DI BOLLA 9:13 - Boy Lonana

¹³ An wi dlara daŋga kay ndaŋgara dew olo ni kay yalna. Nammi va ma dlam ŋgol cocoo.

DI BOLLA 9:13 ပူးပေါင်းရင်းမြစ်များ

2 SAMUEL 20:22

Cara jok suu li ɓakŋa u namma ki halaŋ. Asi ŋgaɗ yam Seba ma goŋ Bikrina. Asi hin gikiɗ ha ki maŋ Joab. Joab bu tokolomma. Asi yow ki kolo hin ɓorow kiyo gegelay tuɗ u mbutluɓ mamma. Joab may ni hoŋ ay Yerusalem eg mulna.

DI BOLLA 6:1

Dla cora an ka waɗ hu duliyara cemi wandara ka olo. Dla ndaɗta ka coco kay suu warna.

DI BOLLA 7:15

Iiri manda ni ɦawaa, an wi ki ana sa ma ɗegeena hin miɗ ki u ɗegee mamba. Sa ma li dla cora hin buu coco hu duliyara u coomba may.

DI BOLLA 7:19

Wira wi dlara mbuɗ sana saɓak coco su muli suu doogo hu ɦoŋzi ma dewnana lay.

DI BOLLA 8:16

Hu li ma an tin hurun ki a wi dlarana, wi sunda suuna ka laɗ kay ndaŋgara wanda may. Faali lay, njeŋge lay, sana ka buu sen u irimbi.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

DI BOLLA 9:12

Sana ka wi buurumbi. Ni ko kulufna vi hu bayna ko suu ciwnara na, hu li ma nam kal hu baynana. Ko laygina vi hu baynara na, goryoŋ Adamma dlara yoora kafasi ni ko ndaɗta na may. Hu li ma ndaɗ mba kasina asi ka wiɗi.

DI BOLLA 9:14

Ҥoŋzi maa ka na dew ni suu hu zi nammana ka ŋgolɗi. Mul ma daŋŋa mba ŋguy zi namma, tin tlesuu a to zi namma kina may.

DANYEL 2:14

Na ɗaŋŋi, Danyel ɓak boyna maŋ Aryok ma ŋgol asgaa suu vi mulnana u yalna, u ndaana kay nam kal ki a tuɗ ci suu wi yal suu Babilonna kiyo.