DI BOLLA 7:20 - Boy Lonana

²⁰ Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

DI BOLLA 7:20 ပူးပေါင်းရင်းမြစ်များ

1 MULINA 8:46

«Hu li ma suu Israelna hin gaŋ vunuŋ ki wa, kay ana sa ma hu ndaŋga ma bay ŋgel kaɗi, aŋ huruŋ ɓeŋ egesi hinisi ki hu duk ko suu babali masisina wa, asi yowosi balna tuɗusi ha ki hu mbas masira dayra kala ɗowba toko ni,

2 DLAŊ MULINARA 6:36

«Lini asi li suluk egeŋ wa kay sa war ma bay li co kaɗi, huruŋ ɓeŋ ki egesi wa, hinisi ki duk ko suu babali masisina wa, asi su kasi yowosi ha ki mbaɓura hu mbassa dayra ɗowba ta egesi tokka,

JOB 33:12

Gola, ni an ndak di ana boy maŋŋa ni kaboyna. Kay Lona suu sa warna ki ni na day.

SOOLLA 130:3

Lini aŋ a ndummi cora ni, Yawe, sa ma hin kak iirina ni gege?

SOOLLA 14:1

Soolla vi sa ma fok suu gi soollana, soolla vi David. Sa ma giniŋŋa saa hurum ana, «Lona kaɗi.» Suu asina ɓeŋ tasi ki wa, asi li ni sunda cora. Sa ma li dlara jivi ka na dewɗi.

SOOLLA 14:3

Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

SOOLLA 143:2

Kaɓakŋa kay saaŋ ma sundaɗi, kay suu iirina halaŋŋi ma iriŋ ɗegee kaɗi.

VUN ŊGOLNA 20:9

Sa ma ndak di ana, «An mbus coonda ki wa, suluk ka kan oloɗina» ni gege?

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

DLAŊ LEVIRA 13:39

mul ma li ɓivunna golomu, lini ndalla ndali egem ndaɗta gol ki haɓ haɓbi, tuguɗi ndaɗta li ka eŋ cocoɗi ni, sa namma ni teteɗ.

ROMMA 3:23

Suuna halaŋ li cora wa, ka ndaki kay a fi ŋgolla fok Lonaraɗi.

Magaara JAK Ɓiiriɗta 3:2

Aygi halaŋ laygi cora tew tew, u njafaɗ zeɗ zeɗ. Lini sana boy ma nam damma halaŋ ka fi co hurumbi ni nammi sa ma ɗegeena ndaki a doo tam kay dlara halaŋ.

1 SAMUEL 20:34

Jonatan u hurumma yara col ki kolo fun tabulla, ti va ka hu buu ma vun tilna a mbaranaɗi, kay ana dlara vi Davidta tam tam cocoo kay ana bum ŋgulumu.