DI BOLLA 8:15 - Boy Lonana

¹⁵ An may ni ka furira coco kay va ma vi sa warna ma kay ndaŋgara tanina ni ti may, ci may, hin furi may. Ni va ma nam ka fam u sun mamba nam laɗta kay a juɓ buu mam ma Lona ŋgaamma kay ndaŋgarana.

DI BOLLA 8:15 ပူးပေါင်းရင်းမြစ်များ

SOOLLA 42:8

Mbo ma ɓaɗna ka ŋgaf tam ay na ŋgaf ŋgaf. Nam ɓaɗ irim ay ni kan halaŋ, ko mbona tuɗ kaŋga hu li ma zulzulna na.

DI BOLLA 2:1

An hin ɓak tan hurun ana, «Goloygi jiv iiri maygira ga tani wandara.» Gola ni ŋga tara ɦawaa.

DI BOLLA 2:10

Tlesuu suuna joɓon kasina halaŋ an li co ka maŋ saɗi. Buuna halaŋŋi an ka u furira tew tew kay hurun furi kay sun manda cocoo. Mbuɗ ni a warak ma an fam kay loɓonna.

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

DI BOLLA 2:3

An ɦal tan ana an gol jivi ci summa ki tuwa. An min a li ko suu puluɗina na, a wi dlara suu warna ka laɗ jivi kay ndaŋgara tani wandara. May ni an min gol tan jivi tew tew ka hin a tliwin su kanɗi.

DI BOLLA 3:22

An wi ki ana va ma jivi kay sa warna su yoorina kaɗi, ka nam furi kay sun mamba ana ndaɗ ni ta jivira hol naɗi. Sa ma wi dlara hin li ka ŋgorom daganda ni gege?

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.