɓivunna vo busuna ha kay li ma ŋgal ɓivunna, njaf suu vi Levina ni suu a zi ɦugunina suu ŋgaɗasi kina may.
Ko ndaɗta na njaf suu daŋŋa mbuɗ lagira na jim kay dlaamba. Mulina ka wi dlara asi daɗtaɗi lay. Kay dlara asi waɗta su ki kay dlara asi cuɗusira jewra. Asi gol dlara asi humuɗ ka jew ɗira.
Sa namma hin dan ana, «Goŋ sanna, Bu Suuna, Yawe, di ana, Gola ni dlara ka ɓiiri a di ki kay givin ma togolla, hu buu ma asi miniɗ ki wa a li ɓivun ma ŋgal kina kamba ni asi yam busuna ki kam fok jewe.
Nam ŋgaɗ ɦu namma ni keŋ ma mbayawna vi givin ma togolla fok Yawe, mul ma li ɓivunna duk goryoŋ Aaronna yamam busuɗum ŋgufum ki kay givin ma togolla na cutl.
Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.
Kay ana, iirira vi tlena halaŋŋi duk busuɗusiya, anu, an ɦagina ni hu givin ma togolla kay a li ɓivun ma bulum cora kina kay iiri magira. Busuna mbus co ndaɗta kiyo kay nammi iirira.
Ŋgoo dagan mul ŋgol ma li ɓivunna tin u busu mbutl ma hin komma kolo kay mekŋa keŋ givin ma togolla ma ka kalafi hu Mbutluɓ ma Tokkana fok Yawe. U busu ma hinna nam mba voom ki ga kiɗik u givin ma togolla fun Mbutluɓ ma Tokka.
An hin col fok Yawe ni u mege? Gi yan kaŋga fok Lona ma ha kolo huulona dayna ni u mege? An hin col fokommi u ɓivun ma ŋgalam kina su? U gor mbutlugi suu basaɗasi dew dewna su?
Na may goŋ mbutla ma vuɗ fok jewna, goo timiina u goo ɦuna sa ka mbuɗusiɗi, kay asi ki ni teteɗ, aŋ voosi busuɗusi kay givin ma togolla, aŋ ŋgalasi mbulusi kay givin ma togolla, ni a ɓivun ma his jivina maŋ Yawe.
Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.