DI BOLLA 9:10 - Boy Lonana

¹⁰ Tlesuu aŋ ndak a lasi u ɓik koŋŋa ni aŋ lasi gaw gaw. Kay ha duk suu miɗina ni yalna sunda u wira wi dlara halaŋ ka oloɗi.

DI BOLLA 9:10 ပူးပေါင်းရင်းမြစ်များ

URA TIN AYRA 37:35

Goryom suu njufiina u suu boyogina halaŋ mbay egem a ɗilim irimba ni nam ka minɗi. Nam di ana, «An tew eg goronna hu lina vi suu miɗina ni u tiina.» Nam tuɗ fok u tiina.

1 DLAŊ MULINARA 22:19

Cecem wanda ɦagi hurugiya, hinigi tagi a hal Yawe, Loogina. Cologi koloo, minigi Ziŋ Lonara vi Yawe, Lonana, a hoŋ Zandukka Galamba vi Yawera u tlesuu li ɓi vun suu vi Lonna ay hu zira miniɗ u sem Yawera.»

1 DLAŊ MULINARA 28:20

Na ɗaŋŋi David di goromma Salomon ana, «Li sunda u huruŋ dew, so taŋ funu. Li ndaaɗi, dlakgi lay kay ana Yawe Lona, Loonna ka u aŋu. Nam hin ka hiniŋ kiɗi, ka noyoŋ kiɗi lay ta ta sun Ziŋ Yawera hin daɓ kiyo.

NEHEMI 2:12

An col kolo njeŋge olo, an u suu un ɦiw, may an ɓak dlara Loonna danda hurun a laɗ kay Yerusalemba ka ki maŋ saɗi. Kulum ma ful kamma suu daŋ ay ka unɗi ni ma an ful ha kamma doy hol.

NEHEMI 4:2

Asi yow tasi ay a duu u Yerusalem a ɓeŋeɗ tlegeyeɗ kira.

NEHEMI 4:6

Suu Juif suu cuki egesina hu li ma asi ka mbayna ni, asi dami ko va ma yasi doogo na, «Asi ki kaki ni hu li ma agi hoŋ ay huna halaŋ.»

JOB 10:21

A an tuɗ hu li ma ka hoŋ ay oloɗina, hu mbassa ndufunda u ŋgus miɗna.

JOB 10:22

Hu mbassa maɗiira u ndufunda ki fun tasi wara dewra. Li ma ŋgus maɗna ki kuluɓi kay dlara dam dambara. Kiɗikka mbuɗ ki ni ndufunda war cocora.

JOB 21:13

Asi daɓ buu masina ni u furira, kak ew ni asi hin cuk ga duk ndaŋgara.

SOOLLA 6:5

Hoŋ aya, Yawe, suɗun ŋgus manda kiyo. Suɗun kiyo kay jivi maŋga.

VUN ŊGOLNA 3:28

Dik ndaraŋ ma vok zina ana «Tuɗa, aŋ hin hoŋ ay vini an hin ɦaŋ va namma tu wara,» ɗi, doli va namma ka koŋ may ni, aŋ li naɗi.

DI BOLLA 11:3

Hu li ma Lona tin wa ni nam si mbona. Lini ŋgus ŋgolna bow kaŋga ni mbayaw ɗowba daliya ni li ma nam bow huna nam hin gi ni huwa.

DI BOLLA 11:6

Maɗiira ni aŋ zaa wana hu sene maŋŋa. Fiɗigira ni aŋ ɗuɗ koŋ huruŋ ɦawaɗi. Kay aŋ ka wi ki ana ma hin li ki jivina ni maanageraɗi, ɗowba asi ndak a li ki jivi jak lay.

EZAYI 38:10

An saa kay nus buu man ma hin ewna, an ay ki ni fun lina vi suu miɗina, basa manda hinda lay ɓakŋa ki kaay kanu.

JEREMI 29:13

Agi hin halanu, hin fan may. Agi hin halanni huurugi tagira kurufuwa.

NDUMBA 13:30

Kaleb seŋ vun suu gurni eg Moizna dasi ana, «Tuɗuygiya, tlaygi mbassa, aygi ndak a su kasi ni ɦawaa.»

MATIYE 20:7

Asi ana, Ni kay sa yami kaɗira. Nam dasi ana, Li na ni, tuɗ lagi sunda hu sene manna.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

Boy Ma Ayra Ma JAŊ Ɓiirimma 4:34

Yesu dasi ana, «Ti ma an tamma ni a li minda vi sa sunun ayna, a faɗ vun sunda nam ɦanda ana an laɗura may.

Boy Ma Ayra Ma JAŊ Ɓiirimma 5:4

Sa sunda huulona mba gi tam duk yona zalam irim koloo. Yona seŋ zala wa ni, sa tuguɗi ma gi tam fok jewesina lini tuguɗi mege lay ni hinim kiyo.]

Boy Ma Ayra Ma JAŊ Ɓiirimma 9:4

Hu li ma faɗta kolo tu ni, an li sunda vi sa ma sunun ayna, njeŋge ni sa ndak ka a li sun oloɗi.

ROMMA 12:11

Lagi tagi fete, li zolombi, sunugi Bu Suuna u furira.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

1 KORINTNA 16:10

Timote mba ha dukugi wani agi vam dukugi jiviya, kay nam li sunda vi Bu Suuna ko an na may.

1 KORINTNA 9:24

Agi wi ana suuna cuk liŋŋa ni suuna cukŋi halaŋ, sa ma hin fi warakŋa hin lini dew.

1 KORINTNA 9:26

Kay ndaɗta an liŋ irin ŋgarasi kay va ma an liŋ kamma, ni kay ndaɗta an ka ko sa ma ci gotopoŋga ɦawa ɦayna naɗi.

EFESNA 5:16

Lagi jivira hu dlara agi ka laɗta halaŋ kay lima aygi ka hurum cecemi wanna ni coo.

KOLOSNA 3:23

Lini agi li ni sunda lay ni, laɗ u hurugi halaŋ ko agi li ni sunda vi Bu Suuna na, ka ni sunda vi suuna ɦawaɗi.

1 SAMUEL 10:7

Hu li ma aŋ hin wi tle asina li wa ni, aŋ li dlara aŋ ndak a laɗta halaŋ, kay ana Lona ka u aŋu.