DI BOLLA 9:3 - Boy Lonana

³ Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

DI BOLLA 9:3 ပူးပေါင်းရင်းမြစ်များ

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

JOB 21:26

Halaŋ suu furina u suu ka furiɗina tuɗ ni ga duk ndaŋgara dew. Njufulna tasi ni nam bel.

JOB 9:22

Halaŋŋi fun tasi dew ko an di ay ki jewra na. Lona hin ci suu ɗegeena u suu cona ki ni halaŋ.

SOOLLA 51:5

Kay an wi coonda wa, an ka waɗ fokon hu buuna tew tew.

SOOLLA 64:7

Asi saa ni kay dla cora, asi saa ana sa ma wasi mbeleŋ masina kaɗi, huu sana gasi ni ko zulla yaɗ derewra na.

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

DI BOLLA 1:17

An saa hurun ana an a do u yalna u wira ki may, do u laɓara u puluɗta ki may. Lay ni an hin wi ki ana halaŋ cani jak ki ni u semeɗna ɦawaa.

DI BOLLA 12:7

Ndaŋgara hoŋ duk ndaraɗ ndaŋgara ndaɗ col ay hura, ŋgussa hoŋ eg Lona ma ɦaɗ ayna may.

DI BOLLA 2:14

Sa ma yalna irim wi dlara ha fokomba ki halaŋ, may sa ma laɓana tuɗ ni duk ndufunda. Na may an wi ki ana dlara hin fasira fasi ni fun tasi dew ma su ndaram kaɗi.

DI BOLLA 7:2

Tuɗta tuɗ hu li ma tii maɗna jivi suu mayra aŋ tuɗ kal hu zira tina huruɗ zeɗ zeɗta. Miɗna ni kay suu warna halaŋ, jivira ni sana haɗ tam ki u namu.

DI BOLLA 7:25

An so hurun coco a wi u dlara kiyo, a laɗta lay, halaɗ uɗ ki coco may. A wi ki ana huu ma cona ni puluɗta. Ndaɗta ni ko sa ma yam ki ɓalakina na.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

DI BOLLA 9:2

Dlara mba' kay suuna ni fun tasi dew, kay suu jivina u suu cona lay. Kay sa ma jivi ma teteɗna u ma co ma njenjena lay. Kay sa ma li ɓivunna u ma ka li ɓivunɗina lay, kay sa ma jivina u ma sukukŋa lay, kay sa ma suu tam vi vunum kay dlara u sa ma li ndaana ka vi vunum kay dlaɗina lay.

DI BOLLA 9:4

Sa ma ka iiri hu duliyara tuna ni sa ma ka u saara jivira tuna. Di ma iirina ni jivi su dlo ma miɗina.

JEREMI 16:12

Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

Boy Ma Ayra Ma LUK Ɓiirimma 15:17

Nam gijaŋ saa kay dlaamba ana, Suu li sunda vi bunna ha ti funa, an ci tan ki u mayra tani kay mege?

Boy Ma Ayra Ma LUK Ɓiirimma 6:11

Suu ɦiw wi na ni hurusi mbuɗ yara eg Yesu. Asi gijaŋ ɓak duk tasi a hal mbeleŋ ma vi Yesuna.

SUNDA 12:23

Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.

SUNDA 26:11

An fasi hu Zira Tokka tew tew ni an yowosi njunusiya, an ɦeɓesi ana asi tin vunusi kay viisira. An min a tuɗ lasasi ki gin ni hu ɦoŋzi ma daŋŋa daŋŋa lay, duk njaf suu bay vina.»

SUNDA 26:24

Pol daɓ boy mamma dira daɓ ɗaŋŋi, Festus dam kolo eŋga ana, «Pol aŋ guruɗi su? Haɗ maŋga aŋ haɗa cocora guruɗuŋ ki wa.»

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

2 PIYER 2:16

Nam fi gaɗta kay ŋgel vun mamma korra ndumura ɓakam ko ndal sa warna na, doo sa jok vun Lona namma kay dlaamba uɗ kaɗira.