DI BOLLA 7:16 - Boy Lonana

¹⁶ Aŋ kal ɗegeera ki saɓaki kaŋ cocoɗi. Li taŋ a sa ma wi dla cocoɗi lay. Aŋ min a ɓalak taŋ ki ni kay mege?

DI BOLLA 7:16 ပူးပေါင်းရင်းမြစ်များ

URA TIN AYRA 3:6

Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.

JOB 11:12

Sa ma ka wi dlaɗina ka mbuɗ neeyɗi. Sa warna vuɗ ni ko ndal korra ŋgoo bagira ɦawa na.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

VUN ŊGOLNA 23:4

Loɓ taŋ coco kay a hal ɦizaɗi. Hin saa ndaɗta kiyo.

VUN ŊGOLNA 25:16

Aŋ fi mbul yumma wa ni, ti u mayaŋ doy hol. Suum ki kaŋ wa ni, aŋ hin vinim ki ni kaŋgaa.

DI BOLLA 12:12

Goonna, gol taŋ jiviya, cuk va kayam cocoɗi. Ndum magaara a ɓiiriɗta ka ki ŋgaayɗi. May ni ɦalla ɦal taŋ a haɗ magaara cocora loɓoŋ ki cocoo.

MATIYE 23:29

«Hahawra kagiya, agi suu wi magaara gaɗta u suu Farisenna, agi ni suu mbambana. Suu jok vun Lona, agi minisi ususi jiviya. Suu ɗegeena agi ndolosi ususi jivi lay.

MATIYE 23:38

Li na ni, ziigi hin hin ki ni ɦawaa.

MATIYE 23:5

Tlesuu asi lasi halaŋŋa ni ana suuna wasiya. Ni kay ndaɗta asi ɓii magaara gaɗta ɓii ni, njunuɗ kosiya. Asi ɗee tlesuu magaara gaɗta ɓiiri huna vun barawi masisina ŋgol lay.

MATIYE 9:14

Suu haɗi suu vi Jaŋ ma mbus batemma ɦuɗ tasi eg Yesu, joɓom ana, «Ami u suu Farisenna li laara may ni, suu maŋsina ka liɗi ni kaymege?»

Boy Ma Ayra Ma LUK Ɓiirimma 18:12

Hu buu ma kiɗisiyana ni, an li laara hu yan mba', tlesuu an fasina halaŋŋi an ɦaŋsina yasi ki bel bel.

ROMMA 10:2

An ndak di kasi ana tasi feɗ a sun Lona, na may uɗ ka irisiɗi.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

1 KORINTNA 3:20

Ndaɗ magaara di olo ana, «Bu Suuna wi saara vi suu neeyna ndaɗ ka li vaɗi.»

FILIPINA 3:6

An ni sa ma las suu vi Kristuna, kay a hal a mbuɗ ɗegee u humba hum u gaɗtara, ni sa fan va ma co ka egenɗi.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

KOLOSNA 2:23

Gaɗ masira gol ko va ma tak nera, u goɓ masira mbay hu minda vi sana, u hoŋ yamba gara, u lassa asi las tasira lay, na may ni kay doo minda vi sana, gaɗ ndaɗta ka li vaɗi.

1 TIMOTE 4:3

Suu asina haɗ ana a sana ɗum cara ni ka jiviɗi, tlesuu taa ɦiw lay ni tasiɗi lay, Lona li tlena halaŋŋi a suu vi suu wi gasira cenem kasi wa ni tiya.

WIRA ŊGAYRA 18:19

Asi cuk buɗna kasiya, tiiya yoo tasi cocoo, «Ni haw haw minage ɦoŋzi ma ŋgolna. Suu li sunda duk mbo ŋgolna ɦiz kini u tlesuu ay hu ɦoŋzinana, hu lerra dewra tlegeyeŋ ba ki na halaŋ halaŋ gaw.»