DI BOLLA 9:9 - Boy Lonana

⁹ Furi u cara aŋ miniɗta hu buu ma Lona ɦaŋŋa kay ndaŋgara ew wanna. Ni warak ma aŋ fam kay loɓoŋ ma hu duliyara wanna gaw.

DI BOLLA 9:9 ပူးပေါင်းရင်းမြစ်များ

DI BOLLA 2:10

Tlesuu suuna joɓon kasina halaŋ an li co ka maŋ saɗi. Buuna halaŋŋi an ka u furira tew tew kay hurun furi kay sun manda cocoo. Mbuɗ ni a warak ma an fam kay loɓonna.

MALASI 2:15

Yawe may ni li sana ka ni kay tam dew, mbalatam u musukka iirira hurumu naɗi su? Va ma sa namma halamma ni mege? Lona ɦal njaf suuna ay ni nambi su? Gologi iiri magira jiviya. Ka a sa ɓeŋ hurum ki eg caamba u zoŋombaɗi.

DI BOLLA 6:12

Sa ma wi dlara ndak sana ki jivi hu iiri mamba nde hu duliyara wandara ni gege? Iiri ndaɗta jak ki ni semeɗna ɦawa na. Ɗowba sa ma ndak a di sana kay dlara hin li ka ŋgorom dagan miɗ mammara ni gege?

DI BOLLA 3:13

Hu li ma sana ka ti may, ci may, furi kay loɓom ma nam lamma, halaŋ ca ni ɦalla vi Lonara.

DI BOLLA 7:15

Iiri manda ni ɦawaa, an wi ki ana sa ma ɗegeena hin miɗ ki u ɗegee mamba. Sa ma li dla cora hin buu coco hu duliyara u coomba may.

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.

DI BOLLA 3:22

An wi ki ana va ma jivi kay sa warna su yoorina kaɗi, ka nam furi kay sun mamba ana ndaɗ ni ta jivira hol naɗi. Sa ma wi dlara hin li ka ŋgorom daganda ni gege?

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

VUN ŊGOLNA 19:14

Sana ndak a tli zi ma vi bumma, yowom bege mamba may, cara ɗili ɦayra ni ɦalla vi Yawera.

VUN ŊGOLNA 18:22

Sa ma fi carana fi ni jivira. Nam fi ni oora vi Yawera.

SOOLLA 144:4

Sa warna ni ko semeɗna ɦawa na, buu mamma kay ndaŋgara ni ko ŋgus ma maɗina ɦawa na.

SOOLLA 39:5

Yawe takan buu manna, an hin miɗni saɓage? Hinin a an wi ki ana, sa warna buu mamma ka kay ndaŋgara ŋgolɗi.

URA TIN AYRA 26:8

Isaak buu ki hu ŋgol buu ɗaŋŋi fali taa dew Abimelek, mul ma Filistinna, wam ha ii zira nam luu u caamba, Rebeka.