DI BOLLA 7:24 - Boy Lonana

²⁴ Dlara mbayra halaŋŋi su ki kay saa manda, dla ndaɗta ki zuzul cocoo. Sa ma ndak a waɗ uɗ kina ni gege?

DI BOLLA 7:24 ပူးပေါင်းရင်းမြစ်များ

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

SOOLLA 139:6

Wiiŋŋa mbuɗ mbuɗta su ki kanu, ndaɗ ha ki kolo kan day an ndak ka a faɗɗi.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

DI BOLLA 8:17

An wi sunda Lona laɗta ni sa warna ka ndak a wi dlara Lona laɗ kay ndaŋgara wandaɗi. Sana loɓ tam coco a hal u dlara may ni, ka faɗɗi. Lini suu wi dlara di ana asi wiya lay ni ɦawaa. Asi ka ndak a wi u dlara Lona laɗtaɗi.