DLAŊ LEVIRA 1:3 - Boy Lonana

³ «Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

DLAŊ LEVIRA 1:3 ပူးပေါင်းရင်းမြစ်များ

URA TIN AYRA 22:13

Abraham gol irim ŋgorom dagan na ni, wi gamlana vii ga u mekem duk bubura. Abraham tuɗ vi gamla namma vini li ɓivun ma ŋgalam kina u nam kay sem goromma, Isaak.

URA TIN AYRA 22:2

Lona dam ana, «Tay goroŋŋa, Isaak, ma dew ma aŋ minimma, tuɗ hu mbassa Moriya, ha ki hu li namma aŋ lan ɓivun ma ŋgalam kina u goroŋŋa kay ɦinira an hin takaŋgara».

URA TIN AYRA 22:8

Abraham hoŋom dira ana, «Goonna, Lona hin ɦal timii ma li ɓivun ma ŋgalam kina ay ni u tamba». Asi tuɗ fok u tasi jak.

URA TIN AYRA 8:20

Nowa min givin ma togolla maŋ Yawe. Nam man duk mburi suu ŋgolona u layagina u njaf tlesuu iirina zeɗ zeɗ tlesuu teteɗna a li ɓivun ma ŋgalam kina maŋ Lona.

2 DLAŊ MULINARA 29:32

Ndum tlesuu asi mbaarasi ay a li ɓivun ma ŋgalam ki ŋgalina ndi ni, mbutlugina dok-kiɗisiya, gamlagina kis, gor timigiina kis kis mba'. Halaŋ lasi ki a ɓivun ma ŋgalam ki ŋgalina maŋ Yawe.

2 DLAŊ MULINARA 35:12

Asi col yoo ma li ɓivun ma ŋgolna ki keŋe, ni bolo mbutlna ni ma hin ŋgaɗam a li ɓivun ma ŋgol ma kay suuna belna maŋ Yawera may. Ii suuna ɓorowi ni u deera vi suu Israelnara ko ndal ay ɓiiri hu magaara gaɗta vi Moizza na may.

SOOLLA 110:3

Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

KALKIRA 12:5

Agi vi ni timii ma bay ŋgulla egemma, ni timii ma basaɗam dewna, vi ni timii gamlana, agi ndak vi ni duk yoori magisina, lini gamla ɗowba, ŋgekŋa lay.

KALKIRA 24:5

Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa maŋ Yawe may.

KALKIRA 29:18

Aŋ ŋgal timii namma ki halaŋ hu givin ma togolla. Ni ɓivun ma ŋgalam ki maŋ Yawena. Ni fu ma ŋgalam kina ma his ma jivina maŋ Yawena.

KALKIRA 29:4

Aŋ ɦuɗ Aaron u goryom ha fun mbutluɓma na tok, aŋ mbususi ki u mbona.

KALKIRA 29:42

Ni ɓivun ma ŋgalam kina hu buuna tew tew lammi na, ha hu basara basara gak gak, lammi fun mbutluɓma hu li ma kal ha kalafi fok Yawena. Ni hu li ma an ŋgaf u aŋ ɓak u aŋ huna.

KALKIRA 32:6

Vin maɗii feɗet a asi yow kolora ni, asi li ɓivun ma ŋgalam kina, mbaa ɓivun ma heɓpa, suuna mol ga tiya, ciya, yow kolo luuna.

KALKIRA 35:21

Gegelay u min mamba u saa mamba ay hurumba mbaa tlena ay maŋ Yawe, kay a min mbutluɓmara kay sunda hura halaŋ kay baraw ma teteɗna lay.

KALKIRA 35:29

Njufiina u boyogi suu hurusi ki mali taa tlesuu li sunda ayna suu Yawe ɓakaygi ay ki kasi fun Moizna agi suu Israelna halaŋ ɦasi aya.

KALKIRA 35:5

Tlesuu agi fasina halaŋ ɦasi yasi ki maŋ Yawe. Suu may suu ɦal u hurusi ma jivina halaŋ mbaarasi ay maŋ Bu Suuna, lorra, doonora u kawi ma tlawna.

KALKIRA 36:3

Moiz ɦasi tle may suu suu Israelna taarasi ay a min mbutluɓmana halaŋ a asi li sundara. Hu li ma suuna ka ɦam ay na olo olo na,

KALKIRA 38:1

Ŋgoo dagan nam min givin ma togolla ma ŋgal ɓivun ma ŋgalam kina ni u gu akasiyana, fiyekemmi meter mba' u nus, hayammi meter mba' u nus lay, ni fun tam dew, wulum ma kolona ni meter dew u nus.

EZAYI 1:11

Yawe di ana, An a li me u ɓivun magi ma agi lam coco wanna ni ge? Ɓivun ma agi ŋgal gamlagina, ŋgal mbul gor mbutlina na ndakan wa. Busu mbutlina, timigiina u ŋgegina, an ka minisi oloɗi.

EZEKIYEL 20:40

Bu Suuna Yawe di ana, agi suu Israelna hin sunungi ni kay ɦini manda teteɗta, ɦinira wuli kolo fiyek coco ɦayra. Ha hu li namma ni an hin vi tlesuu agi ɦansinana, ɦal magi ta ɦawara jivira u tlege suu agi ɦansina ki manna halaŋ.

EZEKIYEL 40:39

Hu zira ŋgol ndaɗta tabulla ka kalafi hu fiɗi, mba' keŋ hiŋŋa may, mba' keŋ ma hiniŋŋa may. Kay tabuli asina asi ŋgaɗ yoori suu li ɓivun ma ŋgalam ki ŋgalina u ɓivun ma bulum cora kina ni kasiya.

DLAŊ LEVIRA 1:10

«Lini a mbaa ɓivun ma ŋgalam ki ŋgali namma ni u yoo ma gooro, timii ɗowba ɦura, ɦal ni ma njufna ma bay ŋgulla egemma.

DLAŊ LEVIRA 14:10

«Hu buu ma kalavandina ni nam yow gor timigii suu njufiina mba' suu bay ŋgulla egesina u goo timiira basaɗaɗ ki dewra dew may ni ta ŋgul ka egeɗɗira, ɦal fuɗta u kelewna dleeŋe a li puura njaf wana ni ta yarasi u mbulnara, ɦal mbulna u nus litirna may.

DLAŊ LEVIRA 16:7

Nam yow ŋgekgi suu mbana mbaarasi fok Yawe fun Mbutluɓ ma Tokka.

DLAŊ LEVIRA 17:4

Lini sa ŋgaɗasi hu li ma daŋŋa nam vo busuna ki gaa, ni sa namma ka li iiri duk suu Israelna olo ɗi.

DLAŊ LEVIRA 17:8

«Aŋ dasi ki hu olo ana, lini sana ni hu njaf suu Israelna, ɗowba ni ŋgay ma ka cuki dukusina, li ɓivun ma ŋgalam ki ŋgalina ɗowba ɓivun ma ɦawana,

DLAŊ LEVIRA 17:9

mbaaram ka fun Mbutluɓ ma Tokka a li ɓivunna maŋ Yaweɗi, sa namma ki ni paɗi duk suu mamsina.

DLAŊ LEVIRA 23:12

Hu buu ma agi a ɦal yam wana ni, agi li ɓivun ma ŋgalam ki ŋgalina maŋ Yawe u goo timii ma basaɗam dewna, ni timii ma bay ŋgulla egemma,

DLAŊ LEVIRA 23:18

Ŋgoo dagan funa ni agi yow timigii suu basaɗasi tew ki dew dewna ay kiɗisiya ni suu bay ŋgulla egesina, vi bolo mbutlna dew may, yow gamlagina mba' may, ŋgaɗasi a ɓivun ma ŋgalam ki ŋgalina maŋ Yawe, ɓivunna u njaf wa masina halaŋ, u sum veŋŋa ni ɓivun ma ŋgalam kina, his ma his jivina maŋ Yawe.

DLAŊ LEVIRA 3:1

«Hu li ma sana min a li ɓivun ma heɓpa ni, nam vi ni mbutl njuf kala, mbutl tama kala, nam ɦam maŋ Yawe ni va ma bay ŋgulla egemma.

DLAŊ LEVIRA 4:15

Suu ŋgolo suu fok suunana baa kosi kay yam mbutlna fok Yawe, asi ŋgaɗ mbutl namma ni fok Yawe hu gaw may.

DLAŊ LEVIRA 4:23

Asi takam coomba nam laɗta ki wa ni, nam mbaa ŋgekŋa aya, ni ɦu ma bay ŋgulla egemma.

DLAŊ LEVIRA 4:3

«Lini mul ŋgol ma li ɓivunna ma fuurum ki u mbulnana li cora ni namu ni, u coom ndaɗta a mbaa cora kay suu halaŋŋa ni, nam vi bolo mbutl ma bay ŋgulla egemma, mbaaram fok Yawe a li ɓivunna kay dla coombara.

DLAŊ LEVIRA 4:32

«Lini nam a ɦal ay a li ɓivunna kay coomba ni timiira ni, ɦal ni timiira tamara, ta bay ŋgulla egeɗta.

DLAŊ LEVIRA 5:15

«Hu li ma sana dla cora paɗ kom nam wi kaɗi, va ma Yawe joɓomma nam ɦam ka u voɗombi ni, nam ndak vi gamla timii ma bay ŋgulla egemma, ɦam maŋ Yawe, ni timii ma gus way ndena, gusum ko gursu mayra ŋgaay hu Zira Tokka na ɦam a li ɓivun ma min duk ɦoŋgana.

DLAŊ LEVIRA 5:18

Lini nanagelay ni nam mba ɦal gamla timiina ay maŋ mul ma li ɓivunna, ni timii ma bay ŋgulla egemma. Ko gaɗta di kay ɓivun ma min duk ɦoŋgara na. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 6:2

«Di gaɗta an daŋga wanda maŋ gi Aaron u goryomu. Gola ɓivun ma ŋgalam kina asi lammi ko wanda na. Va ma ŋgalam ki namma hinim kay li ma ŋgal ɓivunna njeŋge gak gak fo maɗiira, kura hu li ŋgal ɓivunna vi gak gak may.

DLAŊ LEVIRA 6:8

Nam yow u fuɗ wa ma ɦam ay a li ɓivun ma njaf wana hu duk kona dew. Li fuɗ ndaɗta u mbulna may, u mbitla his jivira may, ŋgalasi hu givin ma togolla, ni his ma jivi ma gi humba lam maŋ Yawena.

DLAŊ LEVIRA 7:16

«Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may.

DLAŊ LEVIRA 8:18

Ŋgoo dagan Moiz vi gamla timii ma li ɓivun ma ŋgalam kina aya, Aaron u goryom tin kosi kamu.

DLAŊ LEVIRA 8:21

Moiz mbus yorotna ki jivi u gi kewetta lay. Nam ŋgal timiina ki ni u ŋgolom halaŋ, ni ɓivun ma ŋgalam kina, ma his jivi fok Lonana. Ni ti ma ŋgalam ki maŋ Yawena ko nam di ay maŋ Moizza na.

DLAŊ LEVIRA 9:2

Nam di Aaron ana, «Ҥal goo mbutl ma njufna ay dew a li ɓivun ma bulum cora kina may, ɦal gamla timii ay dew a li ɓivun ma ŋgalam kina may. Asi jakŋi yoori suu bay ŋgulla egesina, mbaarasi ay fok Yawe tani.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

NDUMBA 15:3

Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

NDUMBA 15:8

«Lini aŋ a li ɓivun ma ŋgal kina ɗowba ɓivun ma ɦawana maŋ Yawe u bol mbutlna, a faɗ vun dlara aŋ yi va kaŋ ɗowba a li ɓivun ma heɓpa ni,

NDUMBA 19:2

«Gola ni gaɗta Yawe dagirara di suu Israelna ana, asi mbaaraŋ mbutl tamara taɗ tlawra aya, ni mbutla jivira bay ŋgulla egeɗta, ni mbutl mayra sa gaɗ jug ka keleɗɗira may.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

NDUMBA 23:27

Balak di Balaam ana, «Mbaya an jokoŋ uŋ ki hu li ma daŋŋi, hu li namma ni Lona li hin vi kam a aŋ gan vunna maŋ suu asinara kalage.»

NDUMBA 23:3

Balaam di Balak ana, «Col ka kolo u seŋ eg givin ma togolla maŋ ma ŋgal ɓivunna na tok, an may ni ɦuɗ tan ha ki na day, kala Yawe li ŋgafan ay kala ni, boy ma nam danna ayna an hin mba cuɗuŋŋa.» Nam ɗiŋ kolo kay mbura yaɗ ki ɗi ɗira.

NDUMBA 23:30

Balak li ko Balaam damba na may, nam ŋgaɗ bolo mbutlugina u gamlagina ki kay givin ma togolla dew dew halaŋ.

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

NDUMBA 28:19

Agi mbaa ɓivun ma ŋgalam kina fok Yawe. Bolo mbutlugina mba', gamlana dew, gor timigii suu basaɗasi dew dewna kiɗisiya. Agi yow ni yoori suu bay ŋgulla egesina.

NDUMBA 28:31

Agi hin li ɓivun ma ŋgalam ki hu buuna tew tewna ha kayam hu olo u sum veŋŋa hu may, agi yow ni yoori suu bay ŋgulla egesina.

NDUMBA 29:13

Agi mbaaragi ɓivun ma ŋgalam ki ma his jivina fok Yawe, bolo mbutlugina doogo yam hindi, gamlagina mba', gor timigii suu basaɗasi dew dewna doogo yam fiɗi. Ni yoori suu ŋgul ka egesiɗina.

NDUMBA 29:2

Agi li ɓivun ma ŋgalam kina ma his jivina maŋ Yawe, bolo mbutlna dew, gamlana dew, yow gor timigii suu basaɗasi dew dewna kiɗisiya may. Yow ni yoori suu bay ŋgulla egesina.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma JAŊ Ɓiirimma 1:36

Nam wi Yesu jak tuɗta na ni, Jaŋ di ana, «Gola ni Goo Timiina vi Lona.»

Boy Ma Ayra Ma JAŊ Ɓiirimma 10:7

Yesu di ana, «An dagi ha ni gasira, anni vun goŋga vi timigiinara.

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

2 KORINTNA 8:12

Lini sana tin hurum ma jivina wa a ɦala ni, Lona ŋgani ɦal mayra ka ko sanara, va ma kaɗina nam ka ŋgaambi.

2 KORINTNA 9:7

Sana ɦal ni u va ma nam saa hurum a ɦamma, ka va ma sa yoo tam kambi, ka ko ɦeɓpa naɗi lay. Lona min sa ma ɦal u furira.

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

EFESNA 5:27

Nam li na ni kay a col suu vi Kristuna ki fokom u jivi masira u tamba ki teteɗ, cora ka huɗi, zozot ka huɗi lay, turubut ka huɗi lay, va ma daŋ ma co ka huna ndeɗi lay.

GA 8ATAMBARA 12:27

Agi li ɓivun ma ŋgalam ki ŋgalina, tliwna u busuna, kay givin ma togolla vi Yawe Looŋŋa. Agi vo busuna vi ɓivunna kay givin ma togolla, na may tliw ma hinna aŋ komomu.

GA 8ATAMBARA 15:21

Na may lini yoo namma ki u dagka egemu, li ni nam ki dugi kala, dali kala ni aŋ ka li ɓivun u nam maŋ Yawe Looŋŋaɗi.

GA 8ATAMBARA 17:1

Yoo ma ki dagina, mbutl kala, timii kala ni, aŋ ka li ɓivunna maŋ Yawe Looŋŋa u nammaɗi, kay Yawe Looŋŋa gol va namma ki irimmi a va ma njenjena.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.