DI BOLLA 7:14 - Boy Lonana

¹⁴ Lini dlara halaŋ ka tuɗ jiviya ni furuyuygiya, lini dlara halaŋ ka tuɗ coo ni, saaraygi may. Lona sun jivira u cora ay halaŋ, sana ka ndak a waɗ uɗɗi, ka wi va ma hin li ka ŋgorommaɗi lay.

DI BOLLA 7:14 ပူးပေါင်းရင်းမြစ်များ

1 MULINA 8:47

lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.

JOB 2:10

Job hoŋoɗ dira ana, «Ndak ɓakŋi ko suu puluɗina na. Ay vi jivira a ɦalla vi Lonara, ay ka ndak a vay cora a ɦalla vi Lonara mayɗi ni kay mege?» Hu dla ndaɗta halaŋŋi, dlara co ka kali fun Jobbi.

SOOLLA 119:71

An hoŋ yan ga na ni kan jivi cocoo, ni kay a haɗaŋ gaɗ maŋgara.

SOOLLA 40:3

Nam tlan ay ki hu zulla doroɓma, nam colon ki kolo kay li eŋŋa, nam ka golon tuɗ manda.

DI BOLLA 10:14

Sa ma ka wi vaɗina zul njaɗta fiyek cocoo. Sana ka wi dlara a mbay fokkaɗi. Sa ma hin takam dlara hin li ka ŋgorom daganda kina ni gege?

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 12:13

Gola ni vunun ma ndi gana. Va ma sa warna a lamma ni nam hum u Lona, li u gaɗ mamba may.

DI BOLLA 12:8

Tlegena halaŋŋi ɦawaa, megelay ni ɦawaa. Sa ma Di Bolla di na.

DI BOLLA 3:22

An wi ki ana va ma jivi kay sa warna su yoorina kaɗi, ka nam furi kay sun mamba ana ndaɗ ni ta jivira hol naɗi. Sa ma wi dlara hin li ka ŋgorom daganda ni gege?

DI BOLLA 3:4

Buu ma tiina dew may, buu ma sanda ni dew may. Buu ma yoo tara ni dew, buu ma luu njoŋŋa ni dew may.

DI BOLLA 5:17

Va ma an fam irin jivina ni ko ndal wanda na, jivira ni sana ti may, ci may, juk loɓ sun mamba nam laɗta funum nde kay ndaŋgara tani. Hu buu ma bolow ma Lona ɦamma kay ndaŋgara tanina kay ni ii ɓorow mam ma nam famma gaw.

DI BOLLA 8:7

Nam ka wi dlara hin mbaraɗi, sa ma hin dam ana ndaɗ a mba ni hu buu ma wannana ni gege?

DI BOLLA 9:7

Tuɗa, ti fuuŋŋa u furira, ci sum veŋ maŋŋa u ayra kay Lona ŋgaaŋ sun maŋga aŋ laɗta wa.

EZAYI 26:11

Cemi Yawe koŋ ka tli koloo asi ka wambi lay. Na may asi wi huruŋ ma haɗ kay suu maŋsinana asi mbuɗ ki zolona. Kura aŋ miniɗ kay suu babali maŋsinara ŋgalasi ki wa.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

JEREMI 23:20

Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

YOORA 3:38

Ay fun ma Kolo Dayna dla cora u jivira kal ay ki ni naɗi su?

MISE 6:9

Del Yawe ka yi ay ɦoŋzina, nam hin suɗ ki ni suu li ndaana u semma. Humugi haa, njaf suuna u suu ka hu ɦoŋzinana.

MATIYE 9:13

Tuɗugi haɗagi boy ma ɓiiri namma ay hu magaara tuwa. Boy namma di ay jew ana, An min ni ɗegeera hu sanara, ka ɓivun ma yoorinaɗi. An mbay ka yi suu hurusi ɗegeenaɗi, an mbay ni kay suu cona.»

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

GA 8ATAMBARA 26:11

Ni kay jivira Yawe Looŋŋa ɦaŋgara, maŋ taŋga u ziiŋ halaŋ agi hin li furira u njaf suu Levina halaŋ u ŋgayagi suu vo varaŋŋa lay.

GA 8ATAMBARA 28:47

«Kay ana agi sun Yawe Loogina ka u furiraɗi, ayra hurugi hu li ma tlena ka kogi cocona.

GA 8ATAMBARA 8:3

Nam gagi ki hawra, nam ndagi ki mayra, hin ɦagi manna a tira, fu ma agi u somoyogi lay tam ka dewɗina. Ni kay a takagi ki ana sana kak iirira ni ka kay funa dewɗi, may nam kak iirira ni kay boy ma kal ay ki fun Yawena halaŋ.

GA 8ATAMBARA 8:5

Ni agi ndak wi ki ana Yawe Loogina gaɗagi ni ko sana gaɗ goorommara na.

Magaara JAK Ɓiiriɗta 5:13

Sa maa dukugi ka wihaw su? Nam joɓ Lona. Sa maa dukugi ma furi ka su? Nam gi soolla geleɗ Lona.