DLAŊ LEVIRA 1:4 - Boy Lonana

⁴ Sa namma tin kom kay yam mbutl ma ɓivun namma kay a ɓivunna vi jivi a bulumum coomba kira.

DLAŊ LEVIRA 1:4 ပူးပေါင်းရင်းမြစ်များ

KALKIRA 28:38

Ndaɗ hin li ni vok Aaron kay a nam mba dla mayra li ay cora eg tlesuu teteɗna, tlesuu suu Israelna ɦasi a li ɓivunnana, lor ndaɗta mba li njunni vogom tew tew kay ana ɓivun masina li jivi ii Yawe.

KALKIRA 29:10

Aŋ tuɗ mbutlna ha fun zira tokka. Aaron u goryom tin kosi kay yam mbutlna.

KALKIRA 29:15

Ŋgoo dagan aŋ vi gamla ma jewna gi Aaron u goryom tin kosi kay yamu.

KALKIRA 29:19

Ŋgoo dagan aŋ vi gamla timii ma mbana, gi Aaron u goryom tin kosi kay yamu.

KALKIRA 29:33

Asi kom tliw namma ni kay a bulumusi coosira kira, kay a ɦasi sundara may, kay a mbuɗ tasi ki teteɗta may, tliw namma sa ɦawa ka komombi, kay nam ki teteɗ.

EZAYI 56:7

an hin tuɗusi kay ɦini manda teteɗta, an hin oyosi u furira, hu ziinda cenda. Ɓivun masi ma asi lamma an vam u furira kay ziinda asi hin yaɗ ana, zira cenda vi suuna halaŋ.

EZEKIYEL 45:15

Duk yoori magisina timigiina kis kis mba' ni agi ɦal ki dew ɗowba ɦuginina lay, yoo ma ɦam ki namma agi mbaaram ki a li ɓivun ma kay suuna halaŋŋa ɗowba kay ɓivun ma taɓ duk hoŋga, ni kay a bulumugi coogira kira. Di ni Bu Suuna, Yawe.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

DLAŊ LEVIRA 16:21

Aaron baa kom kay yam ŋgek ma iirina u dlam jak, nam hom cora vi suu Israelna ki kam halaŋ, u dlara asi daɗ cora halaŋ, ni ana suluk masi ma asi lamma halaŋ halaŋ nam tinim ha ki kay ŋgekŋa. Ŋgoo dagan nam yi sana dew tuɗ gi ŋgek namma ha ki ŋgoo bagi hu fulla.

DLAŊ LEVIRA 16:24

Nam mbus tam ki u yona hu li ma teteɗna, hin cuk barawi mamsina tamu, nam kal ay ki hin mba li ɓivun ma ŋgalam kina kay tamba u suuna halaŋ, nam li ɓivun ma bulum cora kina kay tamba, kay suuna may.

DLAŊ LEVIRA 22:21

«Lini sana min a li ɓivunna kay dlara nam yi va kam yii ɗowba ɓivun ma u min mamba a hal heɓpa maŋ Yawe ni, nam hin li ɓivun ma heɓpa. Nam vi ay ni yoo ma ŋgol ɗowba ma gooro, ni nam ɦal ni ma bay ŋgulla egemma, ni ma huɗuk ka egembina.

DLAŊ LEVIRA 22:27

«Hu li ma mbutl kala, timii kala, ɦu kala, vuɗ wa ni goona li buuna kiɗisiya u sumu, buu ma kalavandina ni nam ki ni jiviya, lini sana vam a li ɓivun ma ŋgalam kina maŋ Yawe lay ni jiviya.

DLAŊ LEVIRA 3:13

Sa namma baa kom kay ɦu namma asi ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl.

DLAŊ LEVIRA 3:2

Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl.

DLAŊ LEVIRA 3:8

Sa namma tin kom kay yam va ma li ɓivunna, asi hin ŋgaɗam fun Mbutluɓ ma Tokka, goryoŋ Aaronna yam busuna ŋgufum ki kay givin ma togolla na cutl.

DLAŊ LEVIRA 4:15

Suu ŋgolo suu fok suunana baa kosi kay yam mbutlna fok Yawe, asi ŋgaɗ mbutl namma ni fok Yawe hu gaw may.

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 4:24

Nam baa kom kay yam ŋgekŋa, asi tuɗ ŋgaɗam hu li ma asi ŋgaɗ ɓivun ma ŋgalam kina fok Yawe huna. Ni ɓivun ma kay dla corana.

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:29

Nam baa kom kay yam ɦu mayra a li ɓivunna kay coombara, asi i ŋgaɗ ɦu ndaɗta hu li ma ŋgaɗ ɓivun ma ŋgalam kina huna.

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 4:33

Nam baa kom kay yam timiira li ɓivunna u ndaɗta, ŋgaɗaɗ kay a li ɓivunna ni hu li ma ŋgaɗ ɓivun ma ŋgalam kina huna.

DLAŊ LEVIRA 4:35

Tliw ma mbulna halaŋ nam yowom ko li ay u ɓivun ma heɓpa na may, mul ma li ɓivunna tuɗ ŋgalasi kay givin ma togolla fok Yawe. Nam li dla ndaɗta kay sa ma li corana wa na ni coomba bulum ki wa.»

DLAŊ LEVIRA 4:4

Nam mbaa bolo mbutlna ay fun Mbutluɓ ma Tokka fok Yawe, nam tin kom kay yam mbutlna, nam ŋgaɗ mbutl namma fok Yawe.

DLAŊ LEVIRA 5:6

A nam hoŋ min duk ɦoŋom u Yawe kay cora nam laɗta ni, nam vi goo yoo ma tama ay dew, goo timii ɗowba goo ɦu wa. Kay a dan ɓivunna kay coombara. Mul ma li ɓivunna hin lam ɓivun ma bulumum coomba kina.»

DLAŊ LEVIRA 6:7

«Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

DLAŊ LEVIRA 8:14

Ŋgoo dagan Moiz vi bolo mbutl ma li ɓivun ma bulum cora kina, Aaron u goryom baa kosi kay mbutlna.

DLAŊ LEVIRA 8:18

Ŋgoo dagan Moiz vi gamla timii ma li ɓivun ma ŋgalam kina aya, Aaron u goryom tin kosi kamu.

DLAŊ LEVIRA 8:22

Ŋgoo dagan Moiz vi gamla timii ma mbana aya, namma ni a timii ma ɦal sunda maŋ sa li ɓivunna. Aaron u goryom tin kosi kay timiina.

DLAŊ LEVIRA 9:7

Ŋgoo dagan Moiz hin di Aaron ana, «Ҥuɗ taŋ ay eg givin ma togolla, li ɓivun maŋ ma bulum cora kina, ŋgal ɓivun maŋ ma ŋgalam kina kay taŋga u suu maŋsina halaŋ. Ŋgoo dagan li ɓivun ma bulum cora vi suu halaŋŋa kira may, ko ndal Yawe daŋga na.»

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

NDUMBA 15:28

Mul ma li ɓivunna lam ɓivun ma mbus cora kina kam fok Yawe kay cora paɗ kom ndaɗta, nam li ɓivunna kay sa namma wa ni coom ndaɗta hin bulum kiyo.

NDUMBA 25:13

Heɓ ndaɗta ni mamu, maŋ njafam ma ka daganna lay. Galam ndaɗta njunusi a li sunda ɓivunna a fafaɗta kay ana nam tak yaamba ki kay Loomma, nam li dlara mbus cora vi suu Israelna kira.»

NDUMBA 8:10

Aŋ ɦuɗ suu vi Levina ay fok Yawe, suu Israelna tin kosi kasi may.

NDUMBA 8:12

Suu vi Levina tin kosi kay yam bolo mbutliina, ɦal mbutlii asina maŋ Yawe, maa dew a li ɓivun ma bulum cora kina, ma hiŋŋa a li ɓivun ma ŋgalam kina may. Ni a li ɓivunna ki kay njaf suu vi Levinara.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

ROMMA 5:11

Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

HEBRENA 10:4

Kay busu mbutlina u ɦugunina ka ndak a yow cora vi suuna kiɗi.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.