DI BOLLA 9:11 - Boy Lonana

¹¹ An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

DI BOLLA 9:11 ပူးပေါင်းရင်းမြစ်များ

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 DLAŊ MULINARA 20:15

Yaziyel oo um kolo di ana, «Humugi ha jiviya, agi halaŋ agi suu Yerusalemma, suu Yudana, aŋ taŋga mulna Josafatta may. Gola ni dlara Yawe dagirara, lagi ndaaɗi, lagi ndaa ko suu duu suu bolow asinaɗi. Duu namma ni ka magi agiɗi, ni man an Loogina.

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

SOOLLA 76:5

Aŋ dlaŋ mbuɗ mbuɗ cocoo, Lona dlaŋ mbuɗ cocoo. Hu li ma aŋ su kay suu duuna, ay ki ga kay ɦinira dlaaŋga su kiyo.

VUN ŊGOLNA 1:5

Ko suu wi dlara huma, zul u wiisira foko, sa ma neeyna haɗ yal ma tuɗ fok suuna may.

DI BOLLA 2:12

An saa kay yalna u puluɗta u dafaɗta, na ni mul ma hin a varak ka balam mulnana hin li ni sun mege? Kay ni tlesuu asi lasi ka ki fokom jewna.

DI BOLLA 3:14

An wi ki ana va ma Lona lamma kakŋi na din din. Sa ka cuk va ma daŋ kambi lay, ka yow kiɗi lay. Lona li dla ndaɗta na ni kay a sa warna mba lam ndaaramu.

DI BOLLA 3:17

An ɓak tan hurun ana, Lona hin kaɓakŋa kay sa ma cona u sa ma ɗegeena halaŋ kay buu namma hin mbaa, ni kay tlena u sunda halaŋ.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

DI BOLLA 4:4

An wi suuna loɓ tasi coco kay sun masira gegelay hal ni ana nam fi su ndaramma, halaŋ ca ni ŋga tara ɦawaa, hin jak ki ni u semeɗna.

DI BOLLA 7:13

Gologi sunda vi Lonara gige. Sa ma ndak a ɗoɓ va ma Lona gunum kina ki ni gege?

DI BOLLA 9:2

Dlara mba' kay suuna ni fun tasi dew, kay suu jivina u suu cona lay. Kay sa ma jivi ma teteɗna u ma co ma njenjena lay. Kay sa ma li ɓivunna u ma ka li ɓivunɗina lay, kay sa ma jivina u ma sukukŋa lay, kay sa ma suu tam vi vunum kay dlara u sa ma li ndaana ka vi vunum kay dlaɗina lay.

DI BOLLA 9:3

Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

JEREMI 46:6

Sa tam feɗna lay ka ndak a suɗ kiɗi lay, ma saɓabak ɦayna lay ka suɗ kiɗi lay. Ay mbayaw na fun mbo lumma Efratna na ni asi daɓ na poŋ poŋ puk kaŋgaa.

JEREMI 48:14

Agi min a di ana, «Ami ni suu saɓakŋa, suu duu suu sunusi ki kay duunana.»

JEREMI 9:23

Lini sa min a ŋga tamu ni nam ŋga tammi u dlara wanda, ko nam li yal coco a wanda, an, Yawe, ma taɓ suuna eg tasina, ma jivina u ma ɗegeena kay ndaŋgara. Gasi dla ndaɗta ni hurun vaɗu, Yawe di na.

MALASI 3:18

Na ɗaŋŋi agi hin wagi dlara duk ɦoŋ sa jivina u ma cona ki daŋgadla, duk ɦoŋ sa sun Lona u sa ka sunumbina.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

GA 8ATAMBARA 8:17

Agi mba ŋga tagi ana, «Ami ɦiz ki ni u saɓak tamiya naɗi.»

GA 8ATAMBARA 8:18

Humugi mba gagi ana Yawe Loogina ɦagi saɓakŋa a agi mbuɗ begera na ni namu. Ni kay a li ki u galamba nam vaɗ ay u somoyogira ko agi ka cemmi wandara na.

1 SAMUEL 17:50

Na ɗaŋŋi David hin su kay sa ma Filistinna u gewrek gewrek mamba u gogoyra. Nam gik sa ma Filistinna, cam kiyo. David ay ka u ŋgew kombi lay.

1 SAMUEL 6:9

Agi hin wi ɗaŋ ana lini ndaɗ tli voɗta hu mbas maɗtara tin iriɗ ha hu Bet-Semes na ni, ni nam tamba laygi dla cora egeygi ni namu. Li ka naɗi ni aygi hin wi ana ni kom laygi dla cora ka egeygi ni nambi, ni aygi faygi ni dakka.»