DI BOLLA 9:12 - Boy Lonana

¹² Sana ka wi buurumbi. Ni ko kulufna vi hu bayna ko suu ciwnara na, hu li ma nam kal hu baynana. Ko laygina vi hu baynara na, goryoŋ Adamma dlara yoora kafasi ni ko ndaɗta na may. Hu li ma ndaɗ mba kasina asi ka wiɗi.

DI BOLLA 9:12 ပူးပေါင်းရင်းမြစ်များ

SOOLLA 11:6

Nam si mbo kura u suufra kay suu li dla cora. Nam kaasi ɓak masina ni u babaa ma kuna.

VUN ŊGOLNA 24:22

Kay ana dlara hin ndi kay suu li ɦonira ni na zak. Dlara mbay ndaɗta sa ka wiɗi, mbaaraɗ ay ni mulna kala, Yawe kala ni sa wiɗi.

VUN ŊGOLNA 29:6

Suluk ma suu dlasi cona lamma dawna ka guni huwa. Na may sa ma ɗegeena oy ni u furira.

VUN ŊGOLNA 6:15

Kay ndaɗta ɓalakka hin mba kammi na zak, nam hin kus ki ni kussa ka jak oloɗira.

DI BOLLA 3:19

Kay dlara li sa warna li yoorina ni na lay, hani fun taɗ na dew. Sa warna miɗ may, yoona miɗ ni na may. Asi halaŋŋi u musukka hurusiya. Ŋgolla vi sa warna kay yoorinara ni ɦawaa. Halaŋ ca ni ŋga tara.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

DI BOLLA 8:8

Sa ma u saɓak ma vi iiri mamba kay tam kaɗi. Sa ndak a ɦuɗ buu mam ma miɗna fok kaɗi lay. Hu li ma duuna kana, yal ma sana a ŋgay ki kaɗi. Huu ma cona ka ndak a suɗ sa ma co nammaɗi lay.

DI BOLLA 9:13

An wi dlara daŋga kay ndaŋgara dew olo ni kay yalna. Nammi va ma dlam ŋgol cocoo.

EZAYI 24:18

Sa ma pii ki ko walla suuna saaɗ ko ndaanana hin ndi hu zulla, sa ma taɓa ay ki hu zullana bayna hin vam may. Vun mbo ma ay kolona mal ki may. U ndaŋgara ŋgari gara geŋeɗ may.

EZAYI 30:13

Co ndaɗta hin kagi ni ko ndal maragasira vek zulla duk gulumunna, ndaɗ gi seeɗ huwa, wak kiyo, kak na njokŋi gulumunna bow ki ga kirim gaw.

EZEKIYEL 32:3

Bu Suuna, Yawe, di ana, An hin gun bay manna ki fokoŋŋi hu li ma suuna ka tok ki cocona. Asi hin taɗaŋ ay ki u bay manna.

Magaara Vi Sa Jok Vun Lona OZE 7:12

Hu li ma asi liŋ nana an cukusi bay manna kasiya. An casi ko ndal laygi suu huulonana na. An yowosi hu li ma an humusi delesi asi ka tok tasina.

Magaara Vi Sa Jok Vun Lona OZE 9:8

Sa golla vi Efrayim ka eg Loonna, ni sa jok vun Lona. Asi gunum dawna kaŋga hu voɗ mamba halaŋ, asi duurum ta ta hu zira vi Loommara.

Boy Ma Ayra Ma LUK Ɓiirimma 12:20

Lona dam ana, Aŋ sa ma giniŋ namma karam njeŋge wanni aŋ ka kak iiri oloɗi. Tlesuu aŋ tokosi asina hin hinisi ni maŋ gege?»

Boy Ma Ayra Ma LUK Ɓiirimma 12:39

Humugi dla ndaɗta ha ki jiviya, lini malaŋ zina wi li ma sa kulna mba kulumma ni, nam ka hinim a kal um voɗi.

2 KORINTNA 6:2

Lona di hu magaa mamba ana, «An humuŋ vunuŋ hu li ma jivi manda tak kina. An njunuŋ hu buu ma suɗta.» Cecemi lina ndak wa kay fi jivira vi Lonara, karamba ni buu ma sana ndak suɗ kina.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

2 TIMOTE 2:26

Asi hoŋ mbuɗ ki suu jivina noy ganyamba vi Satannara kiyo, suu nam vasi ay ki jew a hum u min mambana.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

2 PIYER 2:12

Na may saa masira ni ko mburi suu cona na, asi vuɗ ni kay suuna hin vasiya, casi kiyo, asi ŋgul dlara asi ka waɗɗira. Hu dlaasira cora asi hin ba kini ko mburina na may.