DLAŊ LEVIRA 1:13 - Boy Lonana

¹³ Sa ma mba dan ɓivunnana mbus yorotna u kewetta ki halaŋ, ɦasi maŋ mul ma li ɓivunna nam ŋgalasi ki lay. Kay ana ni ɓivun ma ŋgalam kina, ni ndoos ma his jivi maŋ Yawena.

DLAŊ LEVIRA 1:13 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

2 DLAŊ MULINARA 4:6

Nam yoo tassa kawi ma daŋŋa doogo olo, cuk ma vadl bik njuf may, vadl bik gulu may fun Ziŋ Lonara mbus semma. Asi mbus tlesuu li sunda hu li ma ŋgal ɓivunna ni huwa. May ni muli suu li ɓivunna mbus tasi ay ki ni hu tassa ma ŋgolna, yoori u kawi ma tlawna.

EZEKIYEL 40:38

Zira hiniŋga ka mini eg vun ma ii mbayawna na. Asi mbus ta yoori suu ŋgaɗasi a li ɓivun ma ŋgalam kina ni hu zi ndaɗta.

DLAŊ LEVIRA 1:9

Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.

DLAŊ LEVIRA 2:11

«Puura u njaf wa ma agi tinim fok Yawena halaŋ ka lasi u kuf dukgi, lini nanagelay agi ka ŋgal ɓivun u kuffa ɗowba mbul yummaɗi lay, puura laɗ maŋ Yawera ka li u tle asinaɗi.

DLAŊ LEVIRA 2:2

Mbaa tle asina ay maŋ muli suu li ɓivunna, goryoŋ Aaronna. Yow fuɗ ndaɗta ni oy duk koŋ dew. Fuɗta may, mbulna may, u mbitla his jivira may. Mul ma li ɓivunna ŋgal tle asina kay givin ma togolla, ni ɓivun ma gi humba. Ni tlesuu ɦasi maŋ Lona a ŋgalasi kina, his ma jivi ii Yawena.

DLAŊ LEVIRA 3:5

Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 6:14

Fuɗ ndaɗta yarasaɗ iriɗ ki u mbulna kay gu ma beɗina, tuɗuɗ ha ni iriɗ ki tlumi jiviya, li puura u njaf wanara yarasi ndaɗta ni ɓivun ma his jivina maŋ Yawe.

DLAŊ LEVIRA 8:21

Moiz mbus yorotna ki jivi u gi kewetta lay. Nam ŋgal timiina ki ni u ŋgolom halaŋ, ni ɓivun ma ŋgalam kina, ma his jivi fok Lonana. Ni ti ma ŋgalam ki maŋ Yawena ko nam di ay maŋ Moizza na.

NDUMBA 15:3

Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

NDUMBA 15:4

Sa ma min a li ɓivun namma maŋ Yawe hin li puura u ŋgaf wana lay, nam yow fuɗta ay hu ii kelew hindi, yarsaɗ ki u mbulna litir dew u nus.

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

NDUMBA 28:8

Goo timii ma ŋgaɗam fiɗigi goona gige na li tlena dukum ni ko ma maɗiina na lay. Ti namma maŋ Yawe ni a ɓivun ma his jivina.

GA 8ATAMBARA 12:27

Agi li ɓivun ma ŋgalam ki ŋgalina, tliwna u busuna, kay givin ma togolla vi Yawe Looŋŋa. Agi vo busuna vi ɓivunna kay givin ma togolla, na may tliw ma hinna aŋ komomu.