DI BOLLA 8:17 - Boy Lonana

¹⁷ An wi sunda Lona laɗta ni sa warna ka ndak a wi dlara Lona laɗ kay ndaŋgara wandaɗi. Sana loɓ tam coco a hal u dlara may ni, ka faɗɗi. Lini suu wi dlara di ana asi wiya lay ni ɦawaa. Asi ka ndak a wi u dlara Lona laɗtaɗi.

DI BOLLA 8:17 ပူးပေါင်းရင်းမြစ်များ

DI BOLLA 3:11

Sana li tlesuu jivina ni hu liisiya liisiya. Nam ɦasi saara wi buurusi ma ha fokŋa hurusi lay. May asi ka wi ŋga buu nammaɗi, kay sa warna ka ndak a wi dlara Lona laɗta col ay hu tin ura day ta ta daɓpara ki belɗi.

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

SOOLLA 73:16

Kay ndaɗta an vi tan a hum u boy namma, nam su ki kanu.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

JOB 5:9

Dlara nam laɗta ni ŋgol cocoo. Sa ka ndak a faɗ uɗɗi. Sa ka ndak a ndum dlara mbuɗ mbuɗta nam laɗtaɗi.

DI BOLLA 11:5

Aŋ ka wi li ma semeɗna col ay hunaɗi. Ko ndal aŋ ka wi yal ma gogoona wul ay kurufu huu sumbaɗira na may. Ni na may aŋ ka ndak a wi sunda Lona laɗtaɗi.

SOOLLA 40:5

Furira ka kay sa ma tin saa mamba kay Yawena, ka hoŋ irim eg dla coraɗi, ka hoŋ irim eg suu kaboynaɗina lay.

SOOLLA 104:24

Yawe sun maŋga ndaɗ bolow cocoo, aŋ laɗ halaŋŋi u yalna, tlesuu kay ndaŋgarana halaŋ aŋ lasi ni aŋu.

DI BOLLA 1:13

An u yal manna hal ana an min a wi dlara ga hu duliyara u huulonara ki na bel bel. An wi ki kan ana Lona ɦal kay goryoŋ Adamma ni li ma loɓma ɦawaa.

DI BOLLA 7:13

Gologi sunda vi Lonara gige. Sa ma ndak a ɗoɓ va ma Lona gunum kina ki ni gege?